السلام عليكم يا نجوم هيونداي


النهارده وانا رايح الكليه كنت ماشي الطبيعي بتاعي 120-130 على طريق السويس (اتجاه السويس) وبعدين الطريق زحم شوية بسبب العربيات البطيئه الي بتتجاوز الابطاء منها -انا عربيتي للي مايعرفش إلنترا 2010 اوتو- ببص في المرايه لقيت بنت معاها BMW 318 موديل 2003 او اعلى داخله عليا بسرعه. قولتلها طب تعاليلي بقى وقمت عامل كيك داون بعد لما الطريق فتح تاني وببص لقيتها جايه ورايا قولت قشطه مصلحه خلينا نفوق قبل الامتحان
وبعدين خليتها تعدي عشان اشوف بتسوق ازاي, لقيتها بتاخد غرز غبيه (بمعنى انها بتاخد الغرزه قبل فرصتها وتزنق على الناس مع انها ممكن تعدي عادي) والمنظر كان يضحك لما الاقي عربيات بتكسر يمين وعربيات بتكسر شمال .. اعرف على طول هي فين ههههههههههه

هي كانت فرقت شوية عني وغالبا هي افتكرت انها زحفتني وراها, قمت واخد كام غرزه على بسيط وجايبها وفارق عنها لغاية لما دخلنا طريق الشروق.

هنا بقى ابتدا الشد على حق والي قبل كده كان كله هزار وبعد المطبين بتوع اكاديمية الشروق والBUE.. قلت هكبس جامد لما اشوف هي مستعجله ولا بتشد. فضلت كابس لغاية 160 لقيتها برضه مصممه تعديني. قمت كابس زياده لغاية ال200 وهنا عرفت انها بتشد
اول بنت في حياتي اشد معاها ونوصل مع بعض للسرعات دي وقلبها كان جامد الصراحه. بس الغريب ان عربيتها ماقدرتش تزود عن سرعة 204 او 205 وانا كنت بجيب لسه ومعدي ال204 بس لولا ان الطريق خلص كان زماني عدتها بفرق اكبر. وبعدين قمت واخد غرزه على 190 على الواسع وبعدين هديت عشان الطريق خلص وهندخل على طريق الاسماعيليه :d

انا زعلت جدا انها عملت يوتيرن اتجاه القاهره وانا كملت على طول :(((
انا كنت عاوز اسقفلها بصراحه على الي هي عملته والطريق كان مساعد بإنه كان فاضي ساعتها.
ومصلحه انها وصلتني الكليه بدري ههههههههههه

بس بصراحه بعد الشده دي انا اتأكدت ان الالنترا ماشاء الله عليها ممكن تعلم على أي عربيه او اضعف الايمان تسد مع أي عربيه (ماعدا ناس معينين طبعا والعين ماتعلاش على الحاجب هههههههه)