مستخدمي samsung note or glaxy tab

**mahmoudalaa** · 30-03-2012 01:39 AM

يا جماعه باختصار انا عايز اجيب حاجه تكون بديل للاب توب علشان استخدمها في شغلي لاني بسافر معارض برة و اوقات بحتاج كمبيوتر افتح ملفات اكسيل و الاوفس عامتا ابعت ايميلات اله حاسبة سريعه وطبعا انترنت ومتابعه سريعه للايميلات و اوقات بتكون واقف مع حد ومفيش مجال تفتح الكمبيوتر وتقف بية تشرحله حاجه او توريله ملف ف انا بارجو من الناس اللي استخدمت الجهازين توضحلي الافضل و لو امكن حد يشرحلي الامكانيات وهل في حاجه جديده هتنزل استناها و اية اخبار الاسعار و لو في اي نصيحه ولا حاجه يا ريت محدش يبخل عليا بيها اخوكو محتاس في الموضوع ده
وشكرا مقدما

**beshomilan** · 30-03-2012 09:26 AM

الجالكسى نوت حلو جدا عن تجربه فيه كل اللى انت عايزة وزياده
بس للاسف البطاريه سيئه جدا وهو يوم وشكرا على كده لانه كان معايا..بطاريه النوت 2500 مللى امبير
التاب افضل بالنسبالك لو شاشه 7 او 7.7 انش وسهل التنقل بيه
ودور على تاب تكون بطاريته قويه زى السامسونج 7.7 بطاريه 5100 مللى امبير وبيتباع على 3500
واقل سعر ال zte v9 ده شاشه 7 انش وبطاريه 3400 مللى امبير وبيتباع ب 2000
وطبعا الاتنين اندرويد و 3g
اما النوت ب 4000 زيرو وشاشه 5.3 انش وبطاريه 2500 مللى امبير

وشوف ميزانيتك وقرر وانا معاك

**beshomilan** · 30-03-2012 09:31 AM

كارفور منزل عرض سامسونج تاب شاشه 10.1 انش تحفه جدا بطاريه 7000 مللى امبير ب 3500
ومعاه قسيمة شرا ب 100 جنيه يعنى تمنه 3400 فقط
ده لينك العرض فكر وقرر
..::: كارفور مصر :::..

ودى مميزات التاي ده خش شفها وقرر
Samsung P7500 Galaxy Tab 10.1 3G - Full phone specifications

**khaled_yassin** · 30-03-2012 10:04 AM

انا معايا السامسونج ال7.7 حكاااااااااااايه
انا اشتريتوا علشان يكون فيه تليفون
انما انت لو مش محتاج التليفون فخليك فى ال10 هيكون حلو
بس ال7,7 الشاشة اعلى من اى تابلت تانى نزل ويعتبر اعلى امكانيات فى جميع التابلت
الاسعار بتاعتوا : اقل سعر فى مصر سمعتوا 4200 من غير ضمان
وبالضمان ب4750 فى راديوا شاك وموبيل شوب وبقية المحلات النضيفة
فى ناس بتقول فى اسعار اقل بس الله اعلم
لو هتجيلوا من برة هيبقى سعروا حلو اوى
فكك من النوت خالص , سعروا اغلى وشاشة حجمها اقل
انا دلوقتى مش بتحرك من غير التاب

**mahmoudalaa** · 30-03-2012 12:17 PM

تمام كده يا رجاله يبقي انا اركز في التاب 7.7 او 10.1 ودي زي ما فهمت هيحددها حكاية التليفون او لا وفي حاجه تانية انا بعتمد اعتماد كبير علي ملفات الوورد والاكسيل وبرنامج ترجمه (دي مش مشكلة) هل الاكسيل هيكون نفسل الكسيل بتاع الكمبيوتر يعني في الامكانيات يعني لو احتاجت اعمل حاجه معينة في الشيت ممكن متنفعش وابقي برضو احتجن للكمبيوتر ولا هي هي نفس الاوبشنز بتاعت المايكروسوفت اوفيس وبالنسبة لمساحه التخزين علية هو فية هارد ولا ميموري و بيبقل ميموري لحد كام
شكرا مقدما

**beshomilan** · 30-03-2012 12:41 PM

هو هو نفس الاوفيس العادى بكل حاجة
التاب ال 7.7 ميمورى 16 وممكن يتزود حتى 32
التاب ال 10.1 ميمورى 16 او 32 او 64 بدون كارت ميمورى
طبعا مع الفارق ال 7.7 فيه 3g وال 10.1 مفيهوش

بص قدامك حلين التاب ال 10.1 بتاع كارفور بضمان سامسونج سنه ب 3500 وقسيمة شرا 100 يعنى تشترى كارت 16 جيجا معاه
وفيه موضوع فى منتدى دى فى دى لسة واحد عامله امبارح على جالكسى تاب 7.7 كنت راسلته عشان اعرف اخره فقاللى اخره 3550 وهو زيرو بعلبته مقفوله متفتحتش
وده الموضوع
[url=http://dvd4arab.maktoob.com/f503/3600063.html]

**mahmoudalaa** · 30-03-2012 02:54 PM

طب بالنسبة للجديد انا كنت بسمع الناس هنا يتكلموا عن ايس كريم ساندويتش وحاجات كده امتي هتنزل الحاجات دي واية الجديد فيها وهتختلف في اية

**beshomilan** · 30-03-2012 05:59 PM

لالالالا انسى الايس كريم ساندويتش دى خالص ناو
الايس كريم ساندويتش اللى نزل نزل فى اوروبا واسيا وبس وكمان لسه نسخة مش كامله وطبعا مفيش عربى
ممكن يكون رسمى على شهر 7
ومش مختلف غير فى تحديثات الايقونات والكاميرا ونظام السيستم والبطاريه والحاجات دى وهو مفيد للموبايل اكتر من التابلت عشان الكاميرا وسرعة النظام والبطاريه
والجينجربريد ممتاز جدا ومفيهوش مشاكل وهيريحك
ووقت مينزل الايس كريم هتقدر تحدث التابلت بتاعك بيه عادى جدا