أتمني ان الايام دي ترجع تاني ويرجع منتدي بروتون لسابق عهده

**yaseenmohamed** · 12-04-2012 11:24 PM

السلام عليكم ورحمه الله وبركاته
مش عارف ليه المنتدي بقاله فتره كبيره هادي جدا لدرجه غريبه ....يعني الواحد كان زمان أول حاجه يدخل عليها هو منتدي بروتون حتي قبل ماشتري العربيه....مش عارف السبب هو كتره مشاغل الناس ...ولا البلد وأحوالها ....ولا ايه ولا ايه....
مش حتصدقوني لو قلتلكم اني النهارده أعدت أقرأ كل المشاركات القديمه يمكن لاكتر من سنتين فاتو
وفعلا اشتقت أوي للايام دي والمشاركات دي وكل التعليقات والمداخلات والمشاركات ..أتمني ان الايام دي ترجع تاني ويرجع منتدي بروتون لسابق عهده

ونحاول دلوأتي نصحصح الناس شويه:
طبعا متهيألي ان اي عربيه اوتوماتك في الدنيا بيبقي فيها دواسه لسند القدم اليسري عليها
ده حتي موجوده في بعض العربيات المانيوال علشان السواقه لمسافات طويله...الا في الساجا
وبصراحه الموضوع ده علي أد ما بيبان انه بسيط بس مضايقني أوي ..يا تري حد عنده أي اقتراحات لعمل الدواسه دي بشكل يبان انها نازله فيها كده؟؟؟؟
ياريت الكل يشارك
تحياتي,,,,,

**Raul_7** · 13-04-2012 12:04 AM

أنا معاك فعلا, أنا قعدت أقرأ في القسم ده أكتر من 9 شهور قبل مجيب العربية وبعد مشتريتها كمان كان شغال لفترة طويلة, بس اللي ملاحظه حاليا إن معظم الناس موجودة على جروب بروتون عالفيسبوك مش هنا...تقريبا للسهولة.

طبعا أنا معاك في نقطة الدواسة ديه غريبة جدا, ده أنا مانيوال وعندي, وشايفها مهمة جدا, خصوصا في السفر.

مش عارف إذا كان ممكن تجيب واحدة من أي عربية شبيهة وتثبتها ولا لأ, بس أعتقد ده الحل الوحيد.