ما هو الحل لمشكله تزييق ابواب الالنترا 2012؟

**mshmshm3** · 05-04-2012 02:24 PM

wd-40

**windofchange** · 05-04-2012 03:08 PM

خد باللك في مفصلات الابواب بيبقي في كاوتش فيهم المفروض متجيبش عليه wd-40 لأنه بياكل الكاوتش,,,انا جبت الشحم الابيض ده علي فكره ياميدوو

**hossam_elwani** · 05-04-2012 05:58 PM

تربيط مفصلات الابواب هو الحل.....

**ahmed_mido1889** · 05-04-2012 06:42 PM

تزييق في الفتح والقفل والا تزييق مع المشي من عند كاوتش الابواب؟

الاولي حلها نقطه زيت علي كل مفصله وفتح وقفل الباب

الثانيه سخن مياه وبقماشه مبلووله من المياه السخنهامشي علي كاوتش الابواب علشان الكاوتش يريح ويفرد

اي كاوتش يقابلك اعمل معاه كده كاوتش باب كاوتش ازاز

وادعيلي

**besbest** · 05-04-2012 11:17 PM

شكرا لكل الردود المفيده جدا بس انا اقصد فعلا فرش الابواب من جوه مع المطبات والطرق الجميله بتاعتنا ...

**besbest** · 05-04-2012 11:20 PM

فعلا هي مشكله تزييق فرش الابواب من الداخل مع انها عربيه زيرو ومكملتش 20 الف كيلو

**sayedmagic** · 06-04-2012 03:49 AM

انامقبل علي صيانة علي 10000 وكنت عاوز اعرف ايه اللي تم والتكاليف قد ايه وعملته في التوكيل ولا مركز خدمة

**besbest** · 07-04-2012 10:59 AM

صيانه 10 الاف كيلو اتكلفت حوالي 550 جنيه واشتملت علي تغيير الزيت (شل 10000) وفلتر الزيت +تربيط العفشه +ظبط هوا الاطارات +تنضيف فلتر الهواء وكل ده تم في مركز خدمه لهيونداي معتمد في التجمع الاول واخدت غسله مجانيه في البنزينه اللي جنب مركز الخدمه

**elsheikh2010** · 07-04-2012 02:35 PM

المشاركة الأصلية كتبت بواسطة ayman-ahmed

وانت فى المحطة بتغسل العربية متخليش العامل يغسل القوايم والبيبان من جوا بمياه وخليه يمسحها كويس لما يخلص غسيل ومن عند المفصلات وبعدين ترش wd40 على المفصلات وتحرك البيبان كام مرة براحة واقفل واطلع جربها.

لو التزييق راح يبقى المفصلات لمت تراب وطينة من الجو النضيف وغسيل القوايم والبيبان بمياه.ولو مراحش يبقى تروح التوكيل على قسم الهياكل ومتمشيش الا لما تتحل المشكلة.

أخي العزيز انا معايا العربية بقالها سنة تقريباً غسلت القوايم في المحطة تقريباً مرتين بس كل مرة كنت باخلي العامل ينضفها وينشفها بمسدس الهواء كويس جدا دلوقتي العربية بقالها فترة باحس بصوت زي صوت او الكركة او الصوصوة مش عارف بالضبط اوصفه ولا احدد مكانه بس تقريباً جاي من ورا وعملت موضوع في الحكاية ده وحضرتك بتقول ممكن المفصلات تلم تراب فيإيةه الحل انا ناوي اروح التوكيل بس عندنا في البحر الأحمر افيش قسم للهياكل فاتنصحني بإيه ....

**hossam_elwani** · 07-04-2012 03:40 PM

اغلب ملاك العربيات الى فرش الابواب بتعها بلاستيك * بلاستيك بدون قطع من القماش او الجلد بيشتكو من نفس العيب حتى فى السعوديه مش عند حضرتك بس ايه السبب مش عارف بلزبط .....