الموضوع: طقم شنبر ولا موتور

المشاركة الأصلية كتبت بواسطة sakr1964

هات موتور شرت بلوك (يعني موتور بدون أدوات تغذية )ها يعمل في حدود ١٥٠٠جنيه و اريح من موضوع العمرة ووجع الدماغ ده .

صح كدا........................

ازيك يا ريس ايه الأخبار .........أنا بقا اللي جبت آخري مع الموتور بتاعي و خلاص لازم يتغير .أنا عايز موتور انجكشن ١٣٠٠. ايه رايكوا .و استهلاكه ايه في البنزين (هو لازم ٩٠ أنا عارف بس لو استهلاكه حلو مفيش مشاكل ).......آخر حاجة بقا مين اللي بتاع اسكودا استيراد في القاهرة . وبورسعيد ايه نظامها .

المشاركة الأصلية كتبت بواسطة sakr1964

سلامتك يغالى شوف الأنجكشن ممكن تلاقية بسهوله جدا وارخص كمان من الكربرتير ليييييييييييه لعدد اسباب*

قطع غيار الأنجكشن صعبة شويه وغالية جدا ودى فرصة عظيمة للغش فى قطع الغيار وطبعا البنزين لا يقل عن 90 ....
اما الكربتير دا صعب شويه تلاقية بس موجود فى بور سعيد والمنصورة والسبتية وسعره ممكن يوازى سعر النجكشن قطع غيار الكربتير موجودة عن البقالين والعطارين وكل الناس واسعارها فى متنوال الجميع وبيمشى ببنزين 80 وبيبوس ايدو وش وضهر وعلى فكرة موتور الكربرتير بيتحمل جو وتراب وطرقات بلدنا العزيزة....

كلام سليم، موتور الكربريتور حمال قسية وسهل الصيانات وقليل الأعطال، بس أنصح بالموتور كامل (بغض النظر عن موضوع التكلفة) يعني لو متاح إمكانية مالية توكل على الله واشتري موتور كامل.