نهايـــــــة عصر تسليك الرادياتير للأبد؟؟؟

**tarekjwal** · 09-04-2012 08:10 PM

كانت عربيتي من نوع شيري a11 بموتورها الفورد اسكورت بتسخن جامد لدرجة ان الزيت بتاع الموتور كان بيخف خالص من السخونة ويبقي مافهوش لزوجة خالص وتنور معايا لمبة الزيت وللعلم انا باصلح عربيتي بنفسي لكن رحت لميكانيكي واتنين كلهم قالولي ان وش السلندر وحش وعامود الكامة فية خلوص بيهرب الزيت لما تسخن العربية وكنت بلاقي الخراطيم بتاعة القربة والرادياتير تتنفخ لدرجة الأنفجار واللي قالي العربية عايزة تاخد هوا وعايزة يتسلك الرادياتير وكلام عجيب
لغاية لما لقيت الحل ؟؟؟؟؟؟؟؟؟
اقسم بالله العظيم حطيت 4 معالق بودرة ملح الليمون في مياة القربة من بالليل وسبتهم لتاني يوم الصبح ودورت العربية 10 دقايق وبطلتها وفرغت المية وحطيت مية نضيفة
واتحلت كل المشااااااااااااااااااااا اااكل ب 2 جنية بس
شكرا
طارق اسيوط
01008331244

**Elawany13** · 10-04-2012 12:57 AM

أنا دائما بستخدم ملح الليمون لتنظيف كولمان مياه الشرب
أو تنظيف زجاجه مياه أو حتى كوباية شاى لونها اتغير
أو تنظيف جركن مياه
فعلا ملح الليمون مفعوله ساحر وسريع جدا فى التنظيف
والخل كمان ممتاز فى التنظيف
وفكرت انى ممكن احط ملح ليمون فى الرداتير لتنظيف الصدأ بس تراجعت عن هذه الفكرة
خوفت من فكرة انه ملح
واحنا المفروض بنحط فى الرداتير مياه مقطره خالية من الأملاح !!!

**Elawany13** · 10-04-2012 09:34 AM

المشاركة الأصلية كتبت بواسطة beshomilan

هو ايه خلطة ملح الليمون دى؟؟بتتكون ازاى؟؟

بتشترى ملح ليمون من العطار وتحتفظ بيه عندك فى برطمان ولا كيس
وبتستخدمه كمنظف قوى جدا متعدد الأغراض فى البيت
مثلا جركن مياه كبير مش عارف تنظفه بالطريقة العاديه ولونه بقى مش كويس
تحط فى الجركن شويه مياه وتحط شويه ملح ليمون وترجه كويس وتسيبه 5 دقائق
واتفرج على النظافة هتنبهر منها
تقريبا المدام ساعات بتحطه فى الغسالة الاتوماتيك للتخلص من الرواسب
وهكذا