السلام عليكم ورحمه الله

جزاكم الله كل خير بجد علي التعليقات الجامده دي
سؤالي بقي للخبراء ..

أنا دلوقتي حجزت لوجان 2013 مانيوال فول اوبشن في التوكيل بالمنصوره
ووقالي الاستلام في نص شهر واحد ودفعت 5000 حجز العربيه

1- أبدأ في اجراءات البنك امتي ؟؟ قبل ما ال عربيه توصل ولا بعد ؟
2- شيك البنك هيطلعع بكامل قيمه العربيه والتوكيل هيرجعلي فلوس الحجز ولا شيك البنك هيطلع بالمبلغ المتبقي وفي الحاله دي هكون دفعت مقدم في ناحيتين مش ناحيه واحده اللي هي البنك ؟
3- انا دلوقتي في مرحله انتقاليه في شغلي بمعني اني هترقي ان شاء الله في شهر 2 وهيتغير محل عملي من مستشفي الجامعه لكليه الطب . ده هيفرق مع البنك وهقدم مفرجات مرتبي ازاي وهي اصلا هتتغير ؟!!
4- لو ده مش هينفع . أقدم ضامن ازاي في البنك ؟؟
5- مفيش طريقه غير اني أطخ كل شهر مشوار للبنك علشان استلم باقي مرتبي ؟؟
6- لو بعد سنه مثلا اتوفرت معايا فلوس كاش وحبيت اسدد جزء من فلوس العربيه . الفوائد هتتشال ولا مش هيبقي ليها لازمه لو البنك أخد فوايده كلها في أول كام قسط ؟؟
7- هخلص اجراءات البنك ازاي واللي من ضمنها التأمين والعربيه لسه موصلتش اساسا ؟؟
8- البنك ( ناصر) هيفرض عليا شركه تامين معينه ولا انا اشترك براحتي ؟؟ ومين افضل شركه تامين في المنصوره ؟؟
9- احد الاعضاء قال انه مفيش مبلغ تامين هدفعه علشان انا طبيب . يقصد أنهو تأمين ؟؟
10- لازم أروح أمضي الموافقه من الفرع بتاع القاهره ؟؟؟


معلش صدعتكم بأسئلتي الكتيره لكن بجد أنا طمعان في أخلاقكم وخبراتكم .



وشكرا