الحمد لله انك بخير وقدر الله وماشاء فعل
الحمد لله انك بخير وقدر الله وماشاء فعل
الف شكر ليكم
والله يا جماعة انا لما هديت وفكرت في الموضوع هل كنت هقبل على نفسي فلوس من واحد زي ده ؟ ؟ بس انا الاندفاع والعصبية وان العربية كل شوية تتخبط هو اللى خلاني اتصرفت بدون تفكير
وبصراحة مضايق جدا من اللى حصل وان الموضوع وصل لمطاوي ! الحمد لله على كل شئ
لا انا مجرد كنت واقف لسه ماكنتش بدات الف او احود الدركسيون اساسا !
انا كنت واقف عشان ترلا بتلف على الواسع من قدامي فكنت مستنيها تلف
انا اساسا سمعت الخبطة وشفته في المرايا قمت دايس بنزين بعدته عنه ! لولاها كان هيفضل مكمل لحد مايجيب الباب كمان !
حمدالله على سلامتك - و نصيحه بلاش موضوع السلاح ده علشان هى بتحصل فى ثانيه واحده و الموضوع كله بيتقلب لكارثة فى وجود السلاح .. ارجوكم يا شباب بلاششششش ســـــــــــــــــــــلاح و مرر الموضوع ببساطه
والله العظيم الراجل ده بيقول كلام زى الفل
بص انا جربت كتير اكون زوق ومحترم مبينفعش واللى قدامك لما بيلاقيك ساكت او هادى بيتنطط
لكن لو من البدايه لقيتو محترم وعارف خلطو يبقى خلاص
انما بقى لو لون معاك ارمى قلبك وحط عليه طلاما حقك يبقى دافع عنو
انا فى مرة كنت على طريق مصر الاسكندريه وبعد ما عديت من تحت المحور عند موقف الخردة بتاع تاكسى العاصمه بطلع من هاشم باص من اليمين راح كاسر عليا كسره غبيه اوى وكان ورايا عربيات كتير
هديت وسبتو ينزل قدامى راح دايس فرامل واقف طبعا كبست فرامل وكل العربيات اللى ورايا كانت هتلبس فيا بس يدوب لمحت الشمال فاضى رحت نازل فيه
وقطعت عليه الطريق و شتمتو و قلتلو امال المرايا بنت ........* لازمتها ايه وكسرتهالو
راح نازلى هو و التباع وكان معايا صاحبى و مسكنا فى بعض عقبال ما الناس نزلت كنا روقناهم بس كزا سواق ميكروباص اتلم علينا انا لقيت كده جريت على الشنطة وطلعت الاليكتريك اللى زى العصايه ده ورحت مخبيه وراه دهرى و قلتلو تعالا يا ابن ........* انا هسقطك من طولك دلوقتى وبعد ما كانت الناس بتحوشش السواقين عننا لقيتهوم بعد ما شافو الاليكتريك سابوهوم و كانهم بيقلولهوم طب فرونا هتعملو ايه معاه
وجه كام عسكرى و امين وحلو الموقف ومشينا
هى النوعيه دى مينفعش معاهم الا كده
وزى ما كوبر بيقول لو معاك حق فوت فى الحديد ولا يهمك
حمدلله على سلامتك للاسف فى فئة فى البلد دى لازم نلمها ونعدمها عشان ننضف ومتخدناش بيهم اى رحمة والله
متزعلش نفسك وفداك وانت متتكلمش مع الاشكال دى خد رقم العربية وروح القسم قدم فيه بلاغ واحكى اللى حصل ولو تعرف حد ضابط او مستشار او كده خده معاك والواد ده هيتجاب من قفاه
الف حمدالله على السلامة يابوحميد ... ومتزعلش نفسك ياباشا ... حط في بالك دايما اني دي مش بلدنا أحنا دي بلدهم هما بلد البلطجية والشمحطجية واحنا اللهم ضيوف فيها كده لحد ما ربنا يلاقيلنا حل فيهم ...وأصبر وأحتسب هما هيروحو من ربنا فينا ... وحياة عنييك هو حتت زلزال صغير كده من بتوع زمان وتلاقي الارض تنشق وتبلعهم وتاخودهم كده جواها ... والف سلامه عليك ياباشا .
بلاش بس الأسلوب ده في الكلام
مش عشان إحنا معانا عربيات يبقي بتوع الميكروباص ولاد .... زي ما إنت قولت
معلش فيه واحد بتاع ميكروباص محترم ومتعلم بس ظروفه كده و ممكن واحد راكب بي أم و قليل الأدب و عربجي
وحكاية يخدمونا دي برضة مش عجباني إحنا كلنا بنخدم بعض و في الأخر كلنا ولاد أدم
ولكن طريقة التعامل بتختلف من إنسان إلي إنسان
يعني
الشخص ايلي من مستواك ( فكرياً ) و ليس ( مادياً ) تعامل معاه لكن واحد واخدها بالدراع و قلة الأدب ( أينً كان بقي مستواه المادي مش هتفرق ) يبقي تتجنب إنك تتعامل معاه عشان لا هتعرف تخليه يتعامل معاك بالأسلوب ايلي انت تقبلة ولا هتعرف تتعامل معاه بالأسلوب ايلي يفهمه
و موضوع زى ايلي حصل مع أخونا فالأول قدر الله و ما شاء فعل ثانياً كان المفروض كان يبقي باااارد جداً و سواق الميكروباص إذا كان بيتنك وهو بيتكلم كان هو كلمه بتناكة و قرف مفيش بعده
وكان قاله كلمتين
إنت غلطان هاتشيل غلطك دلوقت ولا تخليها بعدين
الكلمتين دول كانوا هيخلوا يفكر ( إية بعدين دي )
و كنت حضرتك أخدت رقم العربية و تفضلت مشكوراً بعمل محضر في القسم و معاك شهود