الموضوع: الحمدلله اتقلبت بالعربية على الدائري

بسم الله الرحمن الرحيم

نازل انا والوالد الصبح رايحين القاهرة جايين نمشي لسه سمعنا صوت حاجة بتفرقع كده ! ابص الاقي الفردة
اليمين اللى ادام ! ركنا ونزلنا حطينا الاستبن اول مرة نركبه واخر مرة طبعا

روحنا عند بتاع الكاوتش في طريقنا نشيل المسمار اللى في الفردة عشان نركبها تانى

خلصنا وشيكنا على العجل ورجعنا الاستبن تانى مكانه واتكلنا على الله

واحنا عند بنها كده مش عارف ليه حسيت ان العربية هتتخبط ! تتخبط بس :d

طلعنا الدائري كانت الساعة 10 ونص كده قبل مدخل طريق السويس ب 4.5 وكنا ماشيين 120 واحد ربنا يسامحه بقي معاه ماتريكس سودا راح رامى

علينا عشان يعدى من العربية الجامبو هو خبط العربية بس كانت بسيطة طبعا والدى راح كاسر
الدريكسيون

يمين وهدى ! قامت العربية عامت مننا حلفت بتاع 4 مرات وقامت خابطة من الجانب في الجامبو



بعد كده راحت داخلة في الفاصل الاسمنت اللى على الطريق وكسرته وراحت مقلوبة في الهوا والحمدلله نزلت على ال 4 عجلات الحمدلله على الرمل

تقريبا ده اللى حصل !! لأننا طبعا مش حسينا بحاجة من بعد ما دخلنا في الفاصل طبعا رمل على الازاز

وانا كنت فكيت الحزام قبلها بنص ساعة بالظبط بس الحمدلله بابا كان رابط بتاعه عشان كده الايرباج

بتاعته بس اللى فحت والازاز اللى ادام واللى ورا واللى جنبي اتكسروا 100 حتة

بعد كده العربية وقفت الحمدلله طبعا فضلت انادى على بابا بصوت عالى لأنى مش شايفه اصلا بعد كده

لاقيت الناس اتلمت علينا طبعا وشميت ريحت شياط وانا جوا العربية انا والوالد والحمدلله كان كويس وانا

كنت كويس الناس فكروا اننا موتنا وقالو انتو انكتبلكوا عمر جديد .. نزلنا منها بسرعة وواحد خد الطفاية لأن العربية دخنت وكلمنا واحد مستشار زميل والدى

وجالنا وكلمت طبعا استاذ احمد مصطفي اللى قرفته طول اليوم من الصبح :d وقالى وديها اوتو ايجيبت

وبعد كده وطلعنا العربية بونشين وكسروا فاصل عشان يعرف يطلع العربية طلعها بعد ساعتين بعد كده روحنا عملنا محضر في

نقطة مرور الماظة وصورنا المحضر على طول وطلعنا على اوتو ايجيبت بالونش وقابلنا المهندس محمد

رفاعى راجل محترم جدا وعمدة القسم طبعا وصاه علينا توصية شديدة واحتمال كبير تاخد متتصلحش تانى

لأنها هتتكلف مبلغ كبير جداا ودى الصور

صحيح الفردة اللى كان فيها مسمار فرقعت في الحادثة :d

قدر الله و ما شاء فعل و حمد لله علي سلامتكوا