الموضوع: الي عاوز عروسة جميلة ؟؟؟ يخش هنا !!!

موضوع جامد فحت

فكرتني بحاجه حدثت بالفعل ....

مره واحد راح لشيخ عشان يشفله عروسه ... فالشيخ بيقوله ايه مواصفاتك .... فالشاب الذيذ فكر ونطق ويريته منطق .... قال عاوز واحده بغمزتين

الشيخ قالوا نعم !! ... قالوه اه عاوز واحده بغمزتين .... الشيخ خده على قد عقله و قالوه طب هو في واحده دلوقتي بغمازه واحده تمشي معاك لحين ميسره

بجد والله مش عارفين نختار ازاي :( .... انا حاسس اني مش هخلص من العوزبيه دي

و الله فى بنات كتير فى مصر يعتبروا شكلهم جميل

صحيح مش شديدى الجمال بس شكلهم يعتبر كويس جدا

و الجمال نسبى يعنى انا بشوف بنات ببقى حاسس انهم ماشاء الله اية من الجمال و غيرى ميشوفش فيهم حاجة و العكس صحيح

اهم حاجة الصفات المكملة للجمال مع نسبة جيدة من الجمال يبقى كده المعادلة كاملة

المشاركة الأصلية كتبت بواسطة moody_687

احيك ع هذا التساؤل الرائع يااستاذ ميدو يريت ياجماعة تجاوبوه ع مثل هذا السؤال عشان انا مقبل ع موضوع جواز وبفكر انى افركشه ومحتار افركش ولا لا واللى محيرني اني لو فركشت هجيب ف ادبها ولا اخلاقها منين ( انا بفكر انى افركش قراية الفاتحة بسبب ابراز الفك العلوي لفمها يعني سنانها طالعة برة ولما تضحك اللثة كلها بتبان ) لكن هي كمجمل امورة لكن المشكلة لما تضحك عندي خايف اني لو فركشت مش الاقي زيها

حبيب قلبي موودي ... فكرتيني بفيلم الي بالي بالك ... يوم مكان محمد سعد في دور الضابط وضابو طالع ... عارف لو قلت لأي حد على المشكلة دي هيقلك وايه يعني عادي ... بس لأ طبعاً مش عادي ... ده عنوان المرأة من بقها ... ورسمت شفايفها ده رمز للجمال ... بس قبل ما تدبس خودها على دكتور وشوف أذا يعرف يعملها تقويم للسنان ونفخ للشفايف كان بها وأبقى أخصم تمن العملية من المهر يا سيدي هههههههههههه

بس خلي بالك عيالك ممكن أحتمال كبير يبقى برضو عندهم نفس المشكلة بسبب الجينات .
فأذا البنت جميلة وممكن تتصلح توكل على الله ... بس لو تكاليف الاصلاح بتمن وحده جديدة بعها وهتلك وحده جديدة أفضل ... وأوعه ياعزيز تتجوز وحده وانتا نفسك قايمة منها نهائي أوعة ... وتحياتي .

المشاركة الأصلية كتبت بواسطة amro_on

موضوع جامد فحت

فكرتني بحاجه حدثت بالفعل ....

مره واحد راح لشيخ عشان يشفله عروسه ... فالشيخ بيقوله ايه مواصفاتك .... فالشاب الذيذ فكر ونطق ويريته منطق .... قال عاوز واحده بغمزتين

الشيخ قالوا نعم !! ... قالوه اه عاوز واحده بغمزتين .... الشيخ خده على قد عقله و قالوه طب هو في واحده دلوقتي بغمازه واحده تمشي معاك لحين ميسره :copy of new:

بجد والله مش عارفين نختار ازاي :( .... انا حاسس اني مش هخلص من العوزبيه دي

ههههههههههه فكرتني بنكته قالهالي جدي زمان بس لو قلتها هنا هاخود كرت أحمر من المنتدى كلو هههههههههههههه

بس عارف فعلا رغم أني أنا متجوز بس لغايت دلوقتي مش عارف على اي أسس الواحد بيختار شريكة حياتو ... انا عن نفسي أتجوزت ضربت حظ كده ، بس الحمدالله طلع حظي حلو ، بخلاف زميلي الي عاوزين يطلقو حتى بعد ماربنا رزقهم عيال .

المشاركة الأصلية كتبت بواسطة mohab.nabil

و الله فى بنات كتير فى مصر يعتبروا شكلهم جميل

صحيح مش شديدى الجمال بس شكلهم يعتبر كويس جدا

و الجمال نسبى يعنى انا بشوف بنات ببقى حاسس انهم ماشاء الله اية من الجمال و غيرى ميشوفش فيهم حاجة و العكس صحيح

اهم حاجة الصفات المكملة للجمال مع نسبة جيدة من الجمال يبقى كده المعادلة كاملة

واللهي معاك حق ... بس في شباب نفسها حلوة ومتفرقش معاهم خالص حتت الجمال دي خالص ... وفعلاً معاير الجمال بتختلف من شخص لشخص ...
بس المشكلة ياعزيزي أن حتى الجمال مابيدومش ... الستات بعد الخلفة والحمل بتضرب على طول وتفشول ... لذلك حتى لو كنت بتبص على أساسيات البنت العود والكتاف والوسط ... فدول مابيكملوش معاك 3 سنين بالضبط أو 100.000 الف كيلو أيهما أقرب وتلاقيها فشولت وجسمها باااز خالص .
وأن قلنا الجمال جمال الروح مع قرف العيال ومشاكل الحياة وهموم الدنيا تلاقي الست أتقلب وشها تكشيرة طولها شبرين ... وتلقيها بطلة العالم في مد البوز شبرين ... يبقى متبقاش غير جمال الوش ... يا أخي برضو غير لمن الواحد يتصبح بوش حلو كده وأمور على الصبح ... وتحياتي

المشاركة الأصلية كتبت بواسطة ahmed1006

ايه المواضيع الجميلة دي يا ميدو يا حبيبي

بص بقي العيب مش فالولد دايما سيبك من الولد الي بيقول بنت شبه نانسي انا بقول ان في بنات كتير حلوة وكتير اوي كمان بس عارف ايه المشكلة المشكلة فمصر ان البنات اكتر من الولاد فعايزين بردوا يتجوزا بردي زي بنت خالتها وبنت عمها بتحاول بطريقة غلط

وهي انها ترتبط بولد وفالاخر الموضوع يفشل تيجي انت تقول لنفسك طب هقدر اسامح فالماضي مع انها محترمة بس ارتبطة اكتر من مرة فكرامة المصري بقي مش عارف او بيحس بغيرة لو هيحبها فبيتررد انه يكمل معاها وتبقي جوازة


كان في مثل قديم يابوحميد يقلك البنت زي البطيخه يا تطلع حمره ياتطلع قرعة ...
أن طلعت قرعة فأنتا شربتها ، وأن طلعت حمره ففي مليون واحد قبلك جه يشتريها وطبب عليها ..





دي حته تاني واحدة بردوا لو حلوة بقي اتفرج علي الغرور وعاوزة وعاوزة من الاخر واحد غني وفي كل شئ وكمان مش عاجب ويتركب ..

ثالث شئ البنات الي مش حلوة اوي ودولا بصراحة غلابة وفي منهم مؤدب جدا بس بردوا يا ميدو الوسطية فكل شئ حلوة يعني تبقي مؤدبة وحلوة شوية مش شرط تبقي نانسي بس عالاقل لما تبص فوشها تسرك ... فالمعادلة تلاقيها فشلة بردوا

فالاخر انت عاوز واحدة تصونك فغيابك واخلاقها كويسة


وتكون عاوزة تعيش وتستحمل


وبردوا معلش تكون شكلها حلو شوية


(مجرد راي )

تحياتي يا ميدو باشا علي الموضوع الرائع

حبييييييييييييب قلبي يا بوحميد منور واللهي يابشا الموضوع يا غالي ... رأيك جميل يا غالي ... وفعلاً تلاحظ دلوقتي أن تعدد البنات في مصر بلدنا الحبيبه في أزدياد ، وبغباء ... تعاله شوف مثلاً مدرسة بنين فيها كام طالب وشوف مدرسة البنات فيها كام طالبة ... انا مرات ببص كده على كمية البنات في الشارع وأقول يانهر أزرق هيتجوزو أيمتى دول ؟؟؟
ولا أحنا هنجبلهم عرسان منين ... عدد البنات الضعف عندنا ، ومع ذلك كمية العنوسة كتيررررر ... وكمية الشباب الي بيدور على عروسة ومش لاقين كمان أكتر وأكتر ... ومتقلوليش مشكلة فقر أو بطالة أو مش لاقين شقة ... في شباب مقتدرة بس فعلا ً مش لاقين عروسة لغايت دلوقتي ... لأن مفيش معيار محدد يقدر يبني عليه أفكارو ... الرسول صلى الله عليه وسلم قال تنكح المرأة لربع ....... فأظفر بذات الدين تربت يداك ...

والحمدالله كتير من البنات ملتزمات وكل شيء ... هنقول علشان النسب .. نسب فين يا حسـرة معدش في لا حسب ولا نسب ، هنقول علشان مالها ... ما خلاص نص البلد بقت مفلسة ...

وعلى فكرة يا عزيزي حتى الشاب ... بيخاف الناس تقول عليه ان فلان ارتبط او خطب كذا مره وفسخ الخطبة والناس تطلع عليه ان فلان ده مش بتاع جواز وانو لعبي ... رغم ان ممكن يكون السبب عيب الواد شافو في البنت ، صعب أنو يتعايش معاه .

حبيب قلبي واللهي يا بوحميد صحيح مقلتليش أنتا أتجوزت ولا لسه ... يالله شد حيلك علشان نشوفلك عروسة كده حلوة ياجميل .

صحيح يا شباب :

أمبارح كنت وديت الحج للغاية الدكتور ونزلت أقف تحت أشربلي سجارتين كده المهم وانا واقف بصيت لقيت شب بسم الله مشاء الله أمور جداً وكلاس جداً وراكبلي جيب شروكي وقفلي تحت عيادة الدكتور في المهندسين وراكن صف تاني .

والاخ نازل وواقف ... ومخلاش ولا وحده ولا نملة ولا قطة في الشارع الا وبص الاقي ماشي وراها ويرميلو كلمتين ... كان نفسي أروح ارزعو قلمين وقلوا يا أخي عيب عليك أختشي معندكش أخوات بنات ... شب زي حالتك راكب عربية بالشيء الفلاني مش قادر يتجوز يعني ولا خلاص ...لازم تمارس هوايتك المعتادة في معاكست ومدايقت البنات ، ماتروح تتجوز يا اخي وانتا بسم الله مشاء الله عليك قادر تجوز بدل الوحده الف وحده .

بس قلت بلاش اكلموا لايكون مسلح ويقوم يفرغ طبنجه فيا ولا حاجة ، أنا عندي عيال عاوز اربيها .

بس بجد فكرني بالاعلان بتاع مولدي بتاع زمان ...

[youtube]http://www.youtube.com/watch?v=BtxZQ4-Kzsg[/youtube]
[youtube]http://youtu.be/BtxZQ4-Kzsg[/youtube]

شباب بياخود عربيات 4500 CC ويطلعو يعاكسو بيها وبعدين نشتكي من أزمة البانزين في البلد ... فانا بأعتقادي أن أهم حل لمشكلة البانزين وأزمة البانزين أن الشباب تتجوز ... ساعتها هتلاقي الشباب أتخمدو في بيوتهم ، أحسن ماهما طول النهار صبح وليل دايرين في الشوارع ويحرقو في البانزين ويديقو خلق الله .

انا لو مكان الشب ده بتاع الشروكي لا اروح اتجوز أفضلي مليون مره من أني أقف في الشارع كده .بالمنظر ده .