اخيرا و بعد عذاب ..غيرت طقم الدبرياج بتاع الفتيس الثورى الايزى ترونيك (دى عشان حسن سرى)
العربيه ماشيه 130 الف كم
بنفس طقم الدبرياج الى جاى فيها
و ده رقم خيالى :)
بشهاده المهندسين فى التوكيل
و الحمد لله كانت بتمشى كويس و سحبها ممتاز و بتجيب 220
مشكلتها كانت
1-طلعتها ضعيفه (تفويت)
2-بتنااااام فى مطالع الكبارى..
3- لو معايا اوزان تقيله سحبها بيروح مشوار
4-بتخبط خبط بسيط فى النقلات و تنط و حاجات غريبه

انا ناوى اغير الطقم بقالى فتره ..بس كنت ناوى اغير فى التوكيل و عارف انه هيتكلف كتييير
موجود برا رخيص بس مش واثق فى الطقم الى برا ...وبفرض انى واثق فيه ..مش واثق فى الى هيركب ..على الاقل انا بعرف اسلك مع التوكيل لو ركبوه غلط او حصلت مشكله
و من اسبوع كده العربيه معرفتش تطلع جراج الاوبرا عشان كنت مشغل التكييف ..
فقولت اغير بقى
وفعلا كلمت منصور فرع العامريه
وحجزت و روحت
غيرت :
1-ديسك و اسطوانه
2-ماستر دبرياج سفلى لانه كان بيودع و كان مسبب خبط فى النقلات على ار بى ام قليل
3-كاوتشه كوبلن لقيتها مقطوعه
العربيه بدأت شغل الساعه 9 و نص
خلصت الساعه 3 العصر
تقييمى الشخصى :
1-السحب مفيش فرق يذكر ...التغيير جه فى سرعه السحب بعد النقلات ...والنقلات بقى زمن تعشيقها اسرع
2-النقلات سلسه جدا (بس مش زى الاوتو طبعا) و مفيش اى رزع ..او خبط
3-العربيه طلعتها بقت قويه ..(لكن محتفظه بغباوه الايزى ترونيك فى طلعته)
4-صوت العربيه بقى اهدى على السرعات

طقم الدبرياج ماركه لوك ..صناعه مجرى ..عليه علامه اوبل و فوكسهول و جى ام
ماستر الدبرياج مش فاكر بس باين المانى
كاوتشه الكوبلن بردو المانى

ان شاء الله يقعد 130 الف كم كمان :)
وقتها هبقى اقلبها مانيوال بقى :)))))))))))

باقيلى كده اغير طقم طنابير و تيل (مش فى التوكيل)
واعمل صيانه للعفشه (مش فى التوكيل)