المكنة الصينى..........نعمة ام نقمة (موضوع للمناقشة)

**H.ibrahim** · 08-06-2008 05:55 PM

(ظهر الفساد فى البر و البحر بما اكتسبت ايدى الناس )كل ماخلقه الله لنا وسخره لخدمتنا فهو نعمة تستحق منا الشكر لله .
الفساد فى النعمة ياتى مننا نحن البشر ومن استخدمنا لها بشكل خاطى فيضر و لاينفع .
المكنة الصينى فتحت بيوت ناس كثيرة و ابواب رزق لشباب كثيرة جدا و اعانت ناس كثيرة فى حياتهم اليومية ( الجانب الايجابى ).
ضرورة تفعيل القوانين الموجودة حاليا بالمرور لتلافى المشكلات الامنية الناتجة عن التسيب المرورى و الذى اشك شخصيا فى تفعيله طالما نتعامل مع عسكرى المرور كانه خيال ماته ليس له من الامر شى و كذلك تغيير ثقافة رجال المرور عامة من انهم اسوء رجال الداخلية و اقل فروعهم من حيث الترتيب فى الادارات - اما مشكلة الضمير الانسانى الخاص برجال المرور فاعتقد ان الفساد فيها شخصى فقط و الله اعلم .

**islambana** · 08-06-2008 06:54 PM

يا جماعه العيب علي اللي بيسوقوا مش علي المكنه نفسها وبعدين المشكله ان الوقعه من علي الموتوسيكل بتسيب اثر جامد واصابات خطيره
انا مع الفسبا وتطبيق قوانين المرور

**dinow** · 08-06-2008 08:18 PM

طبعا احنا لازم نحترم كل الناس بجميع طبقاتهم و مستوياتهم بس ماينفعش يختلط الحابل بالنابل الموتوسيكل زى ما حل ازمة ناس خلق ازمة لناس تانية لأنه زى أى حاجه و على رأى المثل الكوباية اللى تشرب فيها ميه ممكن تشرب فيها خمره ,المشكلة الحقيقية فى سلوكيات المستخدمين يعنى مثلا زى أما البنوك سهلت شراء السيارات الزيرو بالتقسيط وده نفع و حل أزمة ناس كتير أولهم أنا برده فى عيال كتير اهاليهم اشترتلهم سيارات عشان يمشوا فى الشوارع و يضايقوا فى خلق الله , أخيرا احنا مش ضد الموتوسيكلات (الصينى) احنا ضد السلوكيات ( الصينى )

**ayminwafay** · 08-06-2008 09:37 PM

عمر سلبياتها ما هتكون اكتر من التكتك

**MoToRiZeR** · 08-06-2008 09:41 PM

المشكلة في المكنة و التوكتوك و الميكروباصات العلبة دي ان الناس بتتعاطف معاها في الموضوع و يقولك دي فاتحة بيوت و مش عارف ايه

ماشي يا جماعة تفتح بيوت بس بالأصول .. ماهي المخدرات فاتحة بيوت !
أهم حاجة يكون فيه حاجة تحكم الموضوع .. و طالما مفيش .. يبقي نقمة طبعا

**Chicco** · 08-06-2008 11:55 PM

دفع الضرر أولي من جلب المنفعة و أنا حاسس أن الموتوسيكلات ديه ضررها أكبر من نفعها
لازم كل المركبات اللي ماشية تبقى مترخصة و سواقينها معاهم رخص قيادة....طبعا في جمهورية المهلبية على رأي أخونا توت المسألة سداح مداح

**dr_3eshoo** · 09-06-2008 12:19 AM

انا شايف لو استعملها صح تبقى نعمه
استعمالها غلط يبقى نقمه

**dinow** · 09-06-2008 01:58 AM

انا عندى اقتراح عشان نبقى عملنا حاجه ايجابية ضد ظاهرة كلنا اجمعنا انها خطيرة احنا ممكن نتقدم بشكوى جماعية رسمية من اعضاء المنتدى بتاعنا اللى طبعا مستعدين يتضامنوا معانا و نقدمها للمسئول و اعتقد انه مدير الادارة العامة للمرور بجمهورية مصر العربية عشان يتخذ اجراءات ضد الموتوسيكلات الغير مرخصة و كمان التجار اللى بيبيعوها لأى حد بدون رقابة

**Ahmed Anwer** · 09-06-2008 02:03 AM

المشاركة الأصلية كتبت بواسطة dinow

انا عندى اقتراح عشان نبقى عملنا حاجه ايجابية ضد ظاهرة كلنا اجمعنا انها خطيرة احنا ممكن نتقدم بشكوى جماعية رسمية من اعضاء المنتدى بتاعنا اللى طبعا مستعدين يتضامنوا معانا و نقدمها للمسئول و اعتقد انه مدير الادارة العامة للمرور بجمهورية مصر العربية عشان يتخذ اجراءات ضد الموتوسيكلات الغير مرخصة و كمان التجار اللى بيبيعوها لأى حد بدون رقابة

الطيب أحسن ،،

يعني البلد مشاكلها خلصت و مش فاضل غير مشاكل الموتسكيلات الصيني ،،

منشتكي أحمد عز أحسن ،،

بعدين دي مشكلة المرور بضعف تواجده لكن القوانين موجودة

**MoToRiZeR** · 09-06-2008 02:07 AM

انا شايف ان المحلات اللي بتبيعه يبقي مفروض عليها ترخص الموتوسيكل (زي معارض العربيات) و يبقي معروف الموتوسيكل ده اتباع لمين و نمرة الرخصة كام و جابه منين .. بدل ما بيتباع كدة و خلاص مش عارفين اللي خده هيروح يعمل حادثة ولا يعمل جريمة قتل ولا ايه

الموضوع: المكنة الصينى..........نعمة ام نقمة (موضوع للمناقشة)

LinkBack

أدوات الموضوع

عرض

-

-

-

-

اقتراح -

-

المواضيع المتشابهه

الريموت سنسور نعمة ام نقمة

انتشار السيراتو نعمة ام نقمة ؟

التكنولجيا نعمة ام نقمة..................سؤال؟

سيارات الوحوش نعمة أم نقمة ؟

الانذار.... نعمة ام نقمة ؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة