الموضوع: [تقرير] تغيير تيل الفرامل في الياريس بالتيل الاصلي

احمد باشا قولتلك زمان على الزوايا عندك مش مظبوطه ولذلك الفرامل عمرها ما هتكون كويسه معاك
تانى حاجه نوع الكاوتش بياثر
تالت حاجه الفرامل ما اسعفتكش دا بايد ربنا مش بايد العربيه ولا الفرامل دا قدر واصابك يعنى انا احيانا بضرب فرامل واكاد اقولك الدم بيطلع من وشى من كتر المسك واحيانا ربنا بيسترها وبيبقى الطريق عليه زحلقه او رمل او كنت بطلع طلعه شديده شويه ساعتها الفرامل مش بتسعف حتى لو كنت راكب بى ام

وانتبه لشىء مهم جدا ان الفرمله عند سرعه ثابته يختلف اختلاف جذرى عن الفرمله بسرعه تزايديه يعنى بتدوس بنزين العربيه بتبقى واخده طاقه حركه مهوله استحاله فرامل توقفها

للحفاظ على الطنابير ماتغسلش العربيه بس بعد مشوار مباشره سيبها تبرد لمده نص ساعه واغسلها

تحياتى لك

التيل الخلفى عمره 3 اضعاف التيل الامامى لا تغيره حاليا

المشاركة الأصلية كتبت بواسطة me_medoo

تصدق فعلا كلامك مزبوط مية في المية يعني حتى لو كنا بنحافظ على تغير التيل بانتظام ومشينا في شوية مطرة وضيف عليها كمان المجاري الي بتطفح عدم المؤخزة في كل حته والتيل بيبقى سخن جدا بالذات في الصيف المشكلة يا بش مهندس الطنابير تمنها نار وحراقه قوي ١٥٠٠ جنية ومفيش مفر من المية الي بتبقى متجمعة في كل حته ده غير الناس الي في عز الحر لسه في ناس بترش بخرطوم مية قدام بيتها

لا تفهم كلامى غلط

قصدى على الضخ القوى للمياه زى بتوع المشاحم
وبالنسبه لميه الشارع هجيبلك مثال الطنابير بتوصلها ميه فى حاله ان نص العجله غطسانه ودى نادره فى حاله الشتاء القاسى اوى او فى حاله حفره بها ماء وبعدين مش هتبوظ من مره ولا اتنين دا من 100 مره على نفس الحاله

اقولك حاجه انا عندى اصدقاء ومعارف بيخرطوا طنابيرهم على 20 الف كيلو بسبب الغسيل المتكرر السريع مش بيسيبوها تبرد وعربياتهم لانسر وتويوتا

تحياتى لك

المشاركة الأصلية كتبت بواسطة me_medoo

تمام تسلم ايدك يابش مهندس طيب بما انك موجود معانا كان في سؤالين عندي هيجننوني الله يباركلك ؟ انا عندي مشكلة في كرسي السواق في اليارس ٢٠٠٨ طول ما انا ماشي اييئ اييئ. عمال يزيق كده رحت التوكيل ودفعوني ١٦٠ جنية وراح الصوت مكملش اسبوع ورجع الصوت تاني فايه رايك اوديها عند سروجي ولا اروح اجيبلي كرسي جديد من الحرفين وخلاص

النقطة التانية الله يباركلك عندي مشكلة في عبشة العربية المساعدين. بسمع صوت فيهم بس وانا نازل من فوق مطب زي تزيئت باب عاوز يتشحم.

وفي نقطة كمان انا عربيتي ارتفعها من ورى حوالي تلات عقل صوابع بس عربية احمد ارتفعها حوالي ست عقل صوابع فمين الارتفاع الطبيعي للعربية وتحياتي ليك ياباشا

الجواب على 1 : انتا مركب فرش جلد والكرسى اتفك قبل كدا محتاج يتفك ويتنضف ويتشحم مفاصله ويتربط كويس

الجواب على 2 : دى بسبب الغسيل مفاصل المقصات فيها صدا بسيط هاتلك wd-40 ورشها على جلب المقصات وعلى اى مسمار فى العفشه مش مشكله وهيا راكبه عادى وبعدين روح على البطاحه هتلاقى جلده كدا ماتشيلهاش بس اتنيها شويه كدا ورش على راس البطاحه هتلاقى الدركسيون خف معاك فى الدورانات ورش على اى نقاط ارتكاز فى العربيه ( بيض مقصات جلب مقصات .... انتا وشطارتك بقى فى الى تشوفه ويستحسن تفك العجله وتعمل الحوار دا )

الجواب على 3 : دا ليه عده اسباب ممكن تكون محمل اكتر . ممكن تكون الكاوتش عندك مش نفس الكاوتش والجنط عنده بتاعه اكبر . ممكن يكون بتحمل على العربيه كتير والياي بطبيعته قل شويه ودا عادى مافيش قلق

تحياتى لك ... م/ عاصم جاد