الموضوع: محتاج نصيحة بسرعة

بسم الله الرحمن الرحيم

السلام عليكم ورحمة الله وبركاته ----اخوتى فى الله محتاج نصيحة بسرعة وتكون من الاخر مسالش من وراها اي حد تانى لانى مش بفهم اي شىء فى موضوع العربيات الشراء والبيع والميكانيكا والاهم انى هاخدها من واحد قريبى وعزيز علية ومش عايز اي شىء يزعلنا من بعض وهو مش بيفهم فى العربيات زى حالاتى


ان شاء الله تعالى عندى فرصة انى اشترى عربية بيناتها كالاتى
هيونداى اكسيل موديل 1994 ---زجاج كهرباء امامى -----تقريبا 1300 cc ------على الرغم من وجود تكييف واللى انا اعرفة ان التكييف فى ال cc 1500 فقط والله اعلم ------- سنترلوك ----- هاف باور ---

دى المعلومات اللى انا اعرفها عن العربية ودى شوية تفاصيل اللى صاحبها قالهالى وهو بردة بيقولى انى مش بفهم فى العربيات
1- هو جايبها من حوالى سنة تقريبا وبيقولى كان التكييف شغال تلاجة مع صاحبها ولما اخدتها مش شغال
2- بيقولى انة عرضها للبيع وقالولوا ان الموتور بتاعها خفيف ومحتاج يتغير استيراد
3- بيقولى ان العربية شغالة ومعايا زى الفل بنزل ادور ومش بتعطل ولا بتقف منى ولا بتعمل اي شىء فى مشاكل فى الطريق وعلى الرغم من كدة بيقولى انها مش بتاعة مشاوير طويلة ولا سفر ولاكدة يا دوب تروح بيها الشغل ومشاوير كدة على الماشى
4-اتخبطت منة فى الشنطة وغير الاكصدام الخلفى ورد الشنطة عند السمكرى وفيها شوية شغل سمكرة كدة على الماشى
5- فيها المرايا الشمال مكسورة
6-غيرلها العفشة اللى ورا والمساعدين اللى ورا
7-اللون ازرق سماوى
8- الكاوتش معرفش اخبارة اية صراحة
9- الكاسيت شغال والسمعات اللى قدام
10- عمل فيها شوية شغل كهرباء


دا اللى انا اعرفة عن العربية اللى بشوفة فيها واللى هو قالهولى --- الله يكرمكم اخوتى الكرام قولولى اية تقيمكم للعربية وتعمل كام سعرها واسعار الحاجات اللى هتتغير فيها بكام والمصنعيات

الموتور بكام ----- المصنعية كااااااااااااااااااام ؟؟؟؟ وكدة يعنى

منتظر ردودكم اخوتى
وعليكم السلام ورحمة الله وبركاته

فين الردود يا شباب الله يكرمكم فيييييييييييييييييييييييي يييييين