الموضوع: هوندا سيفيك 2012 شاركنا برأيك

اسوأ سيفيك شفتها
كنت بعمل الصيانه و شوفتها في التوكيل في التجمع
دا حتي الناس تبصلها بنظره (معقوله دي سيفيك)

دى خمات صلونها رديء لاكن مبهر

المشاركة الأصلية كتبت بواسطة semsem kane

طبعا الموضوع انا عملتة عشان بجد لما شوفت السيفيك 2012 على الطبيعة بجد العربية دية شكلها غير الصور نهائيا واصبحت اجمل من الصور بكتير الصراحة ومقصورتها فى قمة الفخامة والجمال وعمرى ماشوفت تابلوة بالجمال دة ابدا

انا هسيبكوا مع الصور دية شوية يمكن تقدر توضح باتقان اكتر مدى مستوى جمال السيفيك الجديدة

ده بس التحيز المعتاد يا أستاذ سمسم مش أكتر

المشاركة الأصلية كتبت بواسطة semsem kane

مواصفات المحرك + الفتيس نسخة طبق الاصل من مواصفات محرك الجيل الثامن يعنى مافيش تغير

3- سعر الفئة الاولى lxi اللى غلى 18 الف جنية من 158 الف الى 176 الف بس على فكرة يعنى فية حاجات اصبحت اساسية كانت غير موجودة فى الجيل الثامن فى فئة ال lxi يعنى الزيادة مش على الفاضى
ده اللي هو ال vsa والشاشة التعبانة اللي هي كمبيوتر الرحلات و اللي طبعا هيبقى تعليقك عليها "اختراع رائع و فريد زي ما عودتنا الهوندا"
و رجع تاني الطاسات 15 بعد ما كان بدا ينضف و ينزل طاسات 16 زي الكورولا مثلا بحيث إن اللي عايز يجنط ميرميش الكاوتش في الزبالة و يشتري غيره و رجع كمان الكاوتش ال Dunlop زي في 2007 و 2008 بعد ما كان نقل لل Bridgestone
و خد بالك كمان إنها تعتبر زيادة 40 ألف جنيه عن أول لما نزلت (كانت بـ 135 ألف فقط لا غير) انما التوكيل فضل يفتري في تمنها عشان كان عليها اقبال لغاية أما وصلها 158,900 في اواخر أيامها

ميزة العربية دية :

1- الاوبشن زاد كتير عن اللى فاتت يمكن , الزيادة دية طفيفة فى فئة ال vti الجيل الثامن وماكنش فية داعى انة يزودها 10000 الاف جنية بس فعلا العربية بقت مليانة اوبشن
ال vti شال منها ال pedal shifts و حطلها شاشة انضف شوية من ال LXi

2- العربية دية بجد عزلها وقيادتها احسن من الجيل الثامن وفقا للreviews الى اتعملت وكمان افضل من كل الكورى الموجود وعلى رأسهم طبعا الالنترا
ال elantra عاملة الواجب و زيادة مع الفئة دي في كل ال reviews اللي شفتها

3- محرك السيارة ممتاز وقوى حتى فى التسارع بتاعة اصبح اقل من الحالية ب 0.02 من الثانية
يعني بيتهيألي من أول نصف ثانية نبدأ نتكلم عن التحسن انما 2 فيمتو ثانية صعب شوية

4- المقصورة الداخلية اصبحت طائرة بمعنى الكلمة
شكلا انما ك خامات زباااالة
واكيد حاجات كتير هتبان مع التجربة الواقعية للسيارة

المشاركة الأصلية كتبت بواسطة no comment

ولم يحدث تغييرات جوهرية سواء فى قوة الماتور أوالفتيس او التعليق أو حتى التكنولوجيا ... فمقدمتشى جديد للمنافسة مقارنتا بالاوروبى القريب منها فى المستوى التسعيرى .
فـ بالتالى شايف انها غلطة هونداوية ... وهوندا كمان بدأت تعترف بكدة .

المشاركة الأصلية كتبت بواسطة mohdamin18

يا جماعة كفاية تحيز بقى للهوندا بجد السيفيك الجديدة من جوة عاار عليهم دا حتى البلاستك الطري اللي كان حوالين العداد الديجيتال في الجيل السابق عملوه بلاستك ناشف خالص :((

+1
سعر الموديل السابق المستعمل بقى بيستهبل على حسها

المشاركة الأصلية كتبت بواسطة movies

+1
هى من ورا اسبرنزا m11

المشاركة الأصلية كتبت بواسطة minicooper20

دى خمات صلونها رديء لاكن مبهر

بالظبط

خلاصة الأمر, لو كان الشكل سيء بس حطولها موتور و فتيس جداد كنا قلنا ماااااشي
انما شكل سيء و خامات سيئة و صفر r & d على آلات الجر يبقى تستحق الفشل. أنا مش بقول إن موترها ولا فتيسها وحشين, بس أنا دفع 176 ألف جنيه, ليه مخدش مثلا موتور جديد 130-135 حصان و فتيس 7 نقلات زي العربيات اللي بقت داخلة معاهم في الشريحة السعرية ولا 6 نقلات زي العربيات اللي أقل منها بـ 50-60 ألف
و اللي ناس كتير ناسياه إن في بلد زي أمريكا الكورولا و السيفيك و الالانترا دي عربيات بيركبها شاب غلبان لسة داخل الجامعة و بتبقى أقل فئة فيها أعلى من أعلى فئة عندك و بنص التمن و يكفي إنها بتبقى 1800 (اللي لو جت هنا تبقى بـ 300-400 ألف) و فيها اقل واجب 6 ايرباجز و الذي منه