ده كان عيبها يا سمسمشكرا جزيلا والحمد لله ان التقرير عجبكوا
عموما وانا فى المعرض طلبت انى اكلم المسؤل الخاص عن شركة هوندا فأول الامر ادونى المديرة التنفيذية ومسئولة المبيعات فى شركة هوندا وكلمتها عن المنتدى الاول ثم دخلت فى ماوصلت الية السيارة وانهم ازاى ينزلوها بهذة الخامات وانكوا تشيلوا منها اوبشن كتير جدا كان على الاقل ممكن العميل يتغاطى عن شكل العربية فى المقابل .
وقولتلها ازاى يكون فى عربية موديل 2009 -2010 ال vti يوجد paddle shift و 2012 لا يوجد بها هو احنا بنرجع ولا بنتقدم وازاى العربية تنزل بجنط 15 بعد ماكانت نازلة ب16 , فين فتحة السقف , فين الفوجات , فين الكيت الرياضى اللى كان نازل مع ال vti 2010 الخ ......... بهدلت العربية قدامها وهية اللى طالع عليها حاجة واحدة انا معاك فى كل اللى انت قولتة لدرجة انى والله قولتها ازاى اركب عربية فوانيسها الخلفية متقلدة من ( تويوتا كامرى 2003 - اسبيرانزا m11 )
عموما ردت عليا وقالتلى ان العربية لو كانت نزلت اكتر بأبشن اكتر من كدة كان تمنها هيوصل 240 الف جنية ومين اللى هيشترى عريية فى الفئة دية ب240 الف جنية فكان لازم ننزل الاوبشن لحد ماتوصل للسعر اللى احنا عايزينة , وبعد كدة قولتلها ياريت حضرتك تبعتى ال comments دية ضمن عدم رضاء عملاء هوندا للسيارة وذلك للاسباب التى ذكرتها , وقبل ماامشى قولتها العربية دية هتفشل , قالتلى لية بس قولتلها لان 3/4 ركاب الهوندا شباب وللاسف العربية لم يتغير فيها شىء الى الاحسن بل نزلت الى الاسوء فمحدش هيفكر يركبها اصلا
* بعد كدة كلمت المسؤل التكنيك فى السيارة وذلك لوجود عدم انتظام فى محرك السيارة وهية دايرة وكمان كان فية رعشة خفيفة فى التابلوة
وقولتلة اية بقى اخبار العربية راح قايلى ان الثبات ممتاز جدا على سرعة 120 روحت انا ضحكت وقولتلة ياباشا احنا لما بنجرب ثبات فى عربية هوندا بنحكم على الثبات من 180 وانت طالع وانا بقول لحضرتك من منظر العربية كدة العربية دية ثباتها هيقل لاسباب كتير ( قاعدة العجلات القصيرة - ال ground clearence اللى ذاد - السقف اللى على) المهم قعدنا ندردش شوية وطبعا الناس كلها هناك مقتنعين وعارفين الكلام دة كويس جدا وماوصلت الية السيارة
بس بجد الناس هناك فى قمة الاحترام والذوق
انا وصلت انطباعى عن العربية لانى بجد كنت مستاء جدا من منظر العربية وماوصلت الية الخامات لانى حاسس فعلا انى قاعد فى عربية صينى بالنسبة للخامات بتاعتها
و كمان ارتفاع العربيه اثر على الثبات بتاعها
و بجد انا كنت عايز ابقى واقف معاك ساعتها معاهم
بس مش عارف اتسحلت فى ايه انا و علام
بس انت جبت كل المفيد اللى الواحد كان عايز يقوله
^_^
المفضلات