المشاركة الأصلية كتبت بواسطة d . A .\ ayman
حاجة كمان مهمة بالإضافة للكلام بتاع سمسم وهي اننا لازم نعرف الفرق كيفية تشغيل الفتيس العادي والأتوماتيك
الفتيس العادي عبارة تروس بتتعشق في بعضها بصورة مباشرة بترس الموتور يعني حديد بيركب على بعضه زي تروس الساعاة بالضبط وبيفصل ما بين التروس دي مجموعة الدبرياج اللى هية الديسك والإسطوانة وما الى ذلك ... لما حضرتك تدوس على الدبرياج الديسك والبلية بيقوموا بإبعاد ترس الموتور عن تروس الفتيس ويفضل ترس الموتور يلف على الإسطوانة من منطقة غير مسننة وبعدين حضرتك تدي غيار الرابع مثلا وتشيل رجلك من على الدبرياج يقوم يرجع ترس الموتور يعشق في الترس الرابع اللى حضرتك إيديته غيار وهكذا كل مرة تيجي تغير فيها النقلات
في الفتيس العادي زيت الفتيس وظيفته تبريد وتزييت أجزاء الفتيس المختلفة فقط لمنع الحرارة الزائدة والإحتكاك
لكن في الفتيس الأتوماتيك الزيت لازم يكون ليه مواصفات مختلفة لأنه بيقوم بدور حيوي جدا وهو دور هيدروليكي لأن الفتيس الأتوماتيك بيكون في حالة تعشيق دائم للتروس بينها وبين بعضها وناقل الحركة ما بين الترس الفولام أو ترس الموتور وبين تروس الفتيس بيكون هو الزيت نفسه اللى بيتحمل ضغط رهيب ليتمكن من نقل الحركة بالكفاءة اللازمة ..
يعني ترس الموتور مابيتعشقش في تروس الفتيس بصورة مباشرة زي الفتيس العادي ولكنهم بيكونوا على بعد مليمترات من بعضهم البعض ويقوم بنقل الحركة من الأول الى الثاني الزيت نفسه بواسطة الضغط الهيدروليكي
عشان كدة الفتيس الأتوماتيك بيكون حساس جدا للتغير في درجة حرارة الزيت أو لفقده درجة من درجات لزوجته وهو ده السبب في إن الفتيس الأتوماتيك بيحتاج عملية صيانة أكير من العادي وتغيير مستمر للزيت بتاعه في مواعيده المنضبطة ... لأن أقل تغيير في درجة لزوجة الزيت تؤثر على الكلتشات بتاعة الفتيس وتخليه يفوت نقلات أو ماينقلش أصلا زي ما قال الزميل العزيز سمسم
وطبعا هو ده السبب في ريحة الشياط اللى بيشمها الزميل العزيز محمود عفيفي لأن الزيت بيتحرق مع الضغط الرهيب المضاعف اللى بيتعرض ليه من كتر الكيك داون لأني بسقط نقلة أو نقلتين وأعلي لفات الموتور فجأة وبالتالي ترس الفولام بيعلى عدد لفاته بصورة فجائية وبيؤثر بالضغط العالي الفجائي ده على الكلاتشات وكل ده اللى بيمتص رد الفعل فيه حاجة فقط وهى ...... الزيــــــــت .......
الفتيس العادي لو قعدت أسقط فيه نقلات على طول بصورة مستمرة وأخلى ده أسلوب القيادة الطبيعي بتاعي أكيد ده برضه بيقصر من عمره بالضبط زي الفتيس الأتوماتيك ولكن مش بيؤثر في الزيت قد ما بيأثر في أجزاء الفتيس الحديدية نفسها من تآكل بقة وتفويت في الغوايش وصعوبة في النقلات وتفويت في عزم الموتور يعني الموضوع ده بيأثر في العربية ككل ... لكن لأن الناس مش متعودة أساسا تسقط نقلات في الفتيس العادي لأن الحركة دي في الفتيس العادي بتحتاج حرفية عالية وصعوبة في الأداء وردود فعل سريعة الناس العادية مش بتحب تعملها في السواقة العادية فبتكون الحركة دي مقصورة على فئة الشباب الصغير واللى بيحب يجري بالعربية ويحرق عليها في كافة الأحوال وبيحب ردود الفعل السريعة
أما الفتيس الأتوماتيك بتعمل الحركة بضغطة زرار أو دوسة أكبر على دواسة البنزين أو أي إسلوب من الأساليب السهلة جدا اللى بتعتمدها الفتيسات الأتوماتيك عشان كدة ناس كتير جدا اتعودت على اسلوب القيادة ده برغم خطورته على الفتيس وبقى الموضوع على الفاضية والمليانه وبالمقابل مابيهتموش بتغيير الزيت -قبل ميعاده- لأن الحرق على الفتيس بالصورة دي لازم معاها يتغير الزيت على عدد كيلومترات أقل من المحدد له فبتكون النتيجة تلف الفتيس الأتوماتيك
المفضلات