بالنسبة لصاحب الموضوع
أنا هتكلم عن الفانتازيا لانها مع والدي و سوقتها كتير أنا هتكلم عن أول فئة أوتوماتيك (الـ basic) بتاعة التوكيل
هيا ما شاء الله سيارة ممتازة جدا
عفشة ناعمة جدا
بالرغم من إنها أول فئة لكن الأوبشنز بتاعتها كتير ما شاء الله
ثبات عالي جدا جدا
صاج قوي لو اتخبطت لا قدر الله
قطع غيار سعرها كويس
إعادة بيع سعر ممتاز
الإسكودا مملوكة لشركة فولكس الالمانية و لكنها تصنع في مصانعها في التشيك
كمبيوتر رحلات بيقولك كل حاجة و الأعطال اللي فيها
مثبت سرعة في كل الفئات
فرامل ABS EBD ممتازة جدا
واسعة جدا من الداخل
سيارة مرتفعه عن الأرض عشان المطبات مقارنة بأغلب السيارات الجديدة
الكنبة الخلفيه واسعة
شنطة العربية واسعة
إغلاق الزجاج و المرايات من الريموت
دريكسيون مالتي فانكشن في كل الفئات من خلاله تتحكم في الكاسيت و البلوتوث و مثبت السرعة و كمبيوتر الرحلات و هكذا
المرايات فيها تعتيم و ده مفيد جدا للقيادة ليلا
عيبها الوحيد ان ماتورها 1600 سي سي صغير على حجم السيارة الكبير فعشان كده بتلاقي سحبها ( تسارعها ) بطيء شويه من الثبات
أما لو انت ماشي على سرعة 50 أو 60 كيلو فتسارعها بيكون جميل جدا
عيبها التاني ان شكلها مش شبابية
خلي بالك برضه عشان أنا سمعت إنها ممكن يتغير شكلها قريب بس مش متأكد
المفضلات