تيدا ام صنى ؟؟ سؤال محيررررر

**ahmed_elsayed** · 11-04-2012 12:59 AM

السلام عليكم ، عايز اجيب عربية ومحتار جدا بين صنى وتيدا هاتشباك

سعر الصنى مناسب ليا ، التيدا عالية شوية ، فسؤالي هل فعلا الفرق ده يستاهل فرق الفلوس الي هوا 25 الف تقريبا ؟ استني لما يكون معايا فلوس التيدا ولا اشتري صنى لو الفرق مش للدرجه ؟

صنى ميزاتها كتير وبسمع عنها كلام كويس ، بس برده سمعت عنها عيوب زي العزل وصوت الموتور وشوية حاجات كده ، غير ان التقفيل المصري مقلق الي حد ما ومن مميزاتها ان قطع الغيار ارخص بس انا سمعت ان التيدا مش بتحتاج قطع غيار اصلا ههههههه ، معمره

ثانيا التيدا سمعت عنها كلام حلو بصراحه وسمعت ان فيه فرق شاسع بينها وبين الصنى وانها افضل بكتير
وانها احسن من لانسر اصلا وتتحط في فئة كورولا ؟ وسمعت انها من جوه فخمة جدا وصنى بالنسبالها تاكسي هههههه ، انا ركبت الصنى كتير طبعا وحاسس انها كويسه بس معرفش اي حاجه عن التيدا ، نادر لما بشوفها اصلا ، ودورت علي اسعار قطع غيارها لقيتها اغلي من صنى بنسبه كبيره نسبيا

ياريت الي يرد يكون عن خبره او معلومات ماكده هوا عارفها علشان انا هختار العربية الي هشتريها اعتمادا علي اراكو بنسبة كبيره

**Bishoy.Girgis** · 11-04-2012 01:14 AM

اولا اهلا بيك بقسم نيسان
شوف يا استاذ احمد انت بتسأل عن الفرق بين عربيتين مختلفين تماما من حيث الفئة صني سيدان و تيدا هاتش باك .. يعني عن نفسي شايف ان الصني عربية عائلية من الدرجة الاولي و خصوصا كبر حجم الشنطة عن شنطة التيدا
بالنسبة للتيدا عربية ياباني تقفيل مكسيكي و عربية محترمة جدا جدا
بالنسبة للصني عربية ياباني تقفيل مصري .. بالنسبة لموضوع عزل الصني تم حله تماما بتركيب عوازل بتلف العربية من الارضية و السقف و تم احتواء العزل .. بالنسبة لصوت الماتور فعلوه بسبب ان سير الكاتينة في الصني جنزير
بالنسبة للثبات .. العربيتين ثابتيين تماما
من الاخر كده شوف ايه احتياجاتك من العربية و اشتري اللي انت عايزها في نطاق المبلغ اللي معاك لكن العربيتين تماما التمام

**zangry** · 11-04-2012 01:15 AM

الفرق بين التيدا والصنى يستاهل انك تركب تيدا .. التيدا استهلاك بنزين اقل واوسع وكماليات اكتر وقطع الغيار نفس السعر تقريبا بس بتتغير على مدى اطول .. الصنى احسن من التيدا فى الثبات فقط .. التيدا ثابتة لحد 140 ..

ممكن حضرتك تدور على تيدا كسر زيرو وتجبها بسعر قريب من الصنى

**Bishoy.Girgis** · 11-04-2012 01:20 AM

المشاركة الأصلية كتبت بواسطة zangry

الفرق بين التيدا والصنى يستاهل انك تركب تيدا .. التيدا استهلاك بنزين اقل واوسع وكماليات اكتر وقطع الغيار نفس السعر تقريبا بس بتتغير على مدى اطول .. الصنى احسن من التيدا فى الثبات فقط .. التيدا ثابتة لحد 140 ..

