سيراتو و ريو و اكسنت RB و Gen2 و لانسر بومة

**ser3a** · 02-04-2012 12:17 PM

بصراحه الريو جميله و انا روحت كيا اتفرجت عليها تبص علي الضهر
تتعقد من جماله
بتكلم عن الهاتش باك
تيجي للوش بقي تلاقي نفسك اتقفلت بجد
و انا عندي هنا الريو في منها 1600 كمان 127 حصان

**Dawns_Mist** · 02-04-2012 12:55 PM

مقارنة بجد عجيبه و صعبة شوية ...
و خليني برضه أستخدم سياسة الإقصاء زي ماقال بعض الحبايب ..

هستبعد أول شيء أكسينت RB لإنها الأقل في الكماليات ، و التوكيل الأسوأ ، و الثبات الأسوأ ، و العفشة الأنشف ، و هي فئة أقل من السيراتو و أقل من البومة ..............
بالتالي برضه هستبعد الريو مع إن شكلها و كمالياتها كويسين ، لكنها كعربية تعتبر من الفئة الأقل برضه من البومة و السيراتو و الإلنترا و السول .. فمهما قالولك عليها حلوة على السرعات العالية هيكون السيراتو أو البومة أو غيرهم أحسن منها ...
هستبعد كمان السول .. لما دخلتها من جوه لاقيتها ضيقه ، كمالياتها كمان أقل ، قطع غيارها لسه مابقتش منتشرة ، أصحابها ماشكروليش كتير في قوتها و اعتماديتها .. ارتفاعها عن الأرض مع الجنط الكبير = عدم راحة الركاب ..

في رأيي هتكون المنافسة كلها بين ( سيراتو - بومة - جين 2 أو بيرسونا إليجانس - إلنترا ) و طبعا بالنسبة للسيراتو و الإلنترا مش معاك فلوس غير للفئة الأولى أوتو ...

بالنسبة للتسارع و قوة الموتور الفعلية أعتقد هيكون الترتيب كده :
إلنترا - بومة - سيراتو - بيرسونا ................ لكن الأداء هتلايه متقارب جدا في السفر و على السرعات العالية من تجربتي الشخصية للاربع عربيات دي .
بالنسبة للثبات و الأمان :
هنستبعد الإلنترا للإنها الأخف وزنا و لما سوقتها على سرعات عالية كنت خايف منها جدا و أغلب الناس بتشكك في ثباتها و كمان انت هتجيبها من غير جنوط ولا abs لإنك هتجيب أقل فئة ..... و أعتقد العيب ده يخلينا نستبعد إلنترا خالص ، و بعد كده البيرسونا و البومة تقريبا ثباتهم واحد بعدهم السيراتو بفرق بسيط .
بالنسبة لراحة الركاب و العزل :
بيرسونا و بومة قريبين من بعض جدا .. السيراتو هي الأقل من ناحية راحة الركاب في الكنبة الخلفية .. و في العزل كلهم قريبين من بعض و ممكن تيجي البومة أقلهم في العزل أعتقد .
الكماليات :
البومة هي الأفقر في الكماليات .. و تابلوه و شكل خارجي قديم ... يمكن ده أكبر عيب ممكن يخليك تستبعدها ...... لكن برضة السيراتو أول فئة أوتو مش هتلاقي فيها كماليات ....في النقطة دي البيرسونا بشكلها الجميل و كمالياتها الداخلية هتكسب طبعا .. خصوصا لما يكون سعرها أقل منهم كلهم بنفس الأوبشنز.
التوكيل و قطع الغيار :
بيرسونا توكيل سيء .... إلنترا هي الأسوأ لكن تقدر تتغلب على التوكيل بانتشار قطع الغيار في الخارج .. البومة أفضل قطع غيار فيهم من تجربتي و الأكثر اعتمادية و الأسهل في الصيانة ، و كمان السيراتو تقريبا وصلت لنفس الدرجة مع البومة ......... لكن برضه قطع غيار البيرسونا بتلاقيها بره لكن مش كتير ، و صيانتها برضه سهلة .

* رؤية عامة ......
- لو عايز شكل جديد و جميل و مميز ، و كماليات و أوبشنز ، و راحة و أداء ، و ثبات محترم و أمان ، و كمان توفير فلوس .... لكن هتضحي بالتوكيل خالص ... تنفض للتوكيل خالص و تظبط كده مع 2 أو 3 من بتوع قطع الغيار بره قبل ماتشتري ... يبقى البيرسونا إليجانس أو الجين 2 ......
- لو انت راجل عملي جدا و رقم واحد عندك الأسرة و التوفير .. مش بتهتم بالكماليات ولا بالشكل ... بتحب الأداء الرياضي و كمان تحس إنك ماخسرتش فلوس في عربية إعادة البيع فيها وحشة .... قطع غيار رخيصة و صيانة في أي مكان ... يبقى البومة ...
- غير كده هتجيب السيراتو ، أو الإلنترا .... في رأي العربيات دي ماتشتريهاش غير علشان الكماليات ، لكن كمقارنة عربية بعربية هتلاقي بنفس الإمكانيات سعر أقل في الصني و البيرسونا و البومة و التيدا و غيرهم كتير .... لو هتجيب هاي لاين منهم هقولك أوكاي نتكلم .. لكن مش هاي لاين أعتقد بتخسر فلوس ......

**ser3a** · 02-04-2012 01:04 PM

كلام وافي و شرح مفيش احلي من كده
والله انجزت و لخصت كل الكلام اللي في راس الواحد
و اكدت عليه علشان اريح راسي من الموضوع ده بصراحه
و انا كده اكدت علي اختياري
بيرسونا اليجانس ان شاء الله

**Sehsss** · 08-04-2012 10:22 PM

المشاركة الأصلية كتبت بواسطة lenasam

انصحك فى حالة كثرة الاختيارات باستخدم سياسة الاستبعاد لتقليل الحيرة
هاتكلم على قد معلوماتى البسيطة
لو كنت مكانك
هستبعد الجين 2 بسبب التوكيل
هستبعد الريو لأن انا شخصيا ارتاح للاتوماتيك لما يكون على 1600 اكتر ما يكون على 1400
هستبعد السيراتو الخليجى علشان الضمان

و بكده تفكر فى اللانسر و الاكسنت ار بي و السيراتو الوكيل

و لو ممكن تفكر فى النيسان تيدا عربية صقور نيسان بيمدحوها جدا ، كمان ممكن تفكر فى النيسان صنى عربية اعتمادية جدا

و بالتوفيق ان شاء الله

**raedegypt** · 10-04-2012 12:50 AM

السيراتو الخليجى مو2012 جنط 16....النترا 2012 اكسنت ار بى عربيات طلقه وتحفه فى منتهى الشياكه جوة وبره ومافيش كلام

**amagroup** · 11-04-2012 10:31 AM

وبعدين بما انك بدور علي سيارة عائلية مفكرتش ليه في الكيا كارينز جميلة برده

**AshTurbo** · 13-04-2012 12:36 AM

كيا ريو .

**Ghosts** · 13-04-2012 06:51 PM

أكسنت rb ....

**Donzi** · 14-04-2012 03:22 AM

المشاركة الأصلية كتبت بواسطة yaso12

من رأى فى الوقت الحالى الريو الجديدة هاى لاين وكيل تكسب الكل ليه بقى
- موتور 1.4 فى نفس قوة 1.6 يعنى عندك الاوبترا 107 حصان الكروز 107 حصان والانسر 107 حصان اذا الريو 109 حصان على وزن اخف من دول تبقى تكسب ويبقى كسبت التوفير فى البنزين .
- الريو شكل جديد قدامك شوية حلوين عشان يحصلها تعديل او تغير انما اللانسر قديمة اصلا السيراتو هتتغير النيسان تيدا اتغيرت اصلا بس لسة منزاتش فى مصر.
- الريو هاى لاين بـ 122 الف بتقول بابا وماما (مفتاح بصمة ومثبت سرعة وطارة مالتى وabs/ebd وايرباج ---- الخ ) يعنى كماليات موجودة فى السيراتو الهاى لاين ومش موجود حتى نصها فى الاكسنت الهاى لاين او اى واحدة تانية فى نفس السعر (ياريت تتفرج عليها فى المعرض).
- توكيل الكيا فى العموم جيد جدا بشهادة ناس كتير + ضمان خمس و100 الف
- يتبقى سعر اعادة البيع وده الله واعلم بيه لان بعد خمس سنوات محدش يعرف وضع العربية هيبقى ايه فى السوق .
- الاهم من كل الاستخاره ثم الاستخاره وربنا يوفقك

+111111111111111111111111111

-

مشاهدة نتائج الإستطلاع: أيهما تختار وتفضل ولماذا؟

الموضوع: سيراتو و ريو و اكسنت RB و Gen2 و لانسر بومة

LinkBack

أدوات الموضوع

عرض

-

-

المواضيع المتشابهه

لانسر بومة 2012 ولا سيراتو

النترا (مش الشكل الجديد) ولا سيراتو ولا لانسر (بومة) زيرو

النترا (مش الشكل الجديد) ولا سيراتو ولا لانسر (بومة) زيرو

سيراتو أوتوماتيك كسر زيروا و لا لانسر 1600 بومة كسر زيرو

لانسر بومة و لا كيا سيراتو

الكلمات الدلالية لهذا الموضوع

المفضلات

المفضلات

ضوابط المشاركة