الموضوع: اول موضوع ليا فى المنتدى وياريت المشورة السريعة

طبعاً الاول احب اهنى نفسى على الانضمام امنتداكم الجميل
ثانياً انا واقع فى حيرة طبعاً زى اى شاب علشا يتجوز لازم يبيع هدومه انا بعت الفيات 131 علشان اتجوز والحمد لله من ساعتها مش عارف اشترى عربية تانية
قدامى عربيتين 1- عربية بيجو 104 موديل 82 فى حدود 7500 بتاعت مهندس زميلى وماتورها حاطوا جديد لسة بيثبت على الرخصة 1400 cc العفشة مجددة بالكامل وانا سقتها بصراحة هى ناعمة وجميلة


2- فولكس واجن بيتلز 1303 موديل 72 المانى مواصفات امريكى فى حدود 10000( ومش عارف يعنى اية مواصفات امريكى ) وطبعاً انا ماليش سوابق مع الفولكس ارجو المشورة لان دول على قد حالى

وعلى فكرة انا مش حابب الفيات لانها منتشرة انا بحب التميز كمان انا عايز المشورة فى انى ممكن اسافر بالعربية مسافة 500 كم فأيهما افضل وياريت يبقى من واقع التجارب
والف مليون شكر لجميع الاعضاء

طبعاً الصور التى بالموضوع ليست صور السيارات لكنها رمزية