!!!!!!
مش فاهم ايه اللى دخل الياريس في الموضوع اساسا ؟ ؟
لو حضرتك ضايقك اني مقتبس كلام سامح انه الفيرنا ماينفعش يتجاب بيها اكتر من 130 !!
فكان ممكن الرد يكون بطريقة افضل من كدة شوية بدون مايكون فيه نوع من السخرية على الياريس اللى مش من المفروض انك تقارن الفيرنا بيها تحت اي ظرف من الظروف !!
وانا لما قلت ان الفيرنا ماينفعش يتجاب بيها اكتر من 130 ده كان عن تجربة مش كلام من الهوا ! لاني معايا فيرنا بس واضح ان حضرتك ماخدش بالك من النقطة دي !
الفيرنا لو ماشي 130 لو حصل حاجة لا قدر الله قدامك العربية هتزحف وهتلبس في اللى قدامك
الياريس فيها Abs + Ebd ! هتعرف تلم نفسك وتتفادى باي مناورة حتى ولو انت كابس فرامل ! ! ؟ تقدر تعمل كدة بالفيرنا ؟ ابقى قابلني !! ! ! ده طبعا في حالة لو الفرامل مش هتعسفك انك تقف في حارتك
الفيرنا لو ماشي 130 وحصل حاجة لا قدر الله قدامك -بعد الشر- طبعا هتلبس في اللى قدامك مافيش كلام ! وهنا لا هتلاقي Air bags تحميك ولا اي حاجة ! !
الياريس فيها 2 Airbags ! وعلى فكرة ال Airbags مش بتنزل اوبشن في الياريس ! بتنزل حتى في الياريس الفاضية عشان حضرتك بس تكون في الصورة !!
تقدر حضرتك تقولي فيه ايه عوامل امان ممكن تحميك في الفيرنا لو انت ماشي على سرعة عالية ؟
انا عن نفسي لما بسوق الفيرنا مابقتش ازود عن سرعة 80 باي حال من الاحوال مهما كان الطريق قدامي ! لاني لا معايا فرامل توقفني ولا معايا ثبات وهاندلنج يخليني اتفادى اي حاجة تحصل لا سمح الله ولا حتى معايا Airbags تحميني -بعد ارادة ربنا طبعا- لو لاقدر الله لبست !
الطريق اللى بمشي عليه يوميا باليارس مش اقل من 160/170 ! ماقدرتش اجيب بيه بالفيرنا اكتر من 130 ! وكنت حاسس اني هطير من على الارض !
احساس ال 130 في الفيرنا مش بحسه في الياريس ولو ماشي مقفل العداد ! ! ؟
واحب اوضح لحضرتك نقطة بسيطة تعقيبا على ان حضرتك بتقول ان الاتنين ريشة ! والفرق مابينهم لا يذكر ! !
لو كانت الياريس ريشة فالفيرنا ماتجيش ربع ريشة !!
وعلى فكرة !! مشكلة الياريس في الثبات مش في وزنها الخفيف
الياريس مشكلتها في الثبات ارتفاعها المبالغ فيه عن الارض والسوست الناعمة زيادة عن اللزوم ! بتخلي ردة فعل العربية في الملفات والمناورات بتبقى ضعيفة بالتالي العربية بتعوم بسهولة !
بس في المقابل معاك عربية نعومة وراحة ومافيش لا مطبات ولا غيره !!
ركبلها سوست تنزلها عن الارض شوية عن كدة واتفرج ! ! ؟
تعالى بقى للفيرنا ! واطية وبتحك في المطبات ! نعومة عفشتها لا تقارن ابدا بنعومة عفشة الياريس ومع ذلك ! ! برضوا ثابتها في البنتجان !!
المفضلات