الموضوع: مفاجئة غير متوقعة : الحرامي رجع الشنطة ! ! !

المشاركة الأصلية كتبت بواسطة koshary

ههههههههههه نورت بيروت ياميدو ومبروك على رجوع الشنطة فلوسك حلال يانجم

هههههههه حبيبي يا كوشري ... ماهو الفلوس اتسرقت يابيه وكل حاجة ، بس تعرفو البني أدم ولا حاجة من غير ورق .

المشاركة الأصلية كتبت بواسطة kareem fawzy

ههههههههههههههه
عجبى عليكى يا بلد اللى تخلى واحد مسروق يدعى فيها للحرامى
ميدو انتا زي العسل

كريم باشا ... ربنا يكرمك يا غالي ...

المشاركة الأصلية كتبت بواسطة gelgel2004

الحمد لله ان الحاجه رجعت
و الله تسالى الحرامى اللى نط على البيت عندى من كام اسبوع نتش اللاب و الفلوس و الدهب و شنطه الشغل بتاعتى و فيها الذاكره المحموله و اللى قلبك يحبه
و مكنش واخد بالله من البندقيه بتاعتى - كانت جنب الشنطه بس الظاهر الدنيا كانت ضلمه


الحمد لله على كل حال
قدر الله و ماشاء فعل ......

أهو فعلا دي الحرامية الي تخوف اكتر الي بينطو على البيوت وتيجي تكون بنت نايمة ولا ابنك نايم ويخنوقوا ولا حاجة الحمدالله ... ويارب يلطف بينا يارب .

المشاركة الأصلية كتبت بواسطة gelgel2004

حط افلام لومار على الزجاج
الوكيل فى جسر السويس
تحياتى

فين بالضبط ياباشا العنوان علشان ناوي بجد افضي نفسي اليومين الجيين للموضوع ده .

المشاركة الأصلية كتبت بواسطة elawany13

ماشاء الله

واضح انه حرامى شريف وصاحب مبدأ فى السرقة والنهب
هههههههههههه
انت نسيت الإلكتريك ولا رجعه هوه كمان فى الشنطة ؟

ألف مبروك عودة الشنطة والأوراق المهمة

أه واللهي يا بوحميد ده انا كنت ناسية ، صحيح عاوز أجبلي أليكترك تاني بس يكون أمريكي زي الي أتسرق مش صيني محدش يعرف منين . وعاوز كمان أجيب بخاخة زيت الخردل او الفلفل بتبقى أسهل بنالسبة للستات أنهم يستخدموها .

المشاركة الأصلية كتبت بواسطة m.belal

الحمد لله يا باشاا انها جت ع اد كده
والله فكرتنى بممس ف امير البحار :d

الله يسلمك يا غالي

المشاركة الأصلية كتبت بواسطة windofchange

حمدلله علي سلامتك يا ميدو ودايما نشوفك بخير وسعادة انت والاسرة,,,ومتفق مع maruti *)

حبيبي واللهِ ... الله يسلمك ويسلمو ... وانا متفق معاكم أنو داري على شمعتك تقيد ... بس اذا الشمعة ذات نفسها اتسرقت هداري عليها ليه بأه ههههههههههههههه

المشاركة الأصلية كتبت بواسطة moh19227

انا مش مصدق عنيا :)
والله فرحتلك كتير يا ريس وكنت شايلك هم المحضر والبطايق والرخص والفيزا والكرنيهات الحمدلله انك ارتحت من ده كله
وابقي خلي بالك بقي بعد كده وحاول متسبهاش تروح مكان لوحديها علشان خلاص مفيش امان اليومين دول
وممكن تشوف موضوع الفيلم اللي بيتحط علي الازاز علشان ميتكسرش لو الميزانيه تتحمل :)
وربنا يسترها عليك

تسلملي يا غالي على مشاعرك الغاليه دي ... وهيا دي فعلاً روح ولاد البلد أنو يحسو بالناس الي حوليهم وبمشاعرهم متحرمش منك يا غالي ... وتحيات ليك ياباشا .

المشاركة الأصلية كتبت بواسطة boamengo

قدر الله ما شاء الله فعل

الف حمد لله على السلامة

الحمد لله على كل شئ وانها جت على قد كدا

تسلم يا فندم ... فعلاً أهم حاجة كلمة الحمدالله وقدر الله وماشاء فعل ، ديماً ربك مبينساش حد .

المشاركة الأصلية كتبت بواسطة zrzr1

يعني انت الوقتي بينطبق عليك ,,, احترامي للحرامي d:d:

أه والله أنتا عارف لو الحرامي جبلي البطايق والرخص بنفسو كنت أديتلو كمان فلوس ووقفت أدعيلو نص ساعه كمان .
انتو مش عارفين يعني ايه مصلحة حكومية وطابور وفوت علينا بكره ... وانا ممكن اقول للحرامي ربنا يوفقو ويرزوقو ببنت الحرام كمان الي تسعدو وتهنيه ويخلف ناشالين صغنططين كده ... وفي نفس الوقت بقول الله يخرب بيت كل مواظفين وشبابيك الحكومة والروتين بتاعهم والكمبيوترات الي قدامهم الي مش فاهمين منها حاجة ويخرب بيت الاجرائات ويخرب بيت أن البني أدم يبقى عايش في بلدوا ملهوش أي بينات غير لو هو معاه صورة من البينات دي وتحياتي .

المشاركة الأصلية كتبت بواسطة abdalah_hashem

ههههههههههههههه حمدلله على السلامة
بس مفيش حرامى شريف هو خد اللى هو عارف قيمتة وشايفة مهم
الباقى عندة ملوش لزمة لذلك رماة بس كدة

وخللى بالكم بعد كدة والساتر هو الله

ونعم بالله ... بس لمن جم يصلحو النظام الفاسد في توركيا جه أتاتورك قال انا مش هقدر امنع الناس انها تسرق وترتشي لكن بقول الي عاوز يسرق يسرق على قدووو وميحفش ... مش زي عندنا في مصر تلاقي الواحد معاه ملايين وعاوز يسرق ملايين ... خلاص كفاية مليون مليونين أنتا هتعيش بيهم فين يعني ولا هتصرفهم فين أسرق على قدك يا أخي هههههههههههههه ياريت الحكومة الجية ترفع الشعار ده أخي المواطـــــــــــــــن أسـرق على قدك ومتحفش . وتحياتي .

المشاركة الأصلية كتبت بواسطة mohammedabdallh

الف مبروك يا كبير
عقبال ما يرجع الفلوس
ممكن يكون مزنوق ويرجعهملك بعد يومين على سبيل السلفه يعنى

ياررررررريت من بوقك لباب السمــــــــــــــــــا ... بس معتقدش دي عصابة يابيه والتفاصيل بتدل انو مش أول ناس أحنا الي تعمل فينا كده ... وربنا يستر على كل الناس الي بتمشي على المحور .

المشاركة الأصلية كتبت بواسطة maruti

ميدو انا مش من حقي اني اتدخل في حاجة انتا بتقولها وياريت متفهمش كلامي غلط
ياريت متكتبش اسعار حاجة او الشنطة تمنها كام او كان فيها فلوس قد اية او نوع الموبايل او انتا تملك اية علشان ربنا يسترها عليك ويكفيك شر العين والحسد وعلى رائي المثل ( داري على شمعتك تقيد )
ياريت مكونش دايئتك
وفي الاخر الحمد الله انها جت على قد كدا والحجات المهمة رجعت احسن من اللف في المصالح الحكومية

حبيب قلبي والله ، أقدر مشاعرك النبيلة أتجاهي ... وهذا بيدل عن كرم ونبل أخلاقك يا عزيزي وخوفك علي كأخ لك .

وانا معاك ان لازم أداري على شمعتي حتى تقيد ومقتنع بيها تماماً بس هداري على أيه يا حســــــــــــــرة دا أنا أتسرقت ... فانا بقول يمكن لمن أقول على اللي أتسرق بالضبط يجي واحد هنا في المنتدى عينو تفلق الحجر فيقول على الحرامي يبن المحظووووظة كل ده سرقتو ؟؟؟ ويحسدو علي سرقو ... وتلاقي الحرامي كده يتشقلب كده في الهوى من العين الي هيخودها ... بس ياخوف لا واحد أحول وعيونو حولة وبدل ما يحسد الحرامي يحسدني انا المسروق ههههههههههههههههههه وتحياتي ليك يا غالي .

اولا الحمد لله على سلامتك
ثانيا واضح الحرامي لسه متمسك باخلاق المهنة الموجودة من زمان في مصر وعاوز اقولك علة حكايه قريتها في كتاب عن الحرامية كان في الثلانيات تقريبا واحد حرامي سرق المحفظه من راجل فلما جه يقطع الجلابيه بالمطواه جت عليه فاصابه فراح لمعمله اشتكاه قالوا انا مش بشتكي علشان المحفظة اتسرقت انا بشتكي علشان لما جه يسرقني عورني ووراه مكان الجرح فلما شاف كده معلمه معجوش اللي عمله صبيه الحرامي وراح مرجع فلوس الراجل والمحفظه لعدم اتقان صبيه عمله للعلم دي حكايه حقيقيه

المشاركة الأصلية كتبت بواسطة amr100

اولا الحمد لله على سلامتك
ثانيا واضح الحرامي لسه متمسك باخلاق المهنة الموجودة من زمان في مصر وعاوز اقولك علة حكايه قريتها في كتاب عن الحرامية كان في الثلانيات تقريبا واحد حرامي سرق المحفظه من راجل فلما جه يقطع الجلابيه بالمطواه جت عليه فاصابه فراح لمعمله اشتكاه قالوا انا مش بشتكي علشان المحفظة اتسرقت انا بشتكي علشان لما جه يسرقني عورني ووراه مكان الجرح فلما شاف كده معلمه معجوش اللي عمله صبيه الحرامي وراح مرجع فلوس الراجل والمحفظه لعدم اتقان صبيه عمله للعلم دي حكايه حقيقيه

انتا بتقول فيها حصلت معايه شخصياً حكاية زي كده فاكر زمان مكنش عندنا لعب فكنا بنجبي عربية لعبة صغيرة كده او اي حاجة بعجل ونربطها بدبارة ونبتدي نجري والعربية تجري ورانا. ففكان في واد اكبر من قام ضربني بالبونية في وشي وخد لعبتي وجري ، واللعبه دي كانت غاليه عليا لان ابوي راح في افتتحا فرع عمر افندي الجديد وجبهالي وكانت ايميها املة
المهم الخبر بقة في المنطقة كلها. وبعدوالتحريات عرفنا موقع بيت الواد ابن التيت فرحت رايح لبيتهم لقيتهم ناس من اولهم لاخرهم مجرمين وامو قاعده ماسكة الجوزة بتحشش ولمن حكيتلها علي حصل قامت نادي على ابنها ورزعتو قلمين وقالتلوا بعد كده عاوز تسرق ولا تتنيل على عينك متبقاش تجبلنا المشاكل بتاعتك على البيت ولا تعترش حد على طريقك ههههههههههههه ودي فعلاً من القصص الي لايمكن انساها في حياتي ازاي الام بتربي عيالها فعلاً
يا اخي الام مدرررررررررسة