سيراتو و ريو و اكسنت RB و Gen2 و لانسر بومة

**amrelsha3er** · 08-10-2012 03:05 PM

كماليات عاليه ثبات وقوه وباور هورس110حصان صاج متين
ثبات احسن بكتير من الكورى وبيتقارن بالامانى
سعر اقل من 100الف جنيه وهى اقل سعر فيهم
جين2 تكسب طبعا

**mido_soliman** · 10-10-2012 12:36 AM

المشاركة الأصلية كتبت بواسطة amagroup

أيهما تختار وتفضل ولماذا؟
كيا سيراتو ٢٠١٢ وكيل
يقال عنها عفشه ناشفة
كيا سيراتو ٢٠١٢ خليجي
معرفش عنها حاجه
كيا ريو ٢٠١٢
معرفش عنها حاجه (خارج اهتمامي)
هيونداي اكسنت RB ٢٠١٢
جيدة جدا وهي معي وثابته ولم اشتكي منها (بقالها 3 شهور بس )
بروتون Gen2 ٢٠١٢
مشكلتها في التوكيل انه بعيد عني وانا في المنصورة

مركز الغد دة مركز معتمد من عز العرب يعنى عندك التوكيل

ميتسوبيشي لانسر بومة ٢٠١٢
شكلها قدم قوي وصغيرة من الداخل

**khaled_legend** · 20-10-2012 06:01 PM

لانسر و الياباني يكسب

**د.اشرف هنداوى** · 20-11-2012 12:32 AM

يا تري حضرتك جبت ايه بعد المقارنه القوية دي؟

**MoH.SaLaDiN** · 31-12-2012 05:36 AM

المشاركة الأصلية كتبت بواسطة dawns_mist

مقارنة بجد عجيبه و صعبة شوية ...
و خليني برضه أستخدم سياسة الإقصاء زي ماقال بعض الحبايب ..

هستبعد أول شيء أكسينت rb لإنها الأقل في الكماليات ، و التوكيل الأسوأ ، و الثبات الأسوأ ، و العفشة الأنشف ، و هي فئة أقل من السيراتو و أقل من البومة ..............
بالتالي برضه هستبعد الريو مع إن شكلها و كمالياتها كويسين ، لكنها كعربية تعتبر من الفئة الأقل برضه من البومة و السيراتو و الإلنترا و السول .. فمهما قالولك عليها حلوة على السرعات العالية هيكون السيراتو أو البومة أو غيرهم أحسن منها ...
هستبعد كمان السول .. لما دخلتها من جوه لاقيتها ضيقه ، كمالياتها كمان أقل ، قطع غيارها لسه مابقتش منتشرة ، أصحابها ماشكروليش كتير في قوتها و اعتماديتها .. ارتفاعها عن الأرض مع الجنط الكبير = عدم راحة الركاب ..

في رأيي هتكون المنافسة كلها بين ( سيراتو - بومة - جين 2 أو بيرسونا إليجانس - إلنترا ) و طبعا بالنسبة للسيراتو و الإلنترا مش معاك فلوس غير للفئة الأولى أوتو ...

بالنسبة للتسارع و قوة الموتور الفعلية أعتقد هيكون الترتيب كده :
إلنترا - بومة - سيراتو - بيرسونا ................ لكن الأداء هتلايه متقارب جدا في السفر و على السرعات العالية من تجربتي الشخصية للاربع عربيات دي .
بالنسبة للثبات و الأمان :
هنستبعد الإلنترا للإنها الأخف وزنا و لما سوقتها على سرعات عالية كنت خايف منها جدا و أغلب الناس بتشكك في ثباتها و كمان انت هتجيبها من غير جنوط ولا abs لإنك هتجيب أقل فئة ..... و أعتقد العيب ده يخلينا نستبعد إلنترا خالص ، و بعد كده البيرسونا و البومة تقريبا ثباتهم واحد بعدهم السيراتو بفرق بسيط .
بالنسبة لراحة الركاب و العزل :
بيرسونا و بومة قريبين من بعض جدا .. السيراتو هي الأقل من ناحية راحة الركاب في الكنبة الخلفية .. و في العزل كلهم قريبين من بعض و ممكن تيجي البومة أقلهم في العزل أعتقد .
الكماليات :
البومة هي الأفقر في الكماليات .. و تابلوه و شكل خارجي قديم ... يمكن ده أكبر عيب ممكن يخليك تستبعدها ...... لكن برضة السيراتو أول فئة أوتو مش هتلاقي فيها كماليات ....في النقطة دي البيرسونا بشكلها الجميل و كمالياتها الداخلية هتكسب طبعا .. خصوصا لما يكون سعرها أقل منهم كلهم بنفس الأوبشنز.
التوكيل و قطع الغيار :
بيرسونا توكيل سيء .... إلنترا هي الأسوأ لكن تقدر تتغلب على التوكيل بانتشار قطع الغيار في الخارج .. البومة أفضل قطع غيار فيهم من تجربتي و الأكثر اعتمادية و الأسهل في الصيانة ، و كمان السيراتو تقريبا وصلت لنفس الدرجة مع البومة ......... لكن برضه قطع غيار البيرسونا بتلاقيها بره لكن مش كتير ، و صيانتها برضه سهلة .

* رؤية عامة ......
- لو عايز شكل جديد و جميل و مميز ، و كماليات و أوبشنز ، و راحة و أداء ، و ثبات محترم و أمان ، و كمان توفير فلوس .... لكن هتضحي بالتوكيل خالص ... تنفض للتوكيل خالص و تظبط كده مع 2 أو 3 من بتوع قطع الغيار بره قبل ماتشتري ... يبقى البيرسونا إليجانس أو الجين 2 ......
- لو انت راجل عملي جدا و رقم واحد عندك الأسرة و التوفير .. مش بتهتم بالكماليات ولا بالشكل ... بتحب الأداء الرياضي و كمان تحس إنك ماخسرتش فلوس في عربية إعادة البيع فيها وحشة .... قطع غيار رخيصة و صيانة في أي مكان ... يبقى البومة ...
- غير كده هتجيب السيراتو ، أو الإلنترا .... في رأي العربيات دي ماتشتريهاش غير علشان الكماليات ، لكن كمقارنة عربية بعربية هتلاقي بنفس الإمكانيات سعر أقل في الصني و البيرسونا و البومة و التيدا و غيرهم كتير .... لو هتجيب هاي لاين منهم هقولك أوكاي نتكلم .. لكن مش هاي لاين أعتقد بتخسر فلوس ......

افضل تلخيص فعلا لكل اللى المفروض يتقال لان اى عربية فى السعر ده ليها مميزاتها و عيوبها طالما تحت ال ب ام او المرسيدس او حتى الاوكتافيا عشان كده قبل ما تشتري لازم تحدد متطلباتك من العربية اللى عايزها عشات ماتجبش حاجة توجع دماغك وفقك الله فى الشراء ان شاء الله