المشاركة الأصلية كتبت بواسطة mount
من صفر ل 100 فى 8-9 ثواني
فى الفيديو بتاعك اللى كنت رافعه والعربية كلها اتهزت وقولت دة الطريق مش حلو " انا بفكرك بالفيديو مش اكثر"
انت وصلت من صفر ل 100 فى 12 ثانية
مش هنتكلم غير بالإرقام بعد كدة
العربية عندنا لو مش بتحرق هتوصل ل160 على 4000 لفه موتور مستريحه
وخلاف كدة ، إحنا راكبين عربيات مش بتاعه سباق
وشوارعنا أخرها 90 والحمدلله بس الناس تتلتزم
كل واحد عارف أداء عربيته ومش محتاجين نثبت اى حاجة ولا نشوف مين بيعرف يجري ومين شوماخر اللى بيعرف يسوق ومين اللى مش بيعرف
السواق الصحيح اللى بيسوق فى حارات وبيقف فى الصف ولا بيعمل غرز ولا يحزنون ويرجع سليم ويتفادي اخطاء الغير
والموضوع اصلا فكاهي وإن كان حقيقي ، لإن المفاهيم فى مصر بايظة
وفى عربيات بتاخد سمعه زيادة عن اللزوم والعكس صحيح
وبدل ما واحد يشد مع واحد ويشوف هيكسب ولا لاءة
وبدل ما يقعد يحرق فى عربيته ويعرض نفسه وغيره للخطر
يروق كدة و يحسبها بالأرقام وهو قاعد بيشرب فنجان القهوة ، ويستريح ويريحنا معاه ، وهندعيله كمان
الميزة فى عربيات الركوب هي ان ال100 فى الجين خلاف ال100 فى الفيرنا خلاف ال100 فى لانوس خلاف ال100 فى البوجاتي مثلاً
فى فرق لما واحد يكون على سرعة و حاسس انه ماشي على 20 ، وواحد تاني يحس بالطريق اكنه هو اللى بيجري بالعربية مش الموتور بتاعها
فى فرق بين واحد بياخد ملف والعربية ثابته والثاني بياخد ملف وخايف يتقلب او يلاقي نفسه هيلزق فى شباك اللى جنبه وهو بيحود او يلاقي العربية بتتنط وهو ماشي وناقص لها جناحين وتطير
فى فرق لما واحد كاوتش العربية يفرقع منه والعربية تفضل ثابته فى طريقها لحد مايركن ولا يحس بخوف او انه ممكن يتقلب او يحتاج انه يكلبش فى الدركسيون علشان يخاف انها تعوم منه " دي تجارب ملاك لبروتون " وواحد تاني قلبه يقع والعربية تلبس فى اللى جنبها او فى الحواجز الخرسانية او العربية تنط من فوق كوبري او يلعب رفع اثقال وهو ماسك الدركسيون علشان يثبتها فى مكانها.
والميزة فى عربيات الركوب اللى يفرقها عن غيرها مش انها بتعرف تشد لكن ان فيها شوية انظمة أمان ، زي اللي عندنا الحمدلله ، ثبات عالي ، دعائم صلب و فولاذية ، abs, ebd وسائد هوائية ، وفرامل العربية عمرها ماكسفت اصحبها زي ما فى حد بيدعي ، لكن الفرامل فيها درجات ودة نظام الفرامل الاوروبي ، دة نظام خلاف الاسيوي اللى فراملها من اول لمسه ، ونظام البنزين عندنا بالعكس العربيه بتطير من اقل ضغطة على الدواسة ودة خلاف نظام البنزين فى العربيات الكوري والياباني لازم تضغط زيادة شوية علشان تتبدأ تتحرك.