ارجو سرعة الرد bmw 525 model 2000

**like2stackit** · 02-04-2012 10:03 AM

المشاركة الأصلية كتبت بواسطة maskeen

اعتقد السعر اقل من المتوسط!!
كان فيه زميل هنا اسمه شيكو بايع عربيته مو٢٠٠١ من شهرين ب ١٥٠ الف جنيه
فاعتقد ان مؤ ٢٠٠٠ مفروض تبقى من ١٢٥-١٤٠ حسب الحاله
لازم تكشف عليها ف التوكيل لا يكون ملعوب فيها ولا عامله حادثه كبيره
وبالتوفيق

الف شكر

**like2stackit** · 02-04-2012 10:06 AM

المشاركة الأصلية كتبت بواسطة sheko_2000eg

سعر معقول جدا
و سيارة ممتازة --- صدقني لو نضيفة هتبسطك جدا
علي البركة -- بس اكشف في التوكيل
بكرر --- اكشف في التوكيل (دي نصيحة من اخ )

الف شكر
هيا اتباعت
بس في واحده 520 موديل 2003 عداد 165 الف هابوص عليها النلهرده

**like2stackit** · 02-04-2012 10:08 AM

المشاركة الأصلية كتبت بواسطة TheBuccaneer

السلام عليكم...

مبدئيا كلام العضو مايلو خطأ بالنسبه إن ال 523 انديفدوال بتكون إمكانيات أعلى من ال 525 لأنه بالأساس ال e39 بتنزل فقط فتحة سقف فى موديل 525 و ما يليها و مش بتنزل فى ال 523 أو ال 520 إلا إذا كانت انديفدوال تقريبا هذا بخلاف إن محرك ال 525 بيكون 192 حصان على عكس المحرك الموجود بال 523 اللى بيكون 170 حصان عالرغم من إن ال 2 سعه واحده 2494 سى سى بقية الإمكانيات بالسيارتين تقريبا واحد لا فرق إلا فى جزء فتحة السقف و يمكن شكل الفوانيس و شكل الجنوط و كلام كلها شكليات ليس إلا....

بالنسبه للسياره السعر معقول حتى و إن ارتفع هيوكن فى حدود 5000 - 7000 جنيه عن السعر السوقى لل e39 525. بالنسبه للسياره اكشف عليها فى التوكيل كشف شامل تقريبا هيكلفك 1000 جنيه و لو الدنيا مضبوطه توكل على الله لو فيه شىء هيحتاج صيانه أو تغير اسأل على سعره فى التوكيل و فى شارع دمشق و ضبط السعر مع مالك السياره على حسب المصروف اللى ممكن يكون فيها و ربنا يوفقك لما هو فيه الخير و الصالح لك.

اشكرك ياباشا

**like2stackit** · 02-04-2012 10:15 AM

ياجماعه انا محتار وخايف البس اسود .....في نس بيءولولي خليك في 318 موديلات 2000 الى 2005 ايه رايكم ؟؟؟؟؟

**maskeen** · 02-04-2012 04:30 PM

بص
ايا نوع وموديل العربيه اللى هاتجيبها فحتما ولابد تكشف عنها فى التوكيل والتوكيل فقط!! لان كمية اللعب والنصب فى السوق لا يمكن تتخيله!
ابسطها لعب فى العداد ولغاية تغيير اربع وانصاص!! وممكن الميكانيكى او السمكرى اللى يشوفها مايعرفش يقفشها لو معموله بمعلمه..واسال كريم منير وهو يقولك

فالعبره مش بالموديل ولا الفئه ولا العداد...العبره بالحاله...وممكن 318 عامله 300 الف كيلو حالتها احسن من 525 عامله 100 الف بس! لان دى متصانه ودى متهانه