عربيتى زعلت منى -طقم شنبر

**mada3030** · 11-04-2012 01:33 PM

عربيتى برتون واجا 2006موتور اللانسر البومه
المهم علشان ما اطولش عليكم لقيت فيه زيت على البوجيه الاول رحت مغيره وطاعت قيست الكبس فى بنزينه شل اللى فى اول الهرم طلع الكبس كويس جدا بس التهريب نسبته عاليا المهم الاعراض كلها انها طقم شنبر دخنه من ورا مع الكبس الشديد بس الزيت ما اعتقدش انه بينقص
المهم دلوقتى انا عاوز اشوف احسن ميكانييكى بيعمل طقم الشنبر اجيب الشنبر من الراجل اللى فى التوفقيه بتاع ملك الشنابر ولا (التوكيل غالى او سواء لانسر او برتون والعين بصيره والايد قصيره ) وتانى حاجه التليين يبقى ازاى زى العمره ولا يعنى الف كيلو ولا مجرد مشوار بعد ما تلين وهيا واقفه
انا رحت ل حوالى 10 ميكانيكيه بس للاسف محدش فيهم كيفنى ( دخل مزاجى يعنى ) لانى اتم جدا معاهم وبعدل على شغلهم
بالمناسبه العربيه عامله 80 الف كيلو بس
يعنى اعتقد ان الموتور نفسه ما فيهوش حاجه لان كبسه كويس يعنى اعتقادى انه طقم شنبر وكاوتش صباب وخلاص (يارب يطلع كده بس علشان الواحد بيكح تراب ومافيش فلوس )

**mada3030** · 17-04-2012 11:29 AM

مافيش حد بيساعد يا جماعه

**mada3030** · 18-04-2012 10:39 AM

يعنى 68 مشاهده ومحدش عنده معلومه يا نهار ابيض
ولا حد يعرف ميكانيكى كويس
ماعتقدش ان الناس مش عارفه اعتقد ان الناس مكسله يا اما بتتكبر
بس المساعده دى ممكن تفرق فى حساناتك

**eemmoo** · 30-04-2012 11:49 PM

كنت بس عايز اعرف منك البوجيه بيعرق زيت بعد ما تركبه بفتره اد ايه او بيعرق منك بعد مشى كام كيلو ؟؟

وان شاء الله تلاقى ردود

**mado_9999** · 01-05-2012 03:42 AM

فى ورشه فى اخر فيصل لناس شغال فى توكيل برتون

**mada3030** · 03-05-2012 10:36 AM

انا خلاص بعملها وان شاء الله لما تخلص هقول تفاصيل ومتشكر اوى ان انتو رديتو عليا

**eemmoo** · 04-05-2012 03:08 PM

المشاركة الأصلية كتبت بواسطة mada3030

انا خلاص بعملها وان شاء الله لما تخلص هقول تفاصيل ومتشكر اوى ان انتو رديتو عليا

بس انا مقولتش البوجيه بيعرق زيت بعد ما تركبه بفتره اد ايه او بيعرق منك بعد مشى كام كيلو ؟؟

**mada3030** · 07-05-2012 12:55 PM

بعد عرض العربيه على حوالى 15 ميكانيكى اتفقو انه مبدئيا طقم شنبر
اتوكلت على الله وصليت استخاره وقعد افلتر الميكانيكه لغايه اما استقريت على واحد
المهم
وديتله العربيه
وفتح الموتور طبعا قلبى كان بيوجعنى وهو بيشتغل
لانى ما بحبش حاجه تحصل فى العربيه
المهم فك
لقيته بيقولى بسم الله ما شاء الله على البساتم والشمايز مش محتاجه اى حاجه والسبيكه تمام وكمان الوش مش هنحتاج نعمله روديه
طب يا سيدى انا معاك فى كام حاجه بس الوش لازم يتعمله روديه
قالى انت عندك الوش ناشف ما فيهوش نقطه زيت انما العيب كله من طقم الشنبر
قلت على بركه الله
جبت الحاجه طقم شنبر 165 جنيه من التوفيقيه
جوان وش سلندر 275 جنيه متسوبيشى موتورز
زيت 70
فلتر 55 جنيه
فلتر هوا 70
بويجهات 45
المهم ركب الحاجه انا حاسس ان العربيه اتحسنت بس بمشى على سرعه 40 علشان التليين
ياترى بقا التليين اد ايه يا جماعه
200 كيلو ولا اكتر
تانى حاجه انا لقيت شويه زيت زياده لما غيرنا الزيت قمت ساحبهم
المهم مستنى مشاركات

**msafa** · 07-05-2012 03:54 PM

الحمد لله انها جت على قد كده
طقم الشنبر كأنه صيانة لان المفروض الموتور بيتآكل بنسبة معينة كل فترة و بيحتاج طقم شنبر

التلير بي امن على حسب ما افتكرالمفروض انك متحرقش يعني متزودش عن 2.5 ار بي ام و ملوش لازمة التكييف

**mada3030** · 08-05-2012 09:42 AM

يعنى الين كام كيلو

الموضوع: عربيتى زعلت منى -طقم شنبر

LinkBack

أدوات الموضوع

عرض

-

-

-

المواضيع المتشابهه

بقيت جولفاوى بس زعلت من اول يوم :(

النترا 2012 زعلت اوووي

للبيع شنبر نظر RayBan و شنبر OGA فرنسى

للبيع شنبر Vogue جديد و شنبر Police

بس تصدقوا زعلت !

الكلمات الدلالية لهذا الموضوع

المفضلات

المفضلات

ضوابط المشاركة