الموضوع: يشرفني ان انضم للصقور بعد دفع عربون القشقاي اليوم

المشاركة الأصلية كتبت بواسطة karim_monir

الف مبروك باشمهندس حاتم
انا برضه احد اختيارت يالقادمة القاشقاي الابيض اللؤلؤي او النبيتي
بس مانيوال لاني من عشاق المانيوال
ربنا يكفيك شرها وماتنساش صدقتها ده انت اللي بتفكرنا دايما مش انا اللي هافكرك
تحياتي

الله يبارك فيك يا استاذ كريم
ربنا يوفقك بأذن الله في الاختيار قشقاي ايه و بتاع ايه
ان شاء الله تكون ( بي ام - اكس 100 ) و دي تيجي مخصوص علشانك يا غالي
و ربنا يجازيك خيرا علي التذكرة و فعلا صدقتها هي ما ستظل و غير ذلك يذهب سدي
و تحياتي لك

المشاركة الأصلية كتبت بواسطة manchestrawy

الف مبروووووووك نورت القسم واي خدمه احنا تحت امرك ..
الله يديك خيرها ويكفيك شرها ..

الله يبارك في حضرتك يا فندم
و القسم منور بحضرتك و بأهلهه يا فندم
و الشرف لي كتر خيرك

المشاركة الأصلية كتبت بواسطة abo_anas

الف مبروك يابشمهندش حاتم ، وحضرتك تنور اى مكان تكون متواجد فيه وشرف كبير لينا جميعا، وان شاء الله تستلم وترخص القشقاى على خير

الله يبارك في حضرتك
و القسم منور بحضراتكم و الشرف لي انا يا اخي الكريم
و الحمد لله رخصت امس بعد رحلة عذاب قاسية جدا
و الحمد لله علي كل شئ

المشاركة الأصلية كتبت بواسطة mohsunny2009

الف مبروك ياباشمهندس ربنا يعطيك خيرها و يكفيك شرها انا كل يوم بتشرف اكتر بالانضمام لهذا المنتدى والتعرف على الشخصيات الرائعه المشاركه به
مشكلتى الوحيده مكان اقامتى بالصعيد بيخلى فى صعوبه فى حضور اجتماعات المنتدى

الله يبارك في حضرتك يا غالي
و الشرف لي اني اتعرفت علي حضرتك
و الصعيد مش مشكلة احنا كلنا نروح لحضرتك لحد عندك
تحياتي لحضرتك

المشاركة الأصلية كتبت بواسطة ahmouda2009

الف مبروك مقدما و يا ريت تقولنا علي الكماليات بتاعتها بالتفصيل و الفئات الاخري الاوتوماتيك طبعا ولك الشكر و في انتظار التقرير

الله يبارك في حضرتك يا فندم
و ان شاء الله قريبا سوف اقدم تقرير مفصل بأذن الله

المشاركة الأصلية كتبت بواسطة ahm128

المفروض حضرتك دفعت مقدم فقط تبقى عضو مؤقت تحت الاختبار ويتم التثبيت بعد الاستلام إن شاء الله .......... هاهاهاهاها انا بهزر طبعا انتا نورتنا وعايزين تقارير شامل كامل إن شاء الله بعد الاستلام والف مبروك مقدما

يا فندم الحمد لله انا كده رخصت يعني من هنا ورايح هقطع تذكرة كاملة ههههههههههههه
الله يبارك في حضرتك و ان شاء الله التقرير في الطريق
تحياتي لحضرتك

م.حاتم السباعي

المشاركة الأصلية كتبت بواسطة ahmedhawas

ألف مبروك يا هندسة ..
وربنا يعطيك خيرها دايماً ، ويبارك فيك وفيها إن شاء الله.

الله يبارك في حضرتك
و جزاك الله خيرا

المشاركة الأصلية كتبت بواسطة tamohsen

طب سؤال ليك بما انك مالك سابق للتريوس
لما دخلت القشقاي حسيت انها ضيقه جدا خصوصا الكنبه الخليفه
فهل فعلا كنبه التيريوس نفس الوسع ولا اقل من القشقاي؟

اخي الكريم
التريوس عربية جميلة جدا و كانت بتحقق لي كل امنياتي و كل طلباتي و كان ناقص احولها ربع نقل ههههه
المهم و يعلم الله انه لولا موضع عيب الصناعة اللي ظهر معي فيها ما تركتها ابدا
و لكن انا حتي الان لم احس بالفرق لاني اي دوب لسه عامل 500 كم فقط
بل علي العكس بكل صراحة اجد اني مرتاح جدا في كرسي السائق عن التريوس خصوصا في وضع رجلي و هي تدوس علي دواسة البنزين و انتقالها للفرامل في التريوس كنت احس بوجع في الركبة و عدم راحة مع وضع الساق اثناء القيادة حتي لمسافات قصيرة
اما الان فبكل صراحة وجدت راحة و اتساع يكفي لفرد الساق جيدا اثناء القيادة و لا يوجد اي مشكلة في وضع الركبة
و سألت الان زوجتي هل احست بفرق في الكرسيي الجانبي فقالت هي مرتاحة فيه مثل التريوس و لكنها احست بقرب الكنبة الخلفية قليلا عن التريوس لدرجة انها حين التفتت لوضع شئ علي الكنبة الخلفية استطاعت ان تضعه عكس وضع كنبة التريوس علي حد قولها
و الكنبة الخلفية لم نجربها بعد مثل التريوس و لكن قبل الشراء جربنا نجلس و كانت جيدة
و بالتأكيد الشنطة في التريوس اوسع و لكن اليوم كنت في كارفور و وضعت كل ما اشتريته في شنطة القشقاي و الحمد لله كانت زي الفل و من يومين كنت شايل فيها ( سجادتين مطويتين ) مقاسات ( 160 * 230 ) مع وجود الحامل الخلفي بدون انتزاعه كمان بفضل الله يعني اتوقع ان شاء الله الحكاية معقولة و اتوقع عرض القشقاي افضل كمان و طبعا احسست بكل صراحة انها ان شاء الله سوف تكون ذات اتزان اعلي بكثير من التريوس لاني لم ادوس عليها اكثر من ال 120 حي الان و لكن بصراحة الاحساس فوق ال 100 مختلف تماما و خصوصا في الملفات حتي الواسعة القشقاي تكسب كتير
و ان شاء الله بعد التليين سوف اقدم تقرير كامل عنها ان قدر الله لي الاجل
تحياتي لحضرتك

المشاركة الأصلية كتبت بواسطة peaceman

الف الف مبروك مقدما العربية الجميلة قشقاي باشمهندس حاتم و فعلا اختيار موفق جدا و ان شاء الله تستلم علي خير و اهلا بيك وسط اخوتك صقور قسم نيسان

الله يبارك في حضرتك يا فندم
و القسم منور بكم اخي الكريم
تحياتي لحضرتك

م.حاتم السباعي