شكرا لأعضاء المنتدى وياريت يا باشمهندس طارق أيضاح لو تكرمت

**semsem8100** · 16-07-2008 02:32 AM

شكرا لكل الاعضاء اللى ردوا وجزاكم الله خيرا وياريت يا باشمهندس طارق تقولنا اخر سعر للنسر 1600 أتوماتيك العاديه مش الرياضيه وهل صحيح أن الخليجى منها ما ينفعش فيها غير بنزين 95 يعنى لو حطينلها 92أيه اللى هيحصل وهل سعر الخليجى يختلف عن المصرى وهل فيه فرق فى تقفيل العربيه فعلا زى ما البعض بيقول وأيه بقى موضوع ال ds فى الفتيس وهل يختلف عن ال od فى النيسان وجزاك الله وكل الاعضاء خيرا وشكرا ..

**مصراوي جدا** · 16-07-2008 09:06 AM

المشاركة الأصلية كتبت بواسطة semsem8100

ياريت يا باشمهندس طارق تقولنا اخر سعر للنسر 1600 أتوماتيك العاديه مش الرياضيه

سعر اللانسر 1600 أوتوماتيك دلوقتي 109 ألف وبالحجز والاستلام آخر الشهر

المشاركة الأصلية كتبت بواسطة semsem8100

وهل صحيح أن الخليجى منها ما ينفعش فيها غير بنزين 95 يعنى لو حطينلها 92أيه اللى هيحصل

محرك اللانسر 1600 المصري 106 حصان صافي EEC net HP (حوالي 115 حصان اجمالي SAE gross) ومحرك اللانسر 1600 الخليجي 122 حصان اجمالي وحسب تعليمات ميتسوبيشي اليابان ان لازم بنزين 95 وده بيكون كمان مكتوب على استيكر على غطاء التنك - دي تعليمات الشركة المصنعة انما فيه كتير من مالكي العربيه هنا في المنتدى قالوا انهم بيحطوا بنزين 92 بدون أي مشاكل

المشاركة الأصلية كتبت بواسطة semsem8100

وهل سعر الخليجى يختلف عن المصرى وهل فيه فرق فى تقفيل العربيه فعلا زى ما البعض بيقول وأيه بقى موضوع ال ds فى الفتيس وهل يختلف عن ال od فى النيسان وجزاك الله وكل الاعضاء خيرا وشكرا ..

سعر الخليجي بيكون اقل حوالي 3 - 4 ألاف جنيه عن المصري علشان الضمان أو بيزيد كماليات عن المصري
مفيش اي فرق تقفيل العربية المصري والخليجي حيث أن الاتنين ياباني 100%

المشاركة الأصلية كتبت بواسطة semsem8100

وأيه بقى موضوع ال ds فى الفتيس وهل يختلف عن ال od فى النيسان وجزاك الله وكل الاعضاء خيرا وشكرا ..

دي بأه ما اعرفهاش وفيه اعضاء متخصصين اكتر مني منكم يفيدوا حضرتك