الموضوع: الحمد لله صلحت التكييف (كورسا سيدان)

المشاركة الأصلية كتبت بواسطة tananybasha

مبروك
المشكله دى
قيس الملف اللى انت جايبه

معتقدش ان المشكلة فى الملف .. المشكلة من وجهة نظرى كالتالى:

فى خرطوم جاى من حساس الهوا (جنب فلتر الهوا) داخل للرشاشات .. الخرطوم ده بيحصل كتير انه يتفك لما بكون بعمل حاجه فى العربية .. لما بيكون مفكوك بيخلى العربية أول ما تدور الار بى ام يعلى (عشان بتاخد كمية هوا أكبر من اللى هى مضبوط عليها) و بعدين تضبط نفسها ان الهوا اللى داخل كميته كبيره (عشان الخرطوم مفكوك) .. فشويه و تلاقى الار بى ام ضبط تانى .. مع ان الخرطوم مفكوك.

العكس بيحصل أول ما أركب الخرطوم .. العربية بتفضل تبطل شويه .. لحد ما تأقلم نفسها ان كمية الهوا اللى جايه أقل (عشان الخرطوم ركب) .. فتلاقى العربية ضبطت.

اللى حصل ان الواد شحن التكييف و ضبط لما كان الخرطوم ده مفكوك .. فالعربية مأقلمه نفسها على كمية هوا كبيرة .. انما لما ركبت الخرطوم تانى .. الار بى ام بيوطى.

أنا النهارده فكيت الخرطوم لقيت الدنيا ضبطت و زى الفل .. بس مينفعش أمشى كده طبعا .. حتى لمبة check engine بتنور.

أنا عاوز أعمل حاجه أعمل ريسيت بيها للحساس ده .. أنا شيلت الفيشه بس معملش حاجه.

الف مبروك يا باشا وربنا يعوض عليك,, قولنا بقا اخبار الدنيا جوا العربيه عامله ايه؟

ممكن سؤال بسيط فين مكان ديافيا ولو فية رقم تليفون و اخبار الاسعار هناك ايةاكون شاكر

المشاركة الأصلية كتبت بواسطة zrzr1

الف مبروك يا باشا وربنا يعوض عليك,, قولنا بقا اخبار الدنيا جوا العربيه عامله ايه؟

الله يبارك فيك .. الحمد لله التسقيع كويس .. هى العربيه تكييفها كان كويس الحمد لله .. بس موضوع الملف ده هو اللى كان بايظ .. أنا كان صعبان عليه و هو بيفضى الفريون اللى فيها.

المشاركة الأصلية كتبت بواسطة mkb1312

ممكن سؤال بسيط فين مكان ديافيا ولو فية رقم تليفون و اخبار الاسعار هناك ايةاكون شاكر

17 ش اسماعيل بك, كوبرى القبة, القاهرة
02-22570850
بس أنا متعاملتش معاه

المشاركة الأصلية كتبت بواسطة damasry

الف مبروك يا باشا على تصليح التكييف وعقبالى.

انا عارف الكابل ده حتى تركيبه رخم اوى ﻷنه قصير نوعا ما وبيملص بسهولة من مكانه.


على فكرة ديافيا مش شاطرين اوى. هما عندهم اجهزة محترمة اه لكن عن تجربة معاهم لأكتر من اسبوع كل يوم عندهم وفى الاخر المشكلة مش اتحلت.

أيوه هو مكانه رخم فعلا .. هو خرطوم مش كابل .. و صعب جدا انك تركبه و العربية سخنه.

و لو انت مش عارف ان العيب منه .. هتدوخ السبع دوخات.

المشاركة الأصلية كتبت بواسطة zizo50001

كلفك كام شحن التكيف فى ديافيا يا باشا

كلفنى 350 جنية لأنى غيرت خرطوم انما لو هتعمل شحن وصيانة 160 جنية الأسعار دى الصيف الى فات بس صدقنى العربية فاقت اكنها لسا زيرو المشكلة الى هضيقك أنهم زحمة شوية بس يهون بدل كل شوية أصلحه عند واحد شكل وكل واحد بيفتى وكفاية أنى بيدنى ضمان لو حصل حاجة ارجعلوا والمهندس أحمد المسئول عن المركز راجل محترم والناس الى شاغلين فية بامانة

المشاركة الأصلية كتبت بواسطة tam77

كلفنى 350 جنية لأنى غيرت خرطوم انما لو هتعمل شحن وصيانة 160 جنية الأسعار دى الصيف الى فات بس صدقنى العربية فاقت اكنها لسا زيرو المشكلة الى هضيقك أنهم زحمة شوية بس يهون بدل كل شوية أصلحه عند واحد شكل وكل واحد بيفتى وكفاية أنى بيدنى ضمان لو حصل حاجة ارجعلوا والمهندس أحمد المسئول عن المركز راجل محترم والناس الى شاغلين فية بامانة

عندك حق فعلا اللى بيفهم بيريح .. هقول لك على موقف ظريف جدا .. وأنا بشحن عند شريف ده .. لقيت الولد اللى ماسك الانبوبه بتاعة الفريون قالبها لتحت و هو بيشحن .. فمسكتها منه و عدلتها و اديتهاله تانى .. لقيت شريف ده اتدور لى و بيقول لى فى ايه يا باشا؟ .. قلت له عى عدلتها كده وانت بتشحن منها .. قال لى لأ هى بتكون مقلوبه قمت مسكتها ووريتله المكتوب عليها .. مرسوم عليها سهمين لفوق و مكتوب عليها "This direction is up while charging" .. لقيته اتنرفز و بيقول لى ما تيجى تشتغل مكانى أحسن .. و قال للولد امسكها زى ما كنت ماسكها يابنى .. قمة قلة الأدب.

هو أصلا كان على اخره مني عشان جبت الفريون من بره .. فمرضيتش أزود معاه فى الكلام .. و خلص شحن و خدت العربيه و مشيت.

المشاركة الأصلية كتبت بواسطة kar!m

عندك حق فعلا اللى بيفهم بيريح .. هقول لك على موقف ظريف جدا .. وأنا بشحن عند شريف ده .. لقيت الولد اللى ماسك الانبوبه بتاعة الفريون قالبها لتحت و هو بيشحن .. فمسكتها منه و عدلتها و اديتهاله تانى .. لقيت شريف ده اتدور لى و بيقول لى فى ايه يا باشا؟ .. قلت له عى عدلتها كده وانت بتشحن منها .. قال لى لأ هى بتكون مقلوبه قمت مسكتها ووريتله المكتوب عليها .. مرسوم عليها سهمين لفوق و مكتوب عليها "this direction is up while charging" .. لقيته اتنرفز و بيقول لى ما تيجى تشتغل مكانى أحسن .. و قال للولد امسكها زى ما كنت ماسكها يابنى .. قمة قلة الأدب.

هو أصلا كان على اخره مني عشان جبت الفريون من بره .. فمرضيتش أزود معاه فى الكلام .. و خلص شحن و خدت العربيه و مشيت.

ياباشا فى مثل بيقول هين قرشك وماتهينش نفسك