العربيه بتأخر فى الدواره

**vooooo** · 17-06-2007 08:00 PM

ليا أستفسار و ارجو الأجابه من ذوى الخبره بالمنتدى
لأنى طلع عينى فى الموضوع ده
الحته الفولفو بتأخر فى الدواره عمال على بطال. يعنى مش الصبح بس
يعنى ممكن بعد مابطلها لمده 5 دقايق و لو لحظه كمان ماتدورش و تقرفنى لحد لما ادورها
غيرت بوجيهات و نظفت الأسبراتير و برضه نفس المشكله
ممكن يكون فى الكاربراتير؟؟؟؟؟ مأظنش
طيب لو فى الكاربراتير ممكن اغيره؟
هو بيركبلها نوعين كاربراتير ( كاربراتير زى بتاع البيجو ال 504 ) و ( كاربراتير زى بتاع المردسيدس ال 200 ابو غطا اصفر )
و بصراحه مش عارف انهو الأفضل و كل لما اسأل ميكانيكى يقولى ده اللى احسن و واحد تانى يقولى التانى احسن
و الأتنين اللى بسألهم المفروض متخصصين فى الفولفو و كل واحد بيقولى كلام
انا مركب الكاربراتير اللى زى بتاع البيجو

ارجو الفاده علشان خلاص انا على حافه الهاويه
اول لما ارجع اجازه هولع فى العربيه

**hazem_khidr** · 17-06-2007 08:30 PM

تاخير الدواره بيجي من كذا سببب يا البوجيهات يا الابلاتين و الكوندنسر دا لو الاشعال عندك مش الكتروني.يا اما البطاريه بتاعك ضعيفه.و موضوع الكاربيراتير دا متهيالي مش بياثر بس نصيحتي انك تدور علي الاصلي بتاعها و تجيبه حتي لو مستعمل حيبقي احسن بكتير من التوفيق في قطع الغيار
و حاول تعمل اللي حقولك ععليه دا
1.البوجيهات و خلي بالك في كتير مضروب في السوق هات من واحد يكون ثقه و يا ريت لو شامبيون او بوش
2.مجموعه الكهربا شوف الابلاتين و الكوندنسر لو انت مش اشعال الكتروني ولو الكتروني شوف الشاكوش ممكن يكون تعبان و متهيالي النشكله دي كهرباء
3.الموبينه بس احتمال ضعيف علشان يوم ما بتبو بتقف مره واحده بس اكشف عليها ولو حد عنده استعمال هاتها جربها بس احتمالها ضعيف
راجع دا كله بس الاهم هو الاسبراتير اتاكد منه كويس

**vooooo** · 17-06-2007 08:48 PM

الأسبراتير عندى الكترونى و الشاكوش و فحمه الأسبراتير على كلام الميكانيكى كويسين
البوجيهات غيرتها ( و بغيرها كل شهر مش عارف ليه ) بتبوظ طبعآ
و الكاربراتير اصلى بس هو مشابه النوعين اللى قولت عليهم لأن الفولفو مش منتشر فبحاول اشرحهم اسهل
كل حاجه فى العربيه اصلى مع انها كركوبه بس بجيب الأصلى على طول
الموبينه زى الفل و الحمد لله و فين الاقى حد عنده استعمال اجربها ولا حد معاه فولفو
الظاهر انى فى مكان منعزل عن الفولفو
كل ده انا عملته من اسبوعين و ابتدت تبقى كويسه
لكن رجعت ريما لعادتها القديمه

**Abdallah** · 17-06-2007 09:27 PM

اسمحلى, انت بتغير البوجيهات كل شهر ازاى يعنى ؟؟؟؟
هل البوجيهات بتطلع سوداء مهببة ؟؟؟؟
هل العربية ممكن تقعد تدور فيها ساعة تدى مارش وبعد كدة تقعد تنتع لحد ما تدو واوقات تانية تدور من اول تكة ؟؟؟
لو الكلام دة عندك يبقا حرق العربية مش مظبوط, تأكد من الكاربراتير هوا السبب الوحيد للموضوع دة ومش شرط يكون بايظ ممكن يكون عايز يتظبط او الفونيات بتاعته مش مظبوطة.
لو هتغير انا افضل انك تجيب بتاع المرسيدس لانها مقاربة اوى لل فولفو فى الميكانيكا .

**vooooo** · 17-06-2007 10:11 PM

البوجيهات مش بتطلع سوده بتبقى عادى
بس بيبقى فيه بوجيه واحد اللى بيفصل فبيخلى العربيه تقطع فبغير البوجيهات كلها طبعآ
العربيه مابتدورش من اول تكه. بتقرفنى لحد لما تدور و ممكن ثوانى و تدور
ممكن فعلآ الحرق مش مظبوطهو الكاربراتير اللى عندى فيه اكس و باب بس ماأظنش ده السبب
انا عندى كاربراتير اللى شبيه بالمرسيدس و بيقولوا عليه 23 فى الفولفو
هظبطه و هبقى اركبه و اشوف و كنت عايز اعمل كده من زمان لكن فرق المسافات هو اللى بيخلينى اكسل
ممكن الأجازه دى اعملها و تضيع الأجازه زى كل مره على المحروسه الفولفو

و شكرآ للأجابات

**vooooo** · 17-06-2007 10:23 PM

فيه احتمال بعيد قوى عن المنطق
لكن برضه لازم نشك فى صوابع ايدينا

ممكن تبقى البطاريه السبب؟ مع انها مش بتضعف مع كتر التجربه فى الدواره
ماأظنش
صح؟

**hazem_khidr** · 17-06-2007 11:23 PM

ممكن تبقى البطاريه السبب؟ مع انها مش بتضعف مع كتر التجربه فى الدواره
ماأظنش
صح؟

اه صحيح ممكن تكون كابلات الارضي ضعيفه غابت عني دي خالص

**samirpop2** · 17-06-2007 11:42 PM

ممكن تكشف علي طرمبة البنزين انا كان معايا 128 وكان فيها مشكله شبيها بعد دوخا شهرين مع الميكانيكيا طلع طرمبة البنزين بترجع البنزين علشان كده العربيه مش بدور الصبح كنت اكارك سعتين علشان تدور
احتياطي اطمن علييها

**vooooo** · 18-06-2007 07:04 PM

لحد دلوقتى مش قادر أعرف السبب لأنى مسافر
لكن لما ارجع انشاء الله و تضيع اجازتى عند الميكانيكى
هبقى يانا يالعربيه
و باين كده هنزل بيها القاهره علشان اقدر اظبطها كويس
قولولى حد يعرف ميكانيكى فولفو فى القاهره؟؟؟؟؟؟؟؟؟؟؟

شكرآ يا جماعه على الردود و التعاون

**samirpop2** · 19-06-2007 12:54 AM

في واحد بتاع فولفو في تقاطع شارع شامبليون مع محمود بسيونى في وسط البلد متخصص فولفو بس هو معروف هناك بس انا مش عارف اسمه

الموضوع: العربيه بتأخر فى الدواره

LinkBack

أدوات الموضوع

عرض

العربيه بتأخر فى الدواره - انشر الموضوع فى :

-

-

-

-

-

المواضيع المتشابهه

العربيه بتسقف فى اول الدواره

القول الفصل في تسخين العربيه في الدواره ولا لأ

مشكله في العربيه في الدواره و صوت العربيه عالي !!!!!!

العربيه لانوس بتغييب فى الدواره

العربيه بتتاخر معايا فى الدواره

الكلمات الدلالية لهذا الموضوع

المفضلات

المفضلات

ضوابط المشاركة