ارجو من سيادتكم التكرم علي وتعريفي علي الاير باج وكيفية التصرف معها اذا حدث شيئ لا قدر الله وفتحت ماذا افعل
عرض للطباعة
ارجو من سيادتكم التكرم علي وتعريفي علي الاير باج وكيفية التصرف معها اذا حدث شيئ لا قدر الله وفتحت ماذا افعل
اولا ربنا يكفينا شر الحوادث و ربنا ما يحوجنا للايرباج
اول حاجة و اهم حاجة ان حضرتك لازم تربط الحزام علشان ايرباج بدون حزام = كارثة
ثانيا حضرتك هتلاقي المكان اللي مرسوم عليه علامة رينو في الدريكسون اتفتح و طلعت منو الايرباج بتتنفخ في جزء من الثانية نتيجة ان الخبطة بتوصل للسينسور بتاع الايرباج فبيدي الامر انها تفتح
بتفتح و السائق بيخبط فيها و الحزام بيشده يرجعه مكانه و الايرباج بعد فترة انتفاخها بينتهي و بتبقى عاملة زي كيس المخدة على الدريكسيون و ممكن تسوق عادي بالدريكسيون كدة لو ينفع
الايرباج بينتج عن فتحها صوت و حرارة جامدين جدا لأنها بتبقى نتيجة تفاعل كيميائي علشان تطلع بالسرعة دي
بيتكون الايرباج من الطارة و سينسور و كومبيوتر الايرباج
في حالة لا قدر الله فتحها بيتغير الطارة و الايرباج نفسه و السينسور و الكومبيوتر اعتقد بيتبرمج من اول و جديد
ملحوظة:
انا بتكلم كليا على ايرباج اللوجان
يوجد انظمة عديدة من الايرباجز
بيختلف سعر الايرباج من ماركة للثانية
الايرباج مبيفتحش على سرعة بطيئة بس مش عارف كام بالظبط
الايرباج مبيفتحش لو العربية مبطلة
الايرباج مبيفتحش لو العربية واقفة
الايرباج بدون حزام خطر جدا جدا جدا
الايرباج على الاطفال الصغيرين خطر بردو
الله ينور يا اخ محمود .. هى بس إضافة صغيرة ان الايرباج بتفتح فقط لو انت رابط الحزام .. لو مش رابط الحزام مش هاتفتح و هى تصميمها كده عشان زي مانت قلت ايرباج بدون حزام = كارثه ..
ايوه اللوجان الايرباج بيفتح من غير الحزام عشان مفيش سنسور حزام
يعني ياريت نرجع نحط الحزام عشان لو فتح ممكن يؤدي لكسر في الرقبة
الايرباج بتفتح حتى بدون ربط الحزام !!!!!! ياجماعة انتو متأكدين من المعلومة دى؟ وازاي مافيش سنسور حزام إذا كانت لمبه الحزام بتنور مع لمبات الزيت والبطارية عند تدوير العربية؟ اعتقد ماكانتش هاتنور لو مفيش سنسور .. لأ من فضلكم أكدولى المعلومة دى
لأ هى بتنور ف الاول (check يعنى) وبعد كده تطفي زيها زي الزيت والبطارية ..
اومال واخده 3 من 5 نجوم ازاي في الامان و دول حاجتين مرتبطين ببعض.. انا افهم انه كدا بيدفعنى تمن حاجه خطر مش امان
تصدق يا محمود قلقتنى بجد .. وبالرغم من اللي يقولك سخونة التابلوه و صوت الكركبه و صوت الموتور الا انى رميت كل ده ورا ضهري واستمتعت بالعربية و ماوقفتش قدام حاجه الا حكاية الايرباج دي لأنى باهتم بقصة الامان .. اتصلت بالتوكيل وكلمت مهندس اكدلي ان الايرباج هاتفتح ف كل الحالات رابط الحزام أو مش رابط .. كمان قالي ان علامه الحزام بتنور فقط لو فيه مشكله ف الحزام ومالهاش علاقه ان كنت رابطه أو لأ ( ماعرفش ازاي) .. طبعا كل ده ف الفول أوبشن لأن الهاف مافهاش ايرباج ( علي حد كلامه ) ..ربنا يسترها علينا بقى
معلومات جميلة اوي يا شباب
ده مهندس كفتة ايه اللي قلك الكلام ده
ده بردو زي قصة لمبة الCheck!!!
