الموضوع: جديد على اوبل كورسا

اولا الف مبروك العربية وربنا يديك خيرها ويكفيك شرها
بالنسبة للحرارة فدة مش طبيعي
المفروض العربية بتسخن وتثبت بعد كدة طول فترة تشغيلها
وبالتالي راجع علي ثرموستات الكوع

بالنسبة للباور والدريكسيون
الموضوع في غاية البساطة ومش محتاج متخصص للتأكد من وجود باور من عدمه
افتح الكبوت - لو لقيت خزنة لزيت الباور يبقي فيها باور لو مالقتش يبقي مافيهاش باور (هتلاقي خزنة شبه بتاعة مياة المساحات بغطاء مرسوم علي دريكسيون)
مش هقولك بص ناحية الطنابير بتاعة سير الأدارة او بيسموه سير الدينمو وشوف لو في طنبورة زيادة عن طنبورة الدينمو هتبقي باور
ولو في واحدة تالتة تبقي بتاعة التكييف
وطبعا كباس التكييف شكله واضح بخلاف ان بيبقي خارج منه مواسير وخراطيم التكييف

والله المستعان
،
،

وعليكم السلام ورحمه الله وبركاته
1- طبيعي في الالماني والاوروبي ان امبير الحراره يبقي متحرك مش رانج ثابت زي الاسيوي
المروحه المفروض تشتغل عند 90د وتبرد ل85 او 87 د لو غير كده هتركز في حاجتين
1- هل ميه القربه بتنقص؟ لو بتنقص يبقي في تسريب في دوره التبريد هتصلحه هيظبطلك الدنيا..
2-لو ميه القربه مش بتنقص خالص يبقي اما ترموستات الكوعه قافله علطول او ترموستات الرادياتير اللي بتشغل المراوح مهيسه ...وفي اي حال الموضوع بسيط جدا جدا
2- عربيتك فيها باور والباور عندك كهربا مش ضغط زيت المفروض انه يبقي احسن من الباور الهيدروليك اللي عندي في الفيكترا ولما تبطل العربيه الدركسيون يتقل..اكشف عليه .

انا ماعرفش ان الباور بتاعها كهرباء

لو كدة يبقي فعلا الباور فيه حاجة

راجع الفيوزات وضفيرة الكهرباء

والله المستعان
،
،