الموضوع: اتقلبت بالعربية على الطريق الدائري

الحمد لله ربنا سترها معايا امبارح
كنت مروح من الكلية بال 128 مو ديل 85 و ماشي لوحدي على الدائري فى اتجاه كارفور و بعد ما سبت النزلة بتاعت كورنيش المعادي و ماشي على سرعة معقولة 90 -100
و فجأة لقيت مفرش كدا جلد لونة نفس لون الصخر على الطريق كان شبة حجر كبير اويي و لاقيت العربيات كلها عمالة بتبعد عنة فتأكدت انها صخرة
انا كنت ماشي في الحارة الشمال قريب من الخرسانة
المهم قولت اهدي شوية و احود بعيد عنة اول ما دوست فرامل لقيت العربية كلبشت و راحت لفة شمال جامد ناحية الخرسنة و روحت خابط فيها و اقلبت و السقف كان على الارض
و الحمد لله كنت رابط الحزام و اول ما اتقلبت خوفت من حاجتين
-اما ترللة او العربيات الي جاية على سرعة 140 هتخبط فيا
او
-العربية هتولع عشان كنت مفول التنك
روحت قولت انا هستنى روحت فاكك الحزام و خرجت من الازاز بتاع الباب اللي جنبي و روحت جريت على جنب

الحمد لله محصليش اي حاجة و دة فضل من ربنا انة نجاني
و الحمد لله ما كنش في اي عربيات سريعة و رايا و الشارع كلة و قف و لقيت اللي بيساعد و اللي بيديني مية و اللي بيعدل العربية و اللي يطمني
و الله الناس لسا في خير كتير
- و بعدين جيت ادور العربية دارت على طول و روحت بيها

الاضرار التي لحقت بالسيارة
-الكبوت من حرفة ادام اتعوج
- الزجاج الامامي اتخلع
-اكسيلتير دواسة البنزين اتكسر -روحت و انا شادد الشفاط -
-الحلية اللي فوق الابواب اتطبقت و الابواب تقلت في الفتح و الافل
-جلد الشكمان اتقطع
-الحمد لله الخبطة اللي كانت في الخرسانة كلها جت في الكاوتش و هو دة اللي خلها تتقلب
-و هناك خدوش مكان احتكاك الاسفلت

السؤال الهام
لية العربية لفت كدا ؟؟؟؟
مع اني دايما بصلحها و مش ببخل عليها في التصليح و التدليع .
هل دة ماستر ؟؟
و انا مركب جنوط 14 عرض 185 و ارتفاع 60 بس بقالها سنتين
و كويسة
هل الجنوط دة هي السبب اللي بوظ الفرامل؟؟؟؟؟؟؟؟؟؟؟
انا كنت مغيرة من قريب و كمان مغير التيل الامامي و الخلفي ؟؟؟؟

بصراحة العربيات الاديمة دة ما فيهاش امان خالص ............!!!

أنت شكلك كده ربنا بيحبك و الله..
ممكن تكون الأرض كانت مش سليمة أو بتزحلق في الحتة اللي دوست فرامل فيها.