الموضوع: تيدا ام صنى ؟؟ سؤال محيررررر

المشاركة الأصلية كتبت بواسطة peaceman

اولا اهلا بيك بقسم نيسان
شوف يا استاذ احمد انت بتسأل عن الفرق بين عربيتين مختلفين تماما من حيث الفئة صني سيدان و تيدا هاتش باك .. يعني عن نفسي شايف ان الصني عربية عائلية من الدرجة الاولي و خصوصا كبر حجم الشنطة عن شنطة التيدا
بالنسبة للتيدا عربية ياباني تقفيل مكسيكي و عربية محترمة جدا جدا
بالنسبة للصني عربية ياباني تقفيل مصري .. بالنسبة لموضوع عزل الصني تم حله تماما بتركيب عوازل بتلف العربية من الارضية و السقف و تم احتواء العزل .. بالنسبة لصوت الماتور فعلوه بسبب ان سير الكاتينة في الصني جنزير
بالنسبة للثبات .. العربيتين ثابتيين تماما
من الاخر كده شوف ايه احتياجاتك من العربية و اشتري اللي انت عايزها في نطاق المبلغ اللي معاك لكن العربيتين تماما التمام

متشكر علي رد حضرتك ، بالنسبة لحجم الشنطه والشكل وكده مش فارق معايا لان الاتنين شكلهم مش عاجبني بس دول احسن حاجه في رنج الفلوس الي معايا ، الالماني غالي والكوري ضعيف وانا عايز عربيه تعيش معايا فتره ، فبسال علي الفرق بينهم كعربية هل الفرق ده يستاهل الفرق السعري ام لا ؟ وايه راي حضرتك لو اجيب تيدا كسر زيرو زي مااقترح احد الاعضاء ، هل بتبقي زي الجديد بالظبط ولا الاحسن اجيب صنى زيرو او جديد عامة ؟

المشاركة الأصلية كتبت بواسطة zangry

الفرق بين التيدا والصنى يستاهل انك تركب تيدا .. التيدا استهلاك بنزين اقل واوسع وكماليات اكتر وقطع الغيار نفس السعر تقريبا بس بتتغير على مدى اطول .. الصنى احسن من التيدا فى الثبات فقط .. التيدا ثابتة لحد 140 ..

ممكن حضرتك تدور على تيدا كسر زيرو وتجبها بسعر قريب من الصنى

متشكر علي ردك ، وهل كسر الزيرو بيبقي مضمون اكنه عربية جديده بالظبط ؟
ولو ركبت جنط 16 هل العربية تبقي ثابته علي سرعات اعلي من 140 ؟ وهل الجنط بياثر علي العربية في حاجه مع الوقت ولا عادي ؟

المشاركة الأصلية كتبت بواسطة ahmazong

أولا اهلا بيييييك في قسم نيسان ..

أنا مالك للعربيتين .. أنا معايا صني و والدتي معاها تيدا الصني 2010 اوتوماتيك ex saloon عاملة 22 ألف و نص و تيدا 2011 baseline اوتوماتيك عاملة 5 الاف كيلو ..

التيدا متفوقة عن الصني في كل حاجة ماعدا الثبات و الفرامل و التكييف ..

الصني اوسع من قدام .. لكن تيدا اوسع من ورا ...

شنطة الصني اوسع من تيدا بكتيييييييير ..

التيدا العزل تحفة ما شاء الله عليها يعني ..

سحب البنزين متقاربيييييييين جدا من بعض سيبك من اللي بيقولك التيدا مابتسحبش ده كلام فاضي واللهِ العظيم أنا حاسس إن تيدا بتسحب أكتر من صني

الصني عفشة sport ماركة كوني بـ مساعدين خدمة شاقة double action mechanism .. يعني داشمل برحتك امشي في أي حتى و متخفش .. التيدا ناعمة اوييييييييييي بصراحة تخاف تمشي بيها في حتة مكسرة < بصراحة مابتستحملش > ..

من الآخِر بقى لو عايز عربية تكسر فيها و متقولش لأ .. أو عربية شغل < نص نقل يعني ههههههههه > تبقى صني ..

لو عايز عربية دلع كده .. تكنولوجيا محترمة .. مريحة اوييييييييي .. عزل تحفة .. تبقى تيدا

و في الآخِر العربيتين يستاهلوا فلوسهم ..

تحياتي لحضرتك و نورت القسم ..

متشكر جدا علي ردك يااحمد ، فعلا ردك جاوب علي اغلب اسالتي ، من واقع خبرتك وبما ان عندك العربيتين قولي كده من الاخر ، استني نص سنه كمان علي مايكون معايا تمن التيدا ولا انزل اشتري صنى وخلاص ؟ ههههههه او لو جبتها كسر زيرو بتببقي زي الجديد بالظبط ومضمونه ولا خليني في الجديد فقط ؟



انا مش بدور علي عربية بتاعت دشمله او شغل ، بس انا ليا في الجري شوية والسفر فبفكر اجيب التيدا واركلبها جنط 16 ؟

المشاركة الأصلية كتبت بواسطة mohamednagib

اعتقد كلام الاعضاء المحترمين مش محتاج اضافة

اللي عاوز اضيفه ... بما ان كل عربية فيهم تستاهل تمنها .... يبقى شوف امكانيااتك ايه و توكل على الله ...

امكانياتك ضبطت على الصني .. خير و بركة

على التيدا ... خير و بركة برده ...

ربنا يسهل لك الامور ان شاء الله

ايه المشكله اني اسال زيادة قبل ماشتري عربيه همشي بيها من 5 ل 10 سنين ؟
امكانباثي مظبطتش علي الصنى ولا حاجه انا ممكن اقسط ال 25 الف علي مرتبي مثلا او ممكن استني شوية وااجمع بقيت المبلغ ، هما فعلا جاوبو علي اغلب الاسئلة بس عندي كام سؤال كمان
علي العموم متشكر علي مرورك حضرتك وفي انتظار رد الاعضاء ـ

المشاركة الأصلية كتبت بواسطة ahmed_elsayed

متشكر علي ردك ، وهل كسر الزيرو بيبقي مضمون اكنه عربية جديده بالظبط ؟
ولو ركبت جنط 16 هل العربية تبقي ثابته علي سرعات اعلي من 140 ؟ وهل الجنط بياثر علي العربية في حاجه مع الوقت ولا عادي ؟

الهاتش باك ثابتة بعد 140 كمان .. السيدان ثبات اقل حاجة بسيطة منها .. لو ركبت يبقى افضل طبعا بس بشرط انه وزنه ميكون اكتر من وزن الجنط الاصلى عشان ميأثرش على العفشة

من الكلام اللى قريته فى المنتدى العظيم اقدر اقول ان التيدا احسن بس خلى بالك التيدا شكلها هيتغير السنة الجاية على حد علمي

طب ليه ماتفكرش فى الليفنا انا قريت كلام حلو عنها من ناس كتير هنا فى المنتدى ورغم التقفيل الصينى الكل بيشكر فيها