ايه الفرق بين مصرية .. و الرواس ؟؟؟

**Hassan Khalil** · 08-06-2008 07:48 PM

السلام عليكم ..
السؤال موجه لاصحاب العلم و الخبرة و الدراية بميتسوبيشي .. و اكيد للاخ المحترم م / طارق
**************
دلوقتي التوكيل بتاع ميتسوبيشي ( مصرية ) في شارع رمسيس ..لازق فيه الرواس .. و الاتنين بيبيعوا نفس العربيات و الرواس بيبيع عربيات مصرية .. بالاضافة للخليجي ..
و صاحب التوكيل ( مصرية ) اسمه بيتهيألي سعيد الرواس ..
و مصرية ليها مراكز خدمة .. و الرواس ليه مراكز خدمة
***********
هل مصرية هي الرواس .؟؟و هل صاحبهم واحد .. و ايه علاقتهم بــ موتور تريند؟؟
هل العربيات المباعة من مصرية الضمان بتاعها يسري في مراكز الرواس ؟؟؟
و هل العربيات المباعة من الرواس ( الخليجي الاماراتي ) يسري عليها الضمان في مراكز مصرية .. علما بانهم في الرواس قالولي انهم بيدوا ضمان للخليجي بتاعهم 3 سنوات او 60000 كم .. و كده اعتقد انهم الوحيدون اللي بيدوا ضمان للخليجي ...
و هل السيارات المباعة في المكانين لها نفس المواصفات ؟؟؟

**elpasha009** · 08-06-2008 08:34 PM

أنا هجاوب حضرتك على اللي أعرفه من الموضوع وممتأكد منه مليون في الميه.
شركة مصرية هي الوكيل الرسمي لمتسوبيشي اليابان.وفعلا صاحب الشركة إسمه سيد رواس.
أما الرواس فهو مركز معتمد للصيانة من شركة مصرية وفي نفس الوقت هو موزع معتمد لشركة مصرية.وصاحب المركز على ما أعتقد أخو صاحب التوكيل.
الخلاصة إن لما بدأ التجار بجيبوا عربيات خليجي وعلشان ميسحبوش البساط من تحت رجل الوكيل فقرروا (سيد رواس صاحب التوكيل وصاحب شركة الرواس) إنهم يستوردوا خليجي بإسم الرواس ويديهم الضمان من عنده اللي هو أصلا يعتبر من الوكيل الخليجي اللي هو بيستورد منه.

**مصراوي جدا** · 09-06-2008 08:41 AM

كلام elpasha009 مضبوط و أحب أوضح أكتر

شركة مصرية هي وكيل ميتسوبيشي في مصر واسمها الرسمي :
شركة مصرية (سيد سيد الرواس وشريكه) وكلاء سيارات ميتسوبيشي في مصر
يملكها الحاج سيد الرواس وشريك له ، وهو كذلك رئيس مجلس الادارة

ومعرضها في 3 أ ش رمسيس ودي صورته

أما شركة الرواس فهي موزع معتمد لشركة مصرية ومعرضها هو اللي جنب معرض شركة مصرية في 3 ب ش رمسيس واسم المعرض موتور تريند ويملكها ابناء الحاج سيد الرواس ودي صورته

ومصرية لديها مركزين خدمة تابعين لها الرئيسي في قليوب الطريق الزراعي ك 16 والثاني في جسر السويس ومحل قطع غيار في الكيت كات

والرواس له 4 مراكز خدمة تابعين له الأول في العجوزة عند كوبري 15 مايو والثاني في الطريق الزراعي قبل قليوب عند الكيلو 12 وبجوار غبور والثالث في ش عبد الخالق ثروت وسط البلد والرابع في غمرة ش بورسعيد ومحل قطع غيار في ش رمسيس

بخصوص الضمان
ضمان السيارات المصري اعتبارا من 2008 هي 3 سنوات او 100 ألف كيلو متر ويمكن صيانة السيارات المصري في اي من مراكز مصرية او الرواس باعتبارها مراكز معتمدة وكذلك باقي المراكز المذكورة هنا

اما ضمان السيارات الخليجي ضمان الرواس فهي 3 سنوات او 60 ألف كيلو متر وصيانتها في مراكز الرواس فقط للمحافظة على الضمان
اما مراكز مصرية فهي يمكن ان تقدم الصيانة للسيارات الخليجي عموما لكن بدون ضمان

السيارات المصري لدي الرواس هي من مصرية وبالتالي هي نفس المواصفات

اما السيارات الخليجي لدى الرواس فهي من الامارات (مواصفات خليجي) تختلف عن المصري

اعتقد كده الأمور وضحت اكتر ولو فيه اي تساؤل آخر اتفضل يا باشا

**hazem_khidr** · 09-06-2008 01:37 PM

شكرا للافاده يا طارق باشا
لان الموضوع دا محيرني من زمان :)

**Hassan Khalil** · 09-06-2008 02:58 PM

المشاركة الأصلية كتبت بواسطة elpasha009

أنا هجاوب حضرتك على اللي أعرفه من الموضوع وممتأكد منه مليون في الميه.
شركة مصرية هي الوكيل الرسمي لمتسوبيشي اليابان.وفعلا صاحب الشركة إسمه سيد رواس.
أما الرواس فهو مركز معتمد للصيانة من شركة مصرية وفي نفس الوقت هو موزع معتمد لشركة مصرية.وصاحب المركز على ما أعتقد أخو صاحب التوكيل.
الخلاصة إن لما بدأ التجار بجيبوا عربيات خليجي وعلشان ميسحبوش البساط من تحت رجل الوكيل فقرروا (سيد رواس صاحب التوكيل وصاحب شركة الرواس) إنهم يستوردوا خليجي بإسم الرواس ويديهم الضمان من عنده اللي هو أصلا يعتبر من الوكيل الخليجي اللي هو بيستورد منه.

شكرا للاخ الباشا علي المعلومة