مساعدة ضرورى

**moha2223** · 10-04-2012 01:24 PM

what do u think about lancer shark?

**Dawns_Mist** · 10-04-2012 01:46 PM

140 ألف - زيرو - أوتوماتيك - اعتمادية و مريحة

رينو فليوانس - لانسر شارك ........... دول أفضل اختيارين في الفئة السعرية دي مناسبين جدا للسفر و أعطالهم قليلة و مريحين للمسافات الطويلة .

أنا استبعدت التيدا لإن ثباتها بيقل نسبيا على السرعات العالية مقارنة بالفليوانس أو الشارك مع إن قطع غيارها متوفرة و صيانتها سهلة ... و استبعدت إلنترا مع إن كمالياتها كتير بس أنا لما سافرت بيها و سافرت بالشارك حسيت بفرق راحة كبير لمصلحة الشارك و كمان عوامل الأمان أهم من الكماليات و الشكل بالنسبة لشخص عملي .. استبعدت المازدا علشان قطع غيارها غالية و صيانتها صعبة و توكيلها سيء ...

الرينو = راحة أكتر ، عزل و هدوء و جودة تقفيل و أمان ، و كماليات .... هتضحي بالسحب على السرعات القليلة ، و لازم تكون مواظب مع التوكيل .. بس التوكيل محترم جدا و قطع الغيار معمرة و دي هتكون نقطة مهمة لحضرتك ....

الشارك = اعتمادية و تحمل ، ثبات ، أداء قوي جدا ... هتضحي بكماليات الفليوانس ، لكن قطع الغيار منتشرة خارج التوكيل .. و قطع الغيار داخل التوكيل سعرها مش بطال ..

* البومة اختيار مناسب جدا .. لإنها بتستحمل و بتجري و قطع غيار رخيصة و سهلة في الصيانة .. لكن انت عايز زيرو و البومة شكلها قديم و سعرها غالي بالنسبة للزيرو .................. الصني برضه اختيار مناسب و هتوفر فلوس كتير لكن برضه شكلها قديم و كمالياتها قليلة و قعدتها مش مريحة مقارنة بالفليوانس أو الشارك ..

* فيه عربيات أوروبي في الفئة دي محترمة جدا .... لكن مش هتكون اعتمادية في الحركة بتاعت حضرتك اللي من الطبيعة القاسية دي زي الكورسا أو الفيستا ...... بالتالي أنا لو مكان حضرتك هفكر جديا في الفليوانس أو الشارك ...

**Dr'AhmZZong** · 10-04-2012 02:39 PM

المشاركة الأصلية كتبت بواسطة hosam_optrawy

مبالغ فيها بس انا لقيت صاحب الموضوع بيقول 200 كيلو فى اليوم يعنى 6000 كم فى الشهر , فمحتاج عربيه اقتصاديه الى حد ما وقطع غيارها منتشره ومعروفه

اعتقد دا كله مش متوفر غير فى اللانسر , صحيح فى عربيات تانيه احسن لو وصلنا ل 140 الف بس اللانسر هى اللى تنفع فى الحاله دى

واللهِ أنا بفكر اجيبها لأختي اساسا عشان اعتمادية جدا بصراااااااااااااحة

**Hosam_Optrawy** · 10-04-2012 03:14 PM

المشاركة الأصلية كتبت بواسطة ahmazong

واللهِ أنا بفكر اجيبها لأختي اساسا عشان اعتمادية جدا بصراااااااااااااحة

هى اعتماديه طبعا وتعتبر ارخص عربيه سيدان يابانى 100 % حاليا فى مصر , بس مازال مبالغ فى سعرها

بس لو اللى هاتركبها بنت يعنى غالبا مش هاتعمل كيلومتر كتير ومش هاتبهدلها يبقى مش مضطر تجيبها , هات اى حاجه تانيه

انا بس رشحتها لصاحب الموضوع عشان هايمشى بيها كتير وهايعمل صيانه ويغير قطع غيار على طول

**Dr'AhmZZong** · 10-04-2012 03:27 PM

المشاركة الأصلية كتبت بواسطة Hosam_Optrawy

هى اعتماديه طبعا وتعتبر ارخص عربيه سيدان يابانى 100 % حاليا فى مصر , بس مازال مبالغ فى سعرها

بس لو اللى هاتركبها بنت يعنى غالبا مش هاتعمل كيلومتر كتير ومش هاتبهدلها يبقى مش مضطر تجيبها , هات اى حاجه تانيه

انا بس رشحتها لصاحب الموضوع عشان هايمشى بيها كتير وهايعمل صيانه ويغير قطع غيار على طول

صحيح يا حسام بيه إنت متأكد إنها 100 % ياباني ولا لأ ؟؟ اصل أنا شاكك بصراحة !!!

أصل أنا مش عايز عربية تكون ضعيفة عشان أختي كانت راكبة جيب شيروكي 4100 cc موديل 1995 .. عربية اسد بصراحة ..

فأحسن عربية أظن تستحمل سواقة أختي هي لانسر ولا إيه رايك ؟؟

**Hosam_Optrawy** · 10-04-2012 03:47 PM

المشاركة الأصلية كتبت بواسطة ahmazong

صحيح يا حسام بيه إنت متأكد إنها 100 % ياباني ولا لأ ؟؟ اصل أنا شاكك بصراحة !!!

أصل أنا مش عايز عربية تكون ضعيفة عشان أختي كانت راكبة جيب شيروكي 4100 cc موديل 1995 .. عربية اسد بصراحة ..

فأحسن عربية أظن تستحمل سواقة أختي هي لانسر ولا إيه رايك ؟؟

ايوه 100 % يابانى

وسواء لانسر او غيرها اكيد لازم هاتحس بفرق كبير لان الشيروكى فئه مختلفه وركوبه تانيه غير السيدان وطبعا موتور اقوى بكتير

عموما اللانسر عفشتها حلوه وعاليه عن الارض وتستحمل