انا اتفرجت ع الفيديو ده قبل كده فعلا غريب جدااا
العربيه خبطت في الحيطه خبطه بسيطه واتقلبت بطريقه :duh:
عرض للطباعة
جامد موت الفيديو ده :C_laugh[1]: :C_laugh[1]: والله مش قادر ابطل ضحك على الاوكتافيا اللى بيقوله عليها ثابتة... دى لو كانت عربية صينى اللى عملت كده كان زمنها اتشردت... راح فين فورميلتور يجى يكلمنا على عن تعليق الاوكتافيا المالتى لينك اللى مش اى مالتى لينك, هاهاهاهاها ... مفيش كام كلمة عربى على انجليزى تفسرلنا بيها الفيديو ده يا باشا؟؟؟ :36_7_4[1]:
والله يا فورميلاتور انت راجل جامد ماشاء الله عليك والمنتدي منور بمشاركاتك العلمية ياريت متحرمناش منها ... والحادثة دي ملهاش علاقة بالثبات متفق معاااك في كده يامحمد دي الست الجميلة دي دايسه بنزين وطالعه عالحيطة بجنب العربية ومكملة دوس بنزين طبيعي ان العربية تتقلب
طيب لو كانت العربية دى سيراتو يا ترى كان حيبقى ردكم كده برده :durak:
يا حضرات لو واحد قال السيراتو اتقلبت على سرعة 100 كم نقول السيراتو مش ثابتة و فيها عيب و فيها و فيها ..... بدون ما نعرف ملابسات الحادثة ولا نساله!!! و الهدف نقد العربية و خلاص.
اما لو الالمانى اتقلب على سرعة 20 نلتمسلة الاعذار و نقول ده ملوش علاقة بالثبات هاهاهاهاها
يا باشا عربية تتقلب بالسرعة دى تبقى كده حطمت الرقم القياسى فى القلب على السرعات البطيئة ... هتلى عربية اتقلبت بسرعة اقل من كده... المفروض عنوان الموضوع يتغير و يبقى نقطة سودا فى تاريخ الالمانى مش السيراتو... و عموما انا مش معايا سيراتو بس بحب اقول كلمة الحق.
اما فورميوليتر فطبعا راجل جامد و معلوماتة جامدة و كلنا بنستفاد من ارائة جدا و انا بستمتع بردوده و المعلومات اللى فيها بس فى نفس الوقت ببقى عارف انه متحامل حبتين على الكورى و بيعشق الاوربى و يلتمسلة اى عذر علشان كده انا مستنى رده فى الموضوع ده علشان اشوف اذاى حيلتمس العذر للاوربى :B4_611:
ربنا يستر طريقنا ويصبر اهل الطفلة
ناس كتير تؤكد أن المشكلة فى السيراتو نظام التعليق والعفشة
طيب وليه تمشي بسرعة عالية اوي كده ؟ طيب بفرض ان فيه فعلاً في السيراتو مشكلة من التورشن بيم .... مش المفروض تتفادى المشاكل دي انت بنفسك وانت بتسوق العربية ؟
المشكلة اولاً وثانياً وثالثاً السررررررررررررررررررعة العالية والفزلكة في السواقة ولا كأنه شوماخر
رابعاً طرقنا السيئة
خامساً واخر شئ السيارة
بدل ما نحاسب صناع السيارات حاسب نفسك الاول وسوق على مهلك وزي الناس ... انا مش معايا سيراتو بس بتكلم بدون ما اتحيز للالماني او الاوروبي ليس الا
ياريت نعرف ان كيا وهيونداي شركات عالمية وبتنزل لكل دول العالم مش مصر بس لكن احنا اكتر ناس بتعمل حوادث بسبب الفزلكة في السواقة وده اسرع وعربيتي بتسحب مش عارف كام "وانتوا عارفين ان في مواضيع هنا في المنتدى كل واحد بيتكلم عن سحب عربيته" والله ماهياش شطاره ان عربية مين اسرع احنا مش في سباق علشان كده احنا اكتر ناس بتعمل حوادث بالعربيات جملةً لان المشكلة تكمن فينا يا حضرات
اسف على الاطالة