الموضوع: نتيجه الشد والسرعه

ايه الهبل ده
و يا ترى الراجل اللى طلع المطواه و قتل الشاب اتمسك ولا هرب ؟

بصراحة الناس اللى بتعدى بغباء يستاهلوا يتداسوا و يتفرموا كمان
من كام أسبوع كده واحدة اتخبطت عند سان ستيفانو قدام كافيتريا سان ستيفانو
يعنى بالضبط هتعدى الشارع لحد ستار بكس و تعدى من الاشارة
بس تقول ايه للحمير

المشاركة الأصلية كتبت بواسطة hugan

يا اخونا الفكره مش القتيل غلطان ولا صاحب العربيه
وهل الدائري ينفع ولا ما ينفعش
انتوا حولتوا الموضوع في اتجاه تاني خالص
واصبح صاحب العربيه غلطان لانه طلع انسان عنده اخلاق ووقف لشخص خبطه
الفكره اللي عايز اوصلها
في جميع الاحوال
هندسيا ومكيانيكا وفيزياء واحياء
لو اي شخص ماشي بعربيته بسرعه طبيعيه من 90 الي 100 كيلو والشوارع والطرق الداخليه في مصر ماتستحملش اكتر من كده
تقدر تسيطر علي العربيه بسرعه لا قدر الله لو ظهر اي موقف يستدعي انك تقف بسرعه
حيوان انسان اي حمار فرمل فجاءه بدون سبب
انما لو فاتح علي 150 و160 والغالبيه 180 او 200زي ما بنشوف المواضيع اللي المنتدي مليان بيها
في طرق مليانه عربيات والبشر اللي ماشيين علي رجليهم بيشاركو العربيات في طرقها اظن صعب ان اي حد يقدر يسيطر علي عربيته

مش ضروري..
ساعات واحد غشيم بيعدي من قدام اتوبيس أو مشروع مايظهرش ليك غير لما يطلع من قدامه.. وطبعا لو بيجري هي نص ثانية تلاقيه طاير قدامك.. الموضوع مش بسيط للدرجة دي..
وبعدين مش كل واحد بيسوق بيبقي سايق ف سباق رالي وشايف كل ميللي ثانية من اللي بيحصل قدامه.. ومش كل عربية حاتفرمل من 100 ل 0 ف 3 متر.. كدة ولا ايه؟ ولو كان بيقولك الراجل مصاب مش متشرح يعني الاصابة بالكتير كانت علي 40 ولا 50 يعني أساسا كان بيفرمل لما خبطه..

المشكله ان كل واحد زعماء السرعه متخيل انه اسطوره وان عنده القدره والامكانيه ان اللي حصل لغيره ما يحصلش ليه

آسف بس وجهة النظر العامة مختلفة.. اللي راكب القطر اللي يحاسب ولا اللي راكب التوك توك؟ نفس الكلام.. اللي ماشي علي ؤجله المفروض ينتبه وهو بيعدي مش بالصلاتو ع النبي ودب رجله قدام عربية ماشية بفوق ال 80 كيلو ف الساعة وجدع دوسني!! ماهو يا أقف واللي ورايا يلبس فيا يا أجري ويا يبعد يا أشيله.. والله بني آدم زي ده أشيلله أرحم هو أساسا اللي مستغني عنها

المشاركة الأصلية كتبت بواسطة crayvor

لا مؤاخذة كنت باتكلم علي راحتي شوية ماخدتش بالي م الكلام.. أقطمه (ف لغتي أنا) يعني وانا وراه بالظبط آخد جنب يمين أو شمال مرة واحدة كأني باخد ملف 90 درجة وأرجع تاني من جنبه بسرعتي (غالبا من 40 ل 80 أو 90 أكتر من كدة بلانوس العربية تقلب) من غير ما اشيل رجلي من ع البنزين.. ودي خطورتها ان العربية لو عملت under-steering في أول دوران أو عملت over-steering في الرجوع يبقي قول وداعا للعربية بتاعتك وبتاعة اللي قدامك.. وفايدتها لما واحد تيييت يفرمل قدامك مرة واحد والحارة اللي جنبك يمين أو شمال فاضية لازم تفادي الأول قبل ما تفرمل والا العربيتين يلبسو ف بعض.
ولو بتقطم كتير لازم تنشف العفشة (أو بالأصح تبقي عفشة سبور) عشان العربية ماتميلش جامد وانت بتلف.. وتجيبلك كاوتش عريض (تعرض الجنط) يا تقلل ضغط الهوا سيكا عشان يبقي مساحة الكاوتش اللي ماسك ف الأرض أكبر يلملك العربية أحسن.
يا اما أحسن حل انك تركب defender قدام واتكل علي الله والبس ف اللي قدامك.. احا لسة حنخاطر.. عبوهم كلهم

يا باشا فضفض براحتك.. و متشكرين على التوضيح بتاع "قطمه"

المشاركة الأصلية كتبت بواسطة mzeid

و عندك كمان مرة كنت راجع مع دكتور كان بيدرسلي في الكلية

أيوة يا عم واسطة ههههههههه

ومجرد ملحوظة عشان مانظلمش حد.. اشارة سان استيفانو محطوطة مابقلهاش 6 شهور وأحيان كتير كمان مش شغالة.. وأقرب نفق ليهم عند نادي المهندسين ف سابا باشا.. كدة بنفتري ع الناس لما نقولهم امشو 2 كيلو عشان تعدو السكة

المشاركة الأصلية كتبت بواسطة elmohandes1

يا باشا فضفض براحتك.. و متشكرين على التوضيح بتاع "قطمه"

العفو.. وعلي فكرة "احنا لسة حنخاطر" مش الكلمة التانية.. ماعرفش النون ازاي وقعت ف النص.. هار اسور

يا جماعه اساسا نصيحه كل الناس تاخد بالها منها الطرق الي زي الدائري دي مينفعش تعديها غير علي مره واحده مينفعش علي مرتين لا لازم يكون الطريق فاضي تماما وتعدي غير كدا مينفعش حتي لو شايف عربيه واحد جايه

المشاركة الأصلية كتبت بواسطة hugan

انت كانت حاضر ولاايه
مفيش في الجرايد اي كلام من ده
الخبر بيقول ان صاحب العربيه هو اللي اتقتل وان صاحبه اتصاب بجروح

لأ مكنتش حاضر بس أنا معاه في الجامعة و الكلام ده من الناس اللي عارفاه شخصيا و عارفه صاحب العربية