الموضوع: عندى مشكله مع حساس غريبه جدا

[justify]السلام عليكم
اولا بعتذر عن الانقطاع عن متابعه المنتدى وده لان النت قاطع عندى فى البيت من اكتر من شهرين وشغال على مودم فودافون فى الدنيا بطيئه مووت
ثانيا كان حصل معايا مشكله من كام يوم غريبه شويه بس الحمد لله على كل شئ
المشكله هى انى كنت ماشى بالعربيه عادى جدا وطبعا مستحمل التهييس بتاعها لحد ما اروح للكربائى عشان اظبط الكهربا من الالف للياء
المهم ان العربيه بطلت وحلفت ما تدور الحمد لله كنت تقريبا وصلت للمكان اللى كنت رايحه المهم نزلت زقتها وركنتها على جنب قلت دى اكيد شطبت بنزين رحت مخلص مشوارى ورجعت جبتلها بنزين وبدات اجرب
المهم ولا الدموع العربيه مش راضيه تدور كان اتعملها عمل
المهم اتاكدت من طرمبه البنزين (اللهم احفظنا من شرها) اول حاجه وطلع انه عداها العيب وشغاله تمام
دماغى راحت لكربه البوجيها المهم فكيت سلك وخليت واحد صاحبى يدور المهم ملقيتشى شراراه ولا حتى من التلاته التانين رحت رايح على الموبينه لقيتها سخنه حبتين ومفيش كهربه جايه منها خالص لعبت فى التوصيلات وكل اللى يخطر فى بالى المهم كلمت واحد صاحبى ميكانيكى قاللى ممكن تكون موبينه وممكن يكون فيوز فبص على الفيوزات الاول وبعد كلمنى
المهم لما لقيت ان مفيش فيوزات بايظه كلمت محمد سيد حبيبى وسالته على نمره عصام وكلمته وقلتله انا شاكك فى الموبينه المهم انه جاب موبينه واسبراتير معاه فكهم من عربيه وكان متاكد انهم شغالين
المهم لما وصل ركب الموبينه العربيه دارت تمام شال الموبينه العربيه مش راضيه تدور المهم انى طلبت منه يركب الموبينه عشان اسيبهالى فى الورشه وهو قاللى انه هيجيبلى موبينه بسعر احسن
استلمت العربيه وكله تمام ومن هنا تبدأ المشكله
انا عربيتى فيها مشكله فى الاستجابه مع دواسه البنزين يعنى السحب بيتعدل بمزاجه ساعات تبقى تمام التمام وساعات تبقى مخنوقه وبترجرج جدا وفوق ده كله بتبطل بمزاجها وكان موضوع التبطيل ده بيروح ويرجع بمزاجه يعنى ممكن تبطل كل 5 دقايق فى الطرق الزحمه وساعات تبطل لما بكتم بالغيار وامور بعديها وساعات تبطل من غير حتى ما المس اى حاجه المهم ان قبل موضوع الموبينه كان موضوع التبطيل بسيط جدا ومش متلاحظ
بعد ما استلمت العربيه لقيت ان الموضوع بقى مستفز بتبطل كل ما اعمل اى حاجه بدون مبالغه بتبطل بين الغيارات والمارش دعى عليا اليوم ده اللى حصل انىجبتها عند البيت وركنتها ومهوبتش جمبها لمده يوم كامل
جالى فضول ابص عليه بصه كده يمكن يكون فى حاجه غلط وانا مش واخد بالى مثلا الاسلاك اللى راكبه على اقطاب البطاريه موسخه جدا ومش مربوطه عليها رحت منضفها
مستوى الميه مظلوط وكله تمام
مفيش سلوك عريانه ولا تسريب زيت من المكنه
مفضلشى قدامى غير سنسور البوابه والسنسور اللى جنبه وعشان كده صورتهم الاتين






المهم انى دورت العربيه وحاولت احرك الفيشه بتاعه الاتنين يمكن يكون فى رجل مش ملمسه ولا حاج برضه مفيش
المهم جاتلى فكره كانت غربيه وهى انى اشيل الفيشه اللى على الشمال واظن هى بتاعه الايدل كنترول راحت العربيه اتظبطت وقتى واقصد كلمه وقتى حرفيا بمعنى شيل الفيشه العربيه تمام ركب الفيشه العربيه مبرجله وبتبطل كل شويه المهم جربت الموضوع 4 مرات عشان اتاكد ان الموضوع مش مصادفه ولا حاجه وطلعت اجرب اقدر اقول كانى استلفت عربيه واحد صاحبى من حيث كل حاجه
1- مفيش تبطيل نهائى حتى لما بعمل الحركات بتاعه الفرمله بالغيار والمور بعديها
2- العربيه استجابتها اتحسنت بنسبه 80% فى المشى العادى ونسبه 90% لما بقرص عليها
3- العربيه مفيهاش ترموستات الكوعه بس فى اليومين الحر دوول بقت تسخن على طول المهم انها كانت بتشغل المروحه بعد النص بسنه صغيره قوى دلوقتى لو انا ماشى بسرعه الموحه متشتغلشى غير قبل التلات ارع بسنه صغير ولو فضلت مسرع متنزلشى للنص لكن لو وقفت المروحه متفصلشى غير لما المؤشر يرجع للنص
سؤالى بقى
1- السنسور ده بيعمل ايه بالظبط
2- ايه احتكالات انه يكون بايظ
3- سعره تقريبا كام وهل ينفع اجيبه استيراد
4- هل فى خطر على المكنه لو فضلت ماشى بيها كده فتره
5- هل موضوع انى اشيل الفيشه والعربيه شغاله ده غلط كبير وممكن يكون سبب مشكله انا مش شايفها

اسف على الاطال[/justify]