لا حول ولا قوة إلا بالله
اللهم ارفع مقتك وغضبك عنا
عليه العوض ومنه العوض فى مصر
عليه العوض ومنه العوض فى المصريين
البلد خربت واتحرقت بجاز
بقت بلد البلطجيه والحرامية وقطاعين الطرق
لا حول ولا قوة إلا بالله
اللهم ارفع مقتك وغضبك عنا
عليه العوض ومنه العوض فى مصر
عليه العوض ومنه العوض فى المصريين
البلد خربت واتحرقت بجاز
بقت بلد البلطجيه والحرامية وقطاعين الطرق
شوفوا الخبر المهبب ده
لسه طازة
شهدت قرية فيشا سليم التابعة لمركز طنطا واقعة مؤسفة عندما أقدم سائق على ذبح صاحب محل زجاج بعد طعنه عدة طعنات بواسطة مطواه لخلافهما على أولوية المرور بالطريق خلال مرور المتهم بسيارته.
كان مدير أمن الغربية قد تلقى إخطارا من مستشفى طنطا الجامعى يفيد بوصول رضا حسين (27سنه- صاحب محل زجاج) بالقرية المذكورة جثة هامدة ومصاب بجرح قطعى بالصدر.
وكشفت تحريات ضباط وحدة مباحث مركز طنطا عن أن مرتكب الواقعة أسام...ة مصطفى (27سنة- سائق) مقيم بذات القرية، والذي قام بالتعدى على المجنى عليه بواسطة مطواة وإحداث إصابته التى أودت بحياته بسبب خلافهما على أولوية المرور بالطريق المؤدى للقرية خلال محاولة المتهم العبور بسيارته.
وبتقنين الإجراءات تم ضبط المتهم وبمواجهته اعترف بصحة التحريات وارتكابه للواقعة للخلاف المذكور فحرر محضر وأخطرت النيابة التى صرحت بدفن الجثة عقب تشريحها للتأكد من سبب الوفاة وتولت التحقيق.
حمد لله على سلامتك ياااحمد والحمد لله انها جت على قد كده وبالنسبه للاعضاء للى بتقول تخلى معااااك سلاح مع احترامى لكلامهم كلهم بس انا عايز اقولهم حاجه ان احنا مش بالطجيه ومش بتوع الحجات ديه ولو معااااك سلاح مش هتعرف تتعامل بيه زيهم يعنى مش هتعرف تضرب فين والا اى حاجه ممكن تموته ويبقى كل مستقبلك ضاااااااع وحجات كتييييير كده تقبلو مرورى
دي خبطة صغيرة
انا بفتكرها خبطة او تريح على الإكصدام
قدر الله و ما شاء فعل
و اتمنى لو رئيس محترم-قوي- مسك البلد تكون من اولوياته يشوفلنا حل مع الفئة دي
الف سلامة يا ابو حميد
فى الحديد ولا فيك
والله انا بقيت زيك كل اللى رايح واللى جاى يحك فى العربية
وبقيت اسكت وخلاص
وتانى مرة الحمد لله على كل حال ...
الحمد لله رب العالمين قدر الله وما شاء فعل
يا جماعة الموضوع اكبر من حكة ولا خبطة
الموضوع بقي عافية
دة نفس منطق سواق التريلا
بس مع فارق حجم الخسارة والسرعة
سواق التريلا بيسوق بنفس المنطق (ابلطج علي الطريق ومحدش هيقف قدامي)
منطق سواقين النص نقل (اصدر الصندوق)
منطق سواق الميكروباص (صدر الأكصدام والي خايف علي عربيته يوسع)
السواقة بقت عافية وعربجة
النهاردة الواحد لازم يتعلم السواقة من اول وجديد
نتعلم ازاي نحاول قدر المستطاع الأبتعاد عن او تلافي حدوث مصادمات
وفي الأول والأخر الحارس ربنا
قدر الله وماشاء فعل
والله المستعان
،
،
حمد لله على سلامتك اولا ..
ثانيا .. انا اتعرضت قبل كده لموضوع زى ده بس مكانش بأسلحه ولذلك قررت أشترى سلاح .. مش عاوز استنى واحد يرفع عليا السلاح لكنى اتهددت من سواق تاكسى انه هيولعلى فى العربيه وهوه عارف مكان بيتى وعشان كده كنت عامل الموضوع ده
http://www.nilemotors.net/Nile/269854-a.html
وعلى فكره انا حصلى حادثه ألعن من دى والله العظيم عربيه نقل ( اللى هيه مش نقل كبيره ) اللى اعتقد بيتقال عليها نقل الا ربع زى اللى فى الصوره دى
http://content.logta.com/81a47c89-e8...52382ffa68.jpg
كنت بلف ملف شمال بعد الالف مسكن وفى حارتى الشمال خالص وعادى جدا وخلاص وصلت للفه وبحود الدركسيون شمال ( طبعا كنت بحود بالراحه زى أى حد بيسوق صح ( انا بسوق بقالى 12 سنه مبدئيا ) وفجأه الاقيلك صوت خبطه فظيع والعربيه اترجت منى رحت اول ما سمعته دست بنزين على الاخر عشان اطلع بأقل الاضرار الممكنه وبعدها رحت واقف ونازل .. كان معاى واحد صاحبى بس نزلنا لقينالك النقل ده وفيها راجل وست وعيل صغير وهما الاتنين ماسكين العيل الصغير عشان يطمنوا عليه وانا نزلت فضلت واقف ابص على العربيه اللى شنطتها كان اتطبقت فى حته كده بقيت معوجه جدا والاكصدام اتخلع من مكانه .. متكلمتش عشان العيل بصراحه . واستنيت اما يخلص بعدها نزلى ويقولى انا اسف جدا انا ماشى بالعربيه من غير فرامل .. عجله واحده بس اللى فيها تيل فرامل لكنها شكلها علقت منى !! تخيله ده كان كلامه ! بس هوه طلع راجل محترم وقالى اللى تأمر بيه وكده قلتله صلحهالى .. وخليته فعلا يودينى لواحد ف حته انا بجد كنت حاسس انى هتخطف فيها دخلنا شوارع فظيعه جوه عين شمس وصلحهالى الحمد لله طلعت كويسه .. لكن واحد غيره كان ممكن يكون بلطجى وينزل بسلاح فعلا او يعمل كده بقصده بغرض انه يثبتنا ..
عموما ربنا يكون معانا كلنا وفعلا لازم سلاح
الحمد لله انك بخير
و بلاش الخناقات مع الناس دى
اي حاجة تحصل في العربية يا احمد فداك و متزعلش نفسك على الموقف اللي حصل لان انت بتصون كرامتك انك ماتنزلش لمستوى واحد زي سواق الميكروباص اينعم بيبقى موقف يحرق الدم بس الحمد لله قضى اخف من قضى