تعديل مرسيدس w124

**montaser2005** · 09-04-2012 03:00 AM

السلام عليكم ورحمة الله

انا جايلكم اليوم بطلب أكيد أكيد محدش هيرفضوا

أنا عاوز أعدل عربيتي وهي w124 // e-230 //1986 // 136 hp //automatic
العربية جميلة جداً ماشاء الله وأفضل من عربيات كتير حديثة ركبتها قبل كده بس في مشكلة واحدة مضايقاني ... قولتولي ايه ... أقولكم العزم بتاعها غريب مرة قوي ومرة مشي الحال واللي ضايقني وحارق دمي أني جيت أترسم قصاد واحد من صحابي معاه( كورولا 1800 سي سي) وقال ايه تعالى سابق وعينك متشوف إلا النور شايف غبار مع أني دايس على الأخر والغريب أكتر إن أنا عندي فالعربية زرار تحت دواسة البنزين لما أضغط جامد عالدواسة..تضغط الدواسة على الزرار وبالتالي الزرار ده بيحفز التسارع بتاع العربية بكتير وده موجود في أغلب العرببيات المرسيدس وبيسموه في السعودية ( الدعسة التانية) أو الدواسة التانية بيفرق بيفرق فعلاً بس مش على هوايا الأجمل بقى إني كِبرت فدماغي أعدل ووصل لتسارع يخليني أنافس العربيات ال2300 سي سي زي عربيتي وأنا مرتاح..مهمتكم بقى ياشباب تساعدوني بأهم الحاجات اللي ممكن أعملها فالعربية تخليني أستمتع بعزم قوي وصوت رهيب وانا ماشي بالعربية وعندي سؤال إن حبيت أركب نيتروس هل ينفع للعربيات ال4 سلندر عادي، وكمان السعر للقطع عشان أشوف عندي لو الأسعار أقل أجيب من هنا ( السعودية) ولو في مصر أقل ممكن أجيبهم من مصر.
طولت عليكم معلش اعذروني

**montaser2005** · 09-04-2012 07:18 PM

معقول يا جماعة محدش قادر يساعدني؟

**moh19227** · 10-04-2012 07:47 AM

هوا مش حضرتك في السعوديه والعربيات اللي هناك المستعمله ملهاش سعر ؟!
هات حاجه احدث شويه من اللي معاك بس تكون 3000 سي سي ولا حاجه كده

**montaser2005** · 10-04-2012 09:02 AM

[QUOTE=moh19227;3874228954]هوا مش حضرتك في السعوديه والعربيات اللي هناك المستعمله ملهاش سعر ؟!
هات حاجه احدث شويه من اللي معاك بس تكون 3000 سي سي ولا حاجه كده[/QUOTE

أنا متشكر جداً لرد حضرتك بس الفكرة أني بجهز عشان أجيب MERCEDES S-500
وعاوز أخلي العربية القديمة أجرب فيها التعديلات اللي ممكن تزود تسارع العربية وبعدها هجرب التعديلات على البودي والجنوط وكده يعني وممكن أسقط فيها موتور أكبر و أحدث بس يكون عندي خلفية عن التعديلات وتكون العربية جاهزة عالموتور فقط.
أنا بشكر حضرتك مرة تانية على الرد

**abdo1234456** · 12-04-2012 05:51 AM

انتا ممكن تركب تربو أو سوبر تشارجر ولكنى بفضل تسقيط موتور جديد مثل m110 هيفرق معاك

**montaser2005** · 13-04-2012 02:48 AM

المشاركة الأصلية كتبت بواسطة abdo1234456

انتا ممكن تركب تربو أو سوبر تشارجر ولكنى بفضل تسقيط موتور جديد مثل m110 هيفرق معاك

مظبوط كلامك وده اللي عاوز أعمله أني أركب تيربو كامل بك تجهيزاته وجنوط رياضية بس الفكرة أني عاوز حد يقولي جيب 1//2//3 والسعر ...//... يعني كمثال لأني معرفش القطع تكون من أي شركة والأفضل مين من الشركات والتكلفة الإجمالية تكون فرنج كام طب هزيد كام حصان يعني شوية حاجات عاوزة حد فاهم فالتعديل.

**mohamed_7amo** · 13-04-2012 03:28 AM

بص يا باشا فوكك من التيربو والنايتروس والسوبر تشارج وكل الحجاد دى عشان بتاثر على المكنة انت الحل الوحيد ليك انك تسقط مكنة الزلاموكة بالفتيس بالشجرة بتعتها بكل حاجة والعفشة بتعتها كمان وعلى فكرة ممكن تركب الفرامل بتعتها برضو بـ abs بتعها

**DrJomaro** · 17-04-2012 05:31 AM

شوف الشركة دي كدا , دي نفس الشركة اللي انتا وريتني اللينك بتاعها
turbobanditen.se

**montaser2005** · 17-04-2012 09:35 AM

المشاركة الأصلية كتبت بواسطة drjomaro

شوف الشركة دي كدا , دي نفس الشركة اللي انتا وريتني اللينك بتاعها
turbobanditen.se

بصراحة أنا كنت دخلت على الموقع ده فالبداية لكن مكنتش فاهم أي حاجة دلوقت أنا فاهم إيه اللي بتفرج عليه فالصفحة ،بس أنا عاوز أسئل حضرتك عن القوة الحصانية والتجهيزات اللي فالفيديو يعني هو مركب تيربو و إكزوز وإنتر كولر تفريباً بدون حاجة غيرهم ولا ده بس اللي هو مبينه فالفيديو وكمان فالصفحة حاطط تيربو يطلع 800 حصان من الأربعة سلندر و تيربو تاني يطلع من 550-650 حصان تفتكر حضرتك بيكون في فرق كبير في التجهيزات، وأخر حاجة ليه العفشة بتاعته ساحت لما عمل دريفتات وهل التعديل ده أفضل للمانيوال أكتر من الأوتوماتيك ولا مش فارقة.

**DrJomaro** · 17-04-2012 10:24 PM

بص يا منتصر موضوع التربو مش بالبساطة دي :-)
هوا مركب كل حاجة
مغير بساتم , و حاطط programmable control
TURBO Holset H1E Turbo,
HKS type 50mm WG
, Megasquirt v3.0 II, EDIS Ignition,
CP Pistons,,
Getrag gearbox,
Homemade manifold.

كل دا موجود و اكيد لسة فيه
رشاشات أكبر
طرمبة بنزين اقوى
طقم دبرياج اقوى علشان يستحمل
كرونة LSD
كل ما تعلي القوة كل ما هتحتاج تعديل اكتر و أكتر

أما موضع العفشة اللس ساحت :-)
كل اللي حصل ان فلنشة الكردان اتقطعت , و دي أصلا ممكن تتقطع عادي :-)