المشاركة الأصلية كتبت بواسطة tutankhamoun
لسة النهاردة واحد بميني باص كانوا شكله معاه سلاح و ناوي يرفعه علي ّ
و من غير ما أعمله حاجة
أنا ماشي يمين علشان داخل يمين و الاشارة شغالة ... تمام .
هو جاي ورايا و عايز يتخطاني بأي طريقة و أنا وصلت اليو ترن الأول و على اليمين يعني أنا الصح .
المهم كملت و دخلنا شارع طوله حوالي 200 متر قبل يو ترن تاني
أخدت يميني لأني ماشي براحة على 50 كم -س (داخل المدينة )
المهم لقيته ماشي عادي هو كمان بس على الشمال
و دخلنا على يو ترن تاني و لقيته برضه داس بنزين و عايز يتخطاني بأي طريقة بس كنا خلاص وصلنا لليو ترن .
المهم كملنا و أنا على اليمين برضه و على شمالي ميكروباظظظظ و نص نق و داخلين على شارع رئيسي و بعديه يو ترن آخر
المهم الشارع الرئيسي كان زحمة و أنا أول واحد على اليمين و مستني العربيات تعدي
المهم أول ما وصلت على ناصية الشارع دوست فرامل منتظر وجود فجوة
أول ما وقفت مكملتش لسة 10 ثواني و أسمع زمارته المصونة ...... حط أيده و مشالهاش غير لما أتحركت
أنا كل ده مش عارف أن هو اللي بيزمر
المهم دخلنا الشارع الرئيسي و ماشيين على اليو ترن و ده بدء يزنق عليا
و أنا برضه واخد أقصى الشمال علشان أخد اليو ترن
راح حادف عليا بقصد أنه يضايقيني و يدخل ادامي
المهم سبته خوفا على نفسي و على العربية لأنه كان شكله بايعها خالص .
دخلت اليو ترن و هو مكمل وأنا داخل شارع جانبي تاني
لقيته بينزق عليا و أنا مدي اشارة يمين
المهم طلعت منه ووقفت جنبه بقوله أنت بتعمل كدا ليه ؟؟
قالي يا أبن %#$@#%@#%@$#@#^ يلعين دي *&#$^#$^#$ أبو اللي جابوك
فبقوله ليه
قالي أنت ما بتعرفش تسوق ..............غور في داهية
أنا فطست من الضحك
بس بعد كدا زعلت
ازاي البهايم دي بتسوق عربيات و معاه أرواح ناس ؟
الحكومة محتاجة تشتغل صح يا جماعة و محتاجة تشرف اشراف مباشر على شركات النقل الجماعي