الموضوع: الحمد لله صلحت التكييف (كورسا سيدان)

بقولكم ايه؟ هو كان ممكن الملف ده يتغير من غير ما أطلع الكمبروسر بره؟

حاسس انه كان ممكن يوفر فك الكمبروسر و الكلام ده.

المشاركة الأصلية كتبت بواسطة islambana

انا عاوز اعرف كميه زيت بتاع الكباس بتبقي قد ايه والمفروض يتغير كل قد ايه وهل كل ماجي اشحن فريون لازم ازود زيت ولا لا

المفروض لو حد بيفهم بيكون عنده service manual فيه كمية الزيت المناسبه لكمية الفريون اللى بيتحط .. بس اللى انا شفته كانوا بيحطوا بالويم.

على فكره .. فى حاجه مهمه بس للأسف محدش بياخد باله منها .. نوع الزيت بيكون حسب نوع الفريون .. انا لقيت علبتين زيت و الاتنين من أولاد رزق .. و نفس الشكل .. واحده ب 50 جنيه .. دى لفريون 134 ايه .. و التانيه ب 15 جنيه .. دى لفريون 406 .. ولولا اني اشتريت بنفسى كان حط لي من أى زيت .. عشان كده بقول الواحد المفروض يروح لحد بيفهم.

المشاركة الأصلية كتبت بواسطة ahmed_zamalek7

انا لسه متصل بديفايا قالو ليه ان شحن التكيفف هيكلف 220 ده الشحن بس بقله الفيريون نوعه ايه قالى اتحاد اوربى قولتلو امريكى يعنى قام قايلى اه قمت قايله بس امريكا مش اتحاد اوربى قام قايله انجليزى والله شكلها هترسى اروح التوكيل وامرى لى الله

بص .. أكيد اللى بيرد عليك مش مهندس .. ولا بيعرف يقرا الحاجه مصنوعه فين .. بس الناس دول كويسين الى حد كبير.

المشاركة الأصلية كتبت بواسطة SYD

يا باشا الف مبروك
المهم الشغل يكون مظبوط
وربنا يعوض عليك الفلوس
بس انت ليه مشيت من عند الأولاني وروحت للي بيشتغل في البي ام ؟؟

عموما الأداء عامل ايه ؟؟
شغال كويس ؟؟

والله المستعان
،
،

الله يبارك فيك يا سيد .. و الله الحمد لله شغال تمام اللهم بارك .. ربنا يسترها و مفيش حاجه تانيه تحصل :-)

و الله المستعان.