ممكن حضرتك تدور على تيدا كسر زيرو وتجبها بسعر قريب من الصنى

خلي بالك يا جميل هو بيسأل عن تيدا هاتش باك مش تيدا سيدان

**zangry** · 11-04-2012 01:24 AM

المشاركة الأصلية كتبت بواسطة PeaceMan

خلي بالك يا جميل هو بيسأل عن تيدا هاتش باك مش تيدا سيدان

اه والله معاك حق انا مخدش بالى خالص .. شكراا يابيشوي باشا

**Omar_4ever** · 11-04-2012 01:29 AM

بالنسبة لوسع الصالون والكراسي التيدا تكسب طبعا
بالنسبة لجودة التقفيل التيدا تكسب حتى ولو مكسيكي
بالنسبة للباور التيدا تكسب
بالنسبة للموتور وسرعة الإستجابة التيدا تكسب
بالنسبة للتحمل العربيتين زي بعض
بالنسبة للثبات فالتيدا بعد 140 بتبقى خفيفة ومش ثابتة قوي بس برده مش للدرجة
وبالنسبة لقطع الغيار فهي متوافرة للعربيتين ولكن التيدا تعتبر اغلى شوية في بعض القطع

التيدا عربية محترمة جدا
بقالها معايا اكتر من 6 سنين عامل بيها 78 الف كيلو وبسم الله ما شاء الله مفيش اي مشاكل ظهرت فيها خالص
غير حاجة واحدة وهي اني بسمع اصوات تزييق من الطابلوه
تكييف تلاجة - باور خفيف جدا وبيتقل على السرعات العالية - وسع داخلي غير طبيعي - اسأل اي حد عن موتور التيدا وعن سرعة استجابته لدواسة البنزين - العزل الداخلي ممتاز

من الآخر لو معاك تمن التيدا متترددش انك تشتريها

**Manchestrawy** · 11-04-2012 01:35 AM

التيدا تكنولوجيا افضل و مختلفه نهائياً عن الصني ..
نصيحه بما انك هتجيب زيرو خليك في التيدا الله يرضى عليك :d

**Dr'AhmZZong** · 11-04-2012 01:55 AM

أولا اهلا بيييييك في قسم نيسان ..

أنا مالك للعربيتين .. أنا معايا صني و والدتي معاها تيدا الصني 2010 اوتوماتيك ex saloon عاملة 22 ألف و نص و تيدا 2011 baseline اوتوماتيك عاملة 5 الاف كيلو ..

التيدا متفوقة عن الصني في كل حاجة ماعدا الثبات و الفرامل و التكييف ..

الصني اوسع من قدام .. لكن تيدا اوسع من ورا ...

شنطة الصني اوسع من تيدا بكتيييييييير ..

التيدا العزل تحفة ما شاء الله عليها يعني ..

سحب البنزين متقاربيييييييين جدا من بعض سيبك من اللي بيقولك التيدا مابتسحبش ده كلام فاضي واللهِ العظيم أنا حاسس إن تيدا بتسحب أكتر من صني

الصني عفشة sport ماركة كوني بـ مساعدين خدمة شاقة double action mechanism .. يعني داشمل برحتك امشي في أي حتى و متخفش .. التيدا ناعمة اوييييييييييي بصراحة تخاف تمشي بيها في حتة مكسرة < بصراحة مابتستحملش > ..

من الآخِر بقى لو عايز عربية تكسر فيها و متقولش لأ .. أو عربية شغل < نص نقل يعني ههههههههه > تبقى صني ..

لو عايز عربية دلع كده .. تكنولوجيا محترمة .. مريحة اوييييييييي .. عزل تحفة .. تبقى تيدا

و في الآخِر العربيتين يستاهلوا فلوسهم ..

تحياتي لحضرتك و نورت القسم ..

**moh19227** · 11-04-2012 05:02 AM

التيدا تتفوق علي الصني في كل حاجه تقريبا
انت ممكن تجيب تيدا كسر زيرو بس حاجه نضيفه ومضمونه

الموضوع: تيدا ام صنى ؟؟ سؤال محيررررر

LinkBack

أدوات الموضوع

عرض

-

-

-

المواضيع المتشابهه

سؤال عن نيسان تيدا 2011

سؤال بخصوص نيسان تيدا

سؤال عن نيسان تيدا

اشتريت تيدا و عندى كام سؤال مهم ؟

سؤال عن كمية زيت الموتور للـ تيدا ؟

الكلمات الدلالية لهذا الموضوع

المفضلات

المفضلات

ضوابط المشاركة