السلام عليكم ورحمة الله و بركاته
اولا الف سلامة عليك و ان شاء الله ربنا يمن عليك بالشفاء العاجل , و احتسب كل ما تعانى منه عند الله
ثانيا انا عايزك تتأكد الاول انك مصاب بمرض بهست
لانه قصة تانية غير قرح الفم العادية اللى ليها اسباب كتير جدا
بص انا اشتغلت فترة قبل ما اتخصص اشعة فى الامراض المناعية و الروماتيزمية
واتعملت مع حالات بهست- ربنا يشفيهم جميعا-
و هو باختصار مرض مناعى بيصيب الذكور الشباب و اعراضه متنوعة و اشهرها القرح فى الفم و اجزاء اخرى من الجسم
والامراض الروماتزمية عاما بيكون المرض فيها زى ما وصفت حضرتك شوية بتتحسن و شوية بيشد عليك
و العلاج بتاعها فى الاساس الادوية اللى بتهبط المناعة واولها طبعا الكورتيزون
ونصيحتى ليك اللى اتمنى بجد انك تتبعها
اياك ثم اياك تتعالج عند طبيب غير متخصص فى الامراض الروماتيزمية لان ده مش تخصصه و هيهريك كورتيزون وهيعد يفتى كعادة المصريين اللى بيكسفوا يقولوا معرفش
انت تتوكل على الله و تروح لطبيب يكون متخصص فى الامراض الروماتيزمية
وهو هيطلب منك شوية تحاليل عشان يشخصك صح لان مش كل اللى عندو قرح فى بقو يبقا عنده بهست
وان شاء الله خير
و اكبر واحد اعرفه فى المجال ده هو د\ محمد صلاح عبد الباقى
و ده استاذ و رئيس قسم الامراض الروماتيزمية فى طب عين شمس
واتمنى انك تاخد بنصحيتى وربنا يشفيك ان شاء الله