العالم دي تنرفز و الله مشكلة ايه في الحزام و هتتعرف ازاي من ام البتاعة اللي بيدخل فيها الحزام و هو الحزام فيه كوبيوتر علشان لو افترضنا ان فيه مشكلة تسجل error !!!
بص يا وسيم انا مش عاوزك تقلق و عاوزك تستمتع بالعربية تماما لأن القصة دي مش مقلقة خالص طالما انت متعود تلبس الحزام
اما لو مش متعود فبرضاك او غصب عنك هتتعود و انا وراك وراك =))) :khd:
الموضوع ابسط من اللمبة اللي بتنور في التابلوه
بص تحت الكرسي
الرينو داستر وانا بركب لها الفرش : فيه فيشة ايرباج تحت الكرسي اتفصلت عشان نخلع الكرسي ونركب الفرش
الرينو لوجان : مفيهاش الفيشة دي يعني تعرف تشيل الكرسي عادي رغم ان عربيتي فول اوبشن
يبقى العربية حتعرف ازاي ان الحزام مربوط ؟؟؟؟؟؟؟؟؟؟؟؟
يبقى الايرباج بيفتح في كل الاحوال
على العموم الكلام ده كويس لاني لما عرفت المعلومة دي رجعت اربط الحزام ثاني عشان كان بقالي سنتين مش بربطه
ماهو انا عشان كده استغربت من كلام المهندس ده .. إذا كانت اللمبه مانورتش عشان انا مش رابط الحزام هاتنور عشان فيه مشكلة ؟!! .. عمرنا ما هاننضف ابدا .. الايرباج ربنا خلقها عشان تبقى امان للبشر واحنا بقدره قادر عملناها مشكلة ..
طاب لو الميجان فيها كمان نفس المشكله يبقي في الرينو كله ؟؟
وهل دا في المانويال بس و لا الاتوماتيك كمان؟
وهل حد يعرف الموضوع دا في السانديرو الاتوماتيك و الستيب واي ؟؟
الموضوع دا جديد لانج عليا و عايز اعرف برضو الوضع ايه في العربيات التانيه اللي ممكن تكون في نفس الفئه زي اسبرانزا مثلا و جين 2
منظومة الايرباج اسمها SRS
supplementary restraining system
نظام التقييد التكميلى
يعنى من وجهة نظرى أن منظومة الايرباج تعمل بناء على
منظومة التقييد ( الحزام )
و الكلام ده فى عربية موديل 96
يبقى مهندس التوكيل ده كفته فعلا زى الزميل ما قال
أو كلام المهندس حقيقى و يبقى مش عيب صناعة ...
يبقى مخالفة مواصفات و يترفع على الشركة قضية تخرب بيتهم
انا قولت اسأل رينو علي الفيس بوك و كانت المحادثه كالاتى
https://lh6.googleusercontent.com/-J...t-facebook.jpg
السؤال :
في اللوجان الاير باج مش مربوطه بحزام الامان و دي مشكله رهيبه .. ازاي شركه زي رينو تعمل كدا .. يعني لو حد ناسي يلبس الحزام او الحزام فيه مشكله وعمل حادثه يبقي عليه العوض.. ارجو التوضيح عن عمل الاير باج في غياب سينسور حزام الامان .. دي مشكله فنيه رهيبه و تتطلب التعديل الفوري..
الأجابه :
Renault Egypt:
أ/ عمــر .. شــكرا جزيلا لمشاركتك .. ونـود ان نعلم ســيادتكم بأن رينـــو تهتم فى المرتبة الأولى بأمان عملائها الكرام ، ومن هذا المنطلق يجب ربط نظام الآيـرباج بحـزام الآمان وذلك لحماية السائق وخاصة الفقرات العنقية ، ولكن فى حالة عدم أرتداء حزام الأمان لا يكون هناك أى فائدة للإيرباج غير عدم ارتطام السائق بالتابلوه ولكن سوف تكزن هناك خسائر فادحة أخرى ، والعياذ بالله ، ولذلك وجب ربط الأثنين معا لإعطاء أقصى أمان للراكبين. ولذلك وجب علينا التوتضيح بأن هذا لا يعتبر مشكلة فنية كما تفضلتم بالشرح ، ولكن هذا أقصى أنواع الأمان لعملاء رينــــو الكرام ... شكرا جزيلا. YH
مشاركه
Ahmed El Basha:
يا باشا الأستاذ عمرو قصده إن الإيرباج في اللوجان كده كده هتفتح حتى لو مكنتش رابط الحزام ودي مصيبه كبرى فأين الأمان هنا؟
إجابه
Renault Egypt:
أســتاذ / أحمــد .. فى ردى أعلاه .. أوضح ألزامية ربط حزام الأمان فى جميع الأوقات لأخـذ الفائدة كاملة لعملية الأمان ، فى تعبيرى "يجب ربط نظام الأيرباج بحزام الأمان" أقصد به لابد على قائد السيارة وضع حزام الأمان لتفادى أى كوارث من جراء الحوادث والعياذبالله ..وليستفيد من الأثنين معا ... المصيبة هنـا هـى فى عـدم ألتزام قائد المركبة فى وضع حزام الأمان ... مع الشكر. YH
ردى عليهم:
مازالت المشكله موجوده .. في حاله وجود عطل في حزام الامان فالكارثه محققه و لكن في وجود سينسور يشعر بالحزام ومشاكله من عدمه فيمكنه تعطيل الاير باج .. المشكله انهم غير مربوطين أصلا .. يعني لو انا ملتزم و لابس الحزام و فيه عطل ها يحصل مصيبه برضو .. الرينو داستر فيها السينسور و الحزام مربوط بالأير باج .. دي مشكله فنيه خطيره ولا يستقيم معها رد الشركه لانها تقلل من مستوي امان السياره تمام بل و تجعلها خطر داهم
أنا شايف انهم بيستهبلوا و بيلاوعوا انا ها ابعت لرينو فرنسا
بص يا باشا مش دفاع عن رينو و لكن لو حضرتك عندك بايك و لبست جاكت من الجاكت الsafety بتاعت البايك و ملبستش الخوزة و لا قدر الله وقعت من عليه دماغك اتخبطت في الاسفلت يبقى عيب هوندا ولا BMW ؟؟ و تقلهم انا عملت اللي عليا و لبست الجاكيت
اكيد لأ لأنها منظومة مربوطة ببعض
انا واحد بيهتم بالامان و علشان كدة اشتريت الفول اوبشن علشان الايرباج و الموضوع بتاع الحزام ده مش عاملي قلق لأني مبتحركش سنتي بالعربية من غير الحزام
بس لو الزمنا التوكيل انو يربطهم ببعض يبقى فل الفل و زيادة في الامان
والله يا أخ جبريل .. انا الموضوع دا معكننى اخر عكننه.. :I_angr1[1]:انا بحب عربيتى اللوجان دي جدا و الموضوع دا ضايقنى علي الأخر لانه هو القشه اللي قسمت ظهر الامير :)
يعني المصريين ما يستحقوش عربيات تليق بيهم ولا هم مش بنى ادمين.. الواحد اللي بيجيب عربيه اقتصاديه دا بيكون طالع عينه عشان يجيبها سواء كاش ولا تقسيط .. شوف العربيات في العالم كله تمنها كام و عندنا احنا تمنها كام...
يجي الوكيل المحترم يشيل شويه خواص زي حكايه سينسور الحزام عشان يخفض السعر يقوم يطلع مسخ مش عربيه .. دا حتى العلامه علي المفتاح مش موجوده كانك سارق المفتاح مش دافع تمنه
مش الوكيل دا بس كل اللي بيدخلوا عربيات في مصر ممشينها فهلوه و مواصفات مالهاش علاقه بالحقيقه لا تناسب الطرق ولا الامكانات الماديه ولا إحتياجاتك كمستخدم
ويجي المرور ( أيام ما كان في مرور :Copy of m-s5:) ينكد عليك و يقولك ايه اللي لازقه واللي عامله و يغتت عليك و يمرمطك في التجديد و يا تدفع يا تتعطل
اللي بطلبه يا ساده انه يكون في احترام لعقول المشترين من المصريين الغلابه .. وان كنت ارى ان كل اللي بيشتري عربيه في مصر يبقي غلبان مهما غلي تمنها لانه بيتعذب في الطرق و المرور وطريقه السواقه العبقريه للتوك توك السحري و الميكروباص الطائر
الموضوع كمان في السيفتى و احنا في مصر ما شاء الله بيموت عندنا سنويا في الطرق قد اللي بيروحو في سوريا و فلسطين و ا فغانستان مجتمعين من الأضطرابات السياسيه و الحروب
أرجو كل واحد يبلغ غيره عن المشكله دي او الملاحظه دي عشان ياخد باله و يفضل حاطط الحزام و ربنا يكرمنا
إعذرونى علي الإطاله و لكن بفضفض مع اجدع ناس في الدنيا ..
الى كل اللوجانية اهلا بكم جميعا اوكد لكم ان الايرباج لا يفتح بدون حزام وده عن تجربة شخصية عملت حادثة وانقلبت بعد ما خبت عربية تانية وماكنتش رابط الحزام ولم يفتح الايرباج مع العلم ان عربيتى لوجان 2012 فول ابشن مانيوال
اولا حمدلله علي سلامتك
ثانيا هو حضرتك دخلت ب وش العربية ف العربية اللي قدامك .. اقصد هل الخبطه ف الاكصدام الامامى ف الجزء اللي فيه السنسور بتاع الايرباج؟ .. خد بالك حضرتك ان الايرباج ماتشتغلش ف حاله الخبطات الخلفية أو الجانبية
الخبطة كانت بالرفرف الامامى يمين بالضبط فى الفانوس الامامى يمين فى جنب عربية ربع نقل دبابة اتكسر الفانوس تماما اطبق الرفرف وكنت ماشى على120 تقريبا دست فرامل او لفيت الدريكسيون شمال فانقلبت وماكنتش رابط حزام ولم يفتح الايرباج
هو الموضوع ده وقف على ايه كده؟؟؟ حد راح التوكيل وسال؟؟ وايه وضعنا مع الاير باج ده لو فعلا مش مربوط مع الحزام يكون ايه وضعنا مع التوكيل .. وليه الكلام ده مختلف عن الكتالوج وليه مش كاتبين تحذير من حاجة زي ده؟؟؟؟
10000 سلامة لحضرتك و يا رب تكون بخير بس انا عندي في مفتاح التحكم بتاع الاير باج اللجنب السواق سواء تفعليها او تعطيلها في جنب الطبلوه ناحية كرسي اللي جنب السواق (المفروض عشان لو في كرسي للاطفال انا حطه جنبي يبقى لازم اعطلها اعملها Disable يعني ) لكن بتاعت السواق طبعا مفهاش الكلام ده بس فعلا اللي حارق دمي انه لمبة الحزام مابتنورش لما بشغل العربية بس هل ده معناه انه فعلا مفيشش سينسور طيب لو ده حقيقي ايه فايدة الاير باج طالما كده كده هتفتح و بكدة ضررها اكبر من نفعها من وجهة نظري ... ما الحل يا وحوووش
روحت التوكيل من فتره وسألت المهندس و الخلاصه انه اوبشن وعلي قد فلوسك مد رجليك و اللي حزامه في راسه يعرف خلاصه .. دا اوبشن عشان موجود في الميجان و الداستر و ممنوع فصل الأير باج لانها بتم علي الكمبيوتر و ممنوع تمام فصلها .. يعني ياتلبس حزامك يا تلبس الأير باج