معتقدش انو العيب من الطلمبة استبعدها تماما لعدة أسباب:
- لو كانت الطلمبة بايظة تماما, اذن فسوف تسخن السيارة بشكل سريع جدا و لن تتوقف السخونة لأن مفيش تبريد.
- الطلمبة عمرها طويل عموما, و ربما بتعيش عمر العربية و قليلا ما تتعطل.
- مادامت المياه بتتقلب, اذن الطرمبة شغالة, و مادامت المروحة بتشتغل يبقى الطرمبة شغالة.
العيب منين؟
مادام كل الدورة سليمة, افحص أولا حالة المروحة, و بتشتغل عند درجة حرارة صحيحة أم لا, و خلى كهربائى يبصلك عليها و شوف المقاومة بتاعتها, لأن ممكن المروحة تكون بتتأخر بسبب المقاومة محترقة, أو تكون بتشتغل ساعات و ساعات.
بص على الزيت و حالته.
نوع المياه لا يمكن أن يتسبب فى سخونة السيارة.
مادامت دورة التبريد قادرة على اعادة السيارة الى حرارتها الطبيعية اذن الدورة سليمة.
فى الشاهين و فى معظم السيارات أمبير الحرارة بيتأثر بتشغيل المكونات الكهربائية للسيارة, زى الأنوار, و مروحة التكييف, و دى لاحظتها عندى بشدة, فاذا كانت حالة السخونة بتحصل بس عند تشغيل مروحة التكييف أو الأنوار, اذن الموضوع طبيعى.
يمكنك أن تجرب تشغيل مروحة التكييف فقط بدون التكييف نفسه(لا تضغط على زرار الكمبرسور الى فى التابلوه), عشان تلاحظ الارتفاع فى درجة الحرارة و ميكونش التكييف هو السبب.
بحسب التوكيل طبعا, الحرارة مادامت تحت النقطة الى بين ال90 و ال130, اذن الحرارة طبيعية, لو وصلت لهذه النقطة, اذن هناك أمر ما, فمادامت الحرارة بين ال90 و ال130 فلا تقلق.
تذكر دائما أن أمبير الحرارة فى السيارة هو وسيلة غير دقيقة لقياس الحرارة أصلا, و له مجال خطأ كبير نسبيا, هو مش ترمومتر بيقيس بالدرجة, ده بيقيس بال 5 و ال10 درجات, عشان كده لما العداد يشير الى 100 درجة ده مش معناه انو حرارة مياه التبريد الفعلية 100 درجة. هى قريبة من 100 درجة.
المفضلات