الموضوع: شحن تكييف الفيرنا بقا غالي جدااا

المشاركة الأصلية كتبت بواسطة ahmed_h_g

علي فكره الفريون مش هيفضى من الدايره لواحده ولا بعد 100 سنه الا لو عندك تسريب
لو حسيت ان كفاءة التبريد بتقل يوم بعد يوم الحق أرجعله وأديلو على دماغه

الكلام ده اتقالى بالحرف من صاحب مركز صيانة تكييف سيارات لما رحت اكشف على تكييف الفيرنا بعد 3 سنين و نص من الاستخدام و فوجئت الاسبوع الى فات ان التكيف كفائته قلت جدا جدا كانه مش شغال رغم انى مغير فلتر التكييف من 6 شهور, لما كشف قالى الشحن زى الفل و كل الحكاية ان الفلتر اتسد نضفة و نصحنى بتغييره و تنضيف سربنتينة التكييف بالهوا فى اى محطة و لما سالته على الشحن قالى طالما الدورة سليمة الشحن يقعد زى منت عاوز و بصراحة طلع امين جدا رغم انى كنت عامل حسابى على شحن فريون و كمان مرضاش ياخد اى فلوس على الكشف و تنضيف الفلتر و اصر تماما, فرحت مدى العامل بقشيش و مشيت.

المشاركة الأصلية كتبت بواسطة hanyemad123

ده فين الراجل الامين ده ما تقولنا

الواحد ممكن يدوخ علشان يعتر فى حد امين فى البلد دى

اسمه صبحى و مكانة ميدان تريمف مصر الجديدة قبل ابومازن بتاع الشاورما بناصية.