السلام عليكم ....

قبل اي حاجة انا لسة جديد معاكوا في المنتدى واحب اقول لكل الاعضاء الله ينور عليكم يارجالة ...

باركولي انا لسة جايب e34 525 ودي كانت حلم حياتي والحمد لله اتحقق بس انا محتاج استفيد من خبرتكوا في المرحلة اللي جاية دي علشان عايز اشقلب العربية علما بان العربية موديل 90/91.....

انا كنت عايز اغير البودي كيت غير اني عايز اغير الطنابير لطنابير مخرمة واركب سوبر تشارجر واغير المساعدين لمساعدين سبور واكيد طبعا الجنوط .... وده كفاية في المرحلة دي علشان الكاشات اللي معايا

السؤال بقى لأهل الخبرة ..........اولا : الكلام ده هايتكلف حوالي كام ؟؟
ثانيا : فيه حاجة اولى اني اعدلها غير الكلام ده
ثالثا : لو الفلوس اللي معايا مكفتش ...... ايه الحاجات اللي ممكن استغنى عنها من الكلام ده

وشكرا مقدما .......