الموضوع: ليه تغير عربيتك القديمة طالما شغاله ؟؟؟؟

الكلام بتاع صاحب الموضوع مضبوط لكن ده فى حاله ما تكون العر بيه بتاعته حالتها 60% على الاقل لكن اقل من كده الاحتفاظ بها و الصرف عليها قد لا يكون اقتصادى
يعنى العمليه مش موضوع عربيه قديمه و لا جديده قد ما هو موضوع حاله العربيه القديمه

انت خلتني ارجع واقول تاني مش هبيع لاني معايا لانوس 99 وماشيه فل الحمد لله بس فيها شوية بارومه وطبعا مع الأصوات المزيكه بتاعة التابلوه ولما اركب عربية حد من زمايلي ابقي مخنوق ونفسي اغير (مش حسد والله) عشان يبقي شكلها حلو ومريحه وسريعه وساعات تانيه اقول اللي يخليني ابيعها واحط فوق تمنها قده عشان اجيب عربيه برده مستعمله برده او احط فوق تمنها قده مرتنين عشان اجيب زيرو

لما بنزل دلوقتي بلاقي العربيه محكوكه او مخبوطه جامد بسبيها ومش بزعل وبروح اعملها ب 200 جنيه لكن الزيرو فلوس كتيير وزعل اكتر

شكلي هستني لما يبقي الفلوس متوفره ومعايا اذيد من تمنها وفوق ده كله اكون سكنت في مكان نظيف الأول عشان ملاقيش ناس معقده مبهدلينها كل شويه

اخى العزيز صاحب اللانوس 99
العربيه دى ممتازه و اذا كان على الاصوات الى فى التابلوه عايز اقولك انى بمساعده موضوع فى المنتدى عن كيفيه تغيير اضاءه التابلوه قدرت بفضل الله انى اخلى الصوت الى فى التابلوه يختفى بنسبه 90%
دور على الموضوع و مش حتندم

المشاركة الأصلية كتبت بواسطة aliyehia

اخى العزيز صاحب اللانوس 99
العربيه دى ممتازه و اذا كان على الاصوات الى فى التابلوه عايز اقولك انى بمساعده موضوع فى المنتدى عن كيفيه تغيير اضاءه التابلوه قدرت بفضل الله انى اخلى الصوت الى فى التابلوه يختفى بنسبه 90%
دور على الموضوع و مش حتندم

جزاك الله خيرا يااخ يحيي وانا اصلا دلوقتي بقيت اكبر دماغي يعني مش بشغل نفسي قوي بالأصوات دي زي الاول كانت بتعملي هسهس وشكلي فعلا مش هيجب عربيه خالص دلوقتي مع ان في اتنين الأسبوع اللي فات كلموني عليها ومستنيني لما ارجع عشان يشوفوها

والله كلامك مضبوط فعلا العربية القديمة مناسبة ماديا للي ممعاهوش كاش يشتري جديد وفعلا العربية القديمة لما تصرف عليها حالتها بتكون افضل من عربية قسط ممعاكش تصلحها واهم حاجة غلبة الدين ربنا مايكتبها علي حد ابدا دي لوحدها تكره الواحد في عيشتة ..نظريتك صح وفي محلها وانا باحييك

شكلي كده ممكن اشد العربيه واسقطلها مكنه 1600 او مكنه 1500 2 كامه واظبطها ومش هصرف عليها كل ده حتي 10 الاف وهتبقي صاروخ ورخيصه وعارف اللي فيها وبهدل فيها زي مانا عايز

راي صحيح للناس كتير
وانا منهم بس لو القديم في رفيهة متوسطة زي التكيف فالصيف