انخفاض فى مستوى الطريق فبتحس ان العربيه اترفعت من على الارض
عرض للطباعة
انخفاض فى مستوى الطريق فبتحس ان العربيه اترفعت من على الارض
أولا.. ربنا يرحم الطفلة أن شاء الله و يصبر أهلها
ثانيا.. لازم نستفيد كلنا من الموضوع ده و ناخذ منه عظة و عبرة :
1- الأطفال في طرق السفر يجب تثبيتهم في كراسي خاصة أو علي الاقل ربطهم بحزام الامان
2- توخي الحذر و عدم السير بسرعات زائدة خاصة في طرقنا اللي بتتغير و تتلون زي الحرباء
3- في حالة المفاجأة بمطب أي كان نوعه يجب تهدئة سرعة السيارة بأي وسيلة مناسبة قبلها بفترة كافية مع الأمساك بطارة القيادة بشكل كامل و محكم للحفاظ علي ثبات السيارة و التحكم في مسارها
طبعا اللي حصل مانقدرش نصنفه علي أنه عيب في العربية لأننا ماشوفناش و مانعرفش ايه ملابسات الحادث و ممكن يكون خطأ من اللي سايق
مش برضه ده المقصود بالتورشان بيم؟؟ اللي بيسموه دنجل
http://i858.photobucket.com/albums/a...onBeamAxle.jpg
طب انا باشوف عندي فالسويفت وفاللانسر انها على مقصات من ورا... ده اسمه ايه؟؟
وهل ده كده نظام احسن؟؟
مش فاهم اية علاقة الحادثة بالعربية خصوصاً انك مش عارف اي حاجة من اللي حصلت غير ان العربية اخدت مطب هوا... ؟
ربنا يصبر اهلها
قدر الله وماشاء فعل وربنا يحفظلك الصني بتاعتك
بس السيراتو ناس كتير بتشتكي منها ولما نزلت الحرفيين تقريبا اكتر عربيه شفتها هناك كانت السيراتو !!
يا خالد باشا تقول لمين , من النادر لما تلاقي حد بيجيب كراسي للاطفال مع ان الموضوع ده خطير جدا وكنت قريت موضوع عن ان وزن الاشخاص اثناء الحوداث بيتضاعف بطريقه مرعبه وعلي سرعات مش فاكر كام بالظبط كان وزن الشخص بيتجاوز الطن !!
530 وتاخد مطب هوا وتطير !!
يبقي اكيد كان معدي 160 او حاجه كده !!
يبقي عيب عربيه ؟!!
فعلا يا باشا زي محضرتك قولت بلاش الفرامل علشان العربيه متفقدش الثبات والتوجيه بتاعها وهوا ده اللي حصل فعلا مع صاحبي لما اتفاجا بمطب الهواء هو شال رجله بس من ع البنزين وساب العربيه تاخده براحتها
بالظبط يا احمد انا عامل الموضوع ده علشان الناس تاخد عظه وتاخد بالاسباب وخصوصا لو معاك حد في العربيه , حتي لو مش خايف علي نفسك خاف علي اللي معاك
هوا في الاول وفي الاخر نصيب بس بردو خد بالاسباب
كلام مظبوط 100 % بس يمكن ثقافة شعب او عدم وعي مش عارف بالظبط
اولا ربنا يباركلك في عربيتك
ثانيا انا بسأل العيب في العربيه ولا في النظام ولا في الطرق بتاعتنا ومبتهمش اي حاجه منهم علي وجه التحديد علشان مشفتش الحادثه بعيني
مطب هواء يعني انخفاض في مستوي الطريق فبتحس ان العربيه بتطير في المسافه دي لحد ما تلامس الارض وبيختلف ارتفاع مطبات الهواء من مكان للتاني , انا المطب اللي اخدته مع صاحبي كان قبليه منزل وبعديه الارض مرتفعه شويه ف العربيه طارت مسافة كبير -- امتار --
+11111111111 كلام مظبوط وياريت نلتزم
هوا ده تقريبا التورشن بيم بس بالنسبه لسؤال حضرتك ممكن الاخوة هنا يفيدوك
اولا هدي نفسك يا باشا
ثانيا انا فعلا معرفش اي حاجه عن الحادثه غير ان العربيه اخدت مطب هوا
ثالثا انا متهمتش العربيه انها هي السبب ولو حضرتك قريت الموضوع كويس هتعرف ان انا بسأل السبب ايه او فين بالظبط ؟!
رابعا العربيه بتتحمل نصيب كبير في اغلب الحوادث يعني لو العربيه اللي اخدت مطب الهواء دي كانت bmw 7 series او lamborghini aventador او ferrari enzo مثلا كانت النتيجه هتبقي واحده والعربيه هتتقلب حوالي 4 او 5 مرات !!
طب ننزل شويه لو كانت باسات مثلا كانت بردو النتيجه واحده ؟!
طب ننزل كمان لو كانت سيفيك ؟!!
ياباشا انا مش قصدي ان اقلل من العربيه او اشهر بيها بس انا عاوز اعرف هي العربيه فعلا واحشه ولا الظروف هي اللي ساعدت ان الحادثه تحصل ؟
امين يارب
انا واخد مطب هوا على الدائرى على 210 تقؤيبا و كنت هتقلب لانى لمست فرمل و انا نازل لاكن العربيه لمت نفسيها لوحدها
ربنا يرحم البنت و فداه العربيه
و الله انا صعبان عليا جدا خساره الاولاد بيتكون كبيررررررررررره اوى
أنا سقت فى حياتى حوالى 400 ألف كيلو وماقبلنيش حاجة اسمها مطب هوا .. العيب فيا واللا ايه